¹ Jadi, karano Kristus ala mandarito sacaro jasmani, hendaklah kau mampersanjatoi dirikau jongon pikkiran na samo, sabab urang na ala mangalami pandaritoanjasmani, ala baranti babuek doso ² sahinggo dalam manjalani siso hidup di dunio ko, inyo indak lai mangikkuti kainginan manusio, malainkan kahandak Allah. ³ Sabab cukkuplah waktu pado maso lalukau untuk malakukan kabiasoan urang-urang na indak manando Allah; hidup dalam hawo nafsu, kamabukan, pesta pora, minum-minum, dan panyembahan bahalo na panu kakejian. ⁴ Kini, sidak heran bana katiko mandapeki bahwo kau indak lai ikkut dalam kebejatan lia na sidak pabuek. Karano itu, sidak mamfitnah kau. ⁵ Akan tatapi, sidak akan mangagi patanggungjawaban kapado Inyo na akan manghakimi urang na hidup jongon na mati. ⁶ Untuk alasan ikkolah, Injil dibaritokan kapado urang-urang na kini ala mati sahinggo maskipun sidak ala dihakkimi di dunio ko sasue dihakkimi di dunio ko sasue jongon standar manusio, tatapi sidak hidup sacaro roh manurut ukuran Allah. Gunokanlah Karuniokau untuk Malayani ⁷ Akhir dari sagalo sasuatu ala dakkek. Karano itu, waspadolah dan bajago-jagolah supayo dapek badoa. ⁸ Di ate sadonyo tu, taruslah saling mangasihi jongon sungguh-sungguh sabab kasih manutupi banyak bana doso. ⁹ Tunjukkanlah karamahan saincek jongon lainnyo tanpa mangeluh. ¹⁰ Karano satiok urang ala manarimo karunio, pagunokanlah itu untuk malayani saincek jongon lainnyo sabage palayan na elok ate babage karunio dari Allah: ¹¹ siapo na mangeccek, eloklah inyo mangeccek sabagai urang na manyampekan firman Allah; dan siapo na malayani, eloklah inyo malayani jongon sagalo hal, Allah dimuliokan malalui Yesus Kristus. Ka Inyolah kamuliaan dan kuaso sampe salamo-lamonyo. Amin. Mandarito sabage Pangikkut Kristus ¹² Saudaro-saudaro na ambo kasihi, janganlah takajut jongon api pancuboan na datang untuk manguji kau, saolah-olah sasuatu na aneh tajadi ate kau. ¹³ Namun, basukkocitolah karano kau ikkut ambik bagian dalam pandaritoan Kristus sahinggo kau pulo dapek basukkocito jongon bagembira pada saat kamulioan-Nyo dinyatokan. ¹⁴ Babahagiolah jiko kau dihino karano namo Kristus, sabab Roh kamulioan dan Roh Allah diam di dalam kau. ¹⁵ Akan tatapi, jangan ado di antaro kau na mandarito sabage pambunuh, pancilok, palaku kajahekan, ato sabage urang na sukko mancampuri urusan urang lain. ¹⁶ Akan tatapi, siapo pun na mandarito sabage urang kristen, janganlah inyo malu, sabaliknyo hendaklah inyo mamuji Allah karano mananggung sabutan tu. ¹⁷ Ala saatnyo panghaiman dimule dari kaluargo Allah. Dan, jiko panghakiman Allah dimule dari kito, baapokah nasib urang-urang na indak taat kapado Injil Allah? ¹⁸ Jiko urang saleh sajo sulit untuk disalamatkan, baapo jongon urang jahek dan urang badoso? Amsal 11:31 ¹⁹ Karano itu, padialah sidak na mandarito karano kahandak Allah, mampiccayokan jiwonyo kapado Sang Pancipto na satio, sambi tarus malakukan apo na elok.