1 Kini, dusanak-dusanak, kami ingin kau mangetahui tentang anugrah Allah nan ala di agikan kapado jamaah di Makedonio, ² bahwa dalom banyaknyo ujian panderitaan, kalimpahan sukkocito dan gadangnyo kamiskinan sidak ala bakalimpahan dalom kekayoan katulusan hati sidak. ³ Ambo basaksi bahwa sidak mangagi sasuai jongon kamampuan sidak, bahkan malebihi kamampuannyo ate karelahan sidak saurang. ⁴ Sidak mamohon jongon sangat kapado kami akkan anugrah nandak turut ambil bagian dalom pelayanan urang kudus. ⁵ Dan, ikkolah nan sidak lakkukan, indak sarupo nan kami harapkan, partamo-tamo sidak mangagikan diri sidak saurang kapado Allah, kamudian kapado kami oleh kahendak Allah. ⁶ Jadi, kini mandesak Titus, sabagai mano inyo ala mamulainyo, demikian pulo inyo akkan manyelesaikan pakkarajoan anugrah diantaro kau. ⁷ Namun, samo sarupo kau barkalimpahan dalom sagalo hal, dalom iman, pangetcekan, pangetahuan, sagalo usaha,dan dalom kasihmu tahadap kami, hendaknyo kau juo bakalimpahan dalom anugrah ikko. ⁸ Ambo indak mangetcek hal ikko sabagai parintoh tatapi nandak manguji malalui kasungguhan urang lain tentang kaiklas kasih kau. ⁹ Sabab, kau mangetahui anugrah Tuhan kito Yesus Kristus, bahwa walaupun Inyo kayo, Inyo rela manjadi miskin demi kau supayo malalui kamiskinan-Nyo, kau manjadi kayo. ¹⁰ Dan, dalom hal ikko ambo mangagikan pandapean ambo, hal ikko adolah nandak kauntungan kau, nan sajak tahun lalu, kau hanya indak malakkukannyo, tatapi juo bangkainginan nandak malakkukannyo. ¹¹ Jadi, kini, selesaikanlah pakarajoan supayo sepadan jongon karelaan kau nandak manyelesaikan apo nan ado pado kau. ¹² Sabab, jiko ado kasiapan mangagi, pangagian inun akkan ditarimo, badasarkan apo nan indak dipunyoinyo. ¹³ Hal ikko indak nandak maringankan urang lain dan mambebani kau, tatapi supayo ado kasaimbangan. ¹⁴ Padialah kalebihan kau kini mancukupi kakurangan sidak agar kalabihan sidak dikamudian mancukkupkan kakurangan kau. Jongon baitu ado kasaimbangan. ¹⁵ Maccam nan tasurek dalom kitab suci, "Urang nan mangumpukan banyak, indak kalabihan dan urang nan mangumpukan saketek, indak kakurangan." Keluaran 16:18 PANGUTUSAN TITUS 16 Namun, syukur bagi Allah nan manaruh dalom hati Titus basungguhan nan samo jongon nan ambo punyoi nandak kau. ¹⁷ Sabab, Inyo indak hanya manarimo anjuran kami, tatapi jongon kasungguhanyo nan gadang, inyo datang kapado kau ate kahendaknyo saurang. ¹⁸ Basamo Titus, kami mangutus dusanak na dipuji-puji diantaro sadonyo jemaah dalom hal pambaritoan Injil. ¹⁹ Indak itu sajo, inyo juo diunjuk oleh jemaah nandak pai basamo kami dalom pelayanan anugrah ikko, nan kami lakkukan nandak mambao kamuliaan bagi Tuhan dan nandak manunjukkan karelahan kami. ²⁰ Kami sangat bahati-hati supayo indak ado urang nan akkan mancela kami dalom hal dalom pangagian gadang nan diatur oleh kami. ²¹ Kami barusaho malakkukan apo nan elok, indak hanya dalom pandangan Tuhan, tatapi juo dalom pandangan manusio. ²² Dan, basamo sidak, kami mangurus dusanak kami nan ala saring kami uji dan tabukti rajin dalom banyak hal, talabih lai kini makkin rajin karano inyo mampunyoi keyakinan nan gadang tahadap kau. ²³ Kini tentang Titus, inyo adolah pasangan dan teman karajo ambo nan akkan mamamfaat kapado kau. Sedangkan tentang dusanak kito nan lain, sidak utusan jamaah-jamaah, suatu kamuliaan bagi Kristus. ²⁴ Jadi, tunjukkanlah kapado sidak, dimukko jamaah-jamaah bukti kasih tau dan kabanggaan kami ate kau.