¹ Damikian pulo kau, hei bini-bini, tunduklah kapado lakkikau. Sabab, apabilo di antaro sidak ado na indak taat kapado Firman, sidak dapek dimanangkan samo tingkah lakku bininyo tanpo kato-kato, ² sabab sidak maliek batapo murni dan terhormatnyo tingkah lakku kau. ³ Janganlah karancakan kau barasal dari hiasan lua, misalnyo dari mangepang rambut, mamakke parhiasan ame, ato mamakke pakkaian na maha-maha. ⁴ Sabaliknyo, handaklah karancakan kauna indak dapek layu, na barasal dari roh na lemah lembut jongon tanang. Itulahna bahago di mato Allah. ⁵ Sabab, damikianlah padusi-padusi kudus pado zaman dahulu, na malatakkan pangharapan sidak kapado Allah, mamparancak diri sidak; yaitu jongon tunduk kapado lakki sidak. ⁶ Damikianlah Sara taat kapado lakkinyo, Abraham, dan mangimbonyo "tuan". Kau iyolah anak-anak Sara jiko kau babuek elok jongon indak dikuasai samo raso takkut katiko malakukannyo. ⁷ Damikian pulo kau, hei lakki-lakki, hiduplah basamo binikau jongon panuh pangartian karano sidak kaum na labi lemah. Hormatilah sidak sabage sasamo ahli waris dalam manarimo anugrah hidup supayo doa-doakau indak tahalang. Mandarito karano Berbuat Benar ⁸ Akhirnyo, hendaklah kau sakiro mampunyoi kasatuan pikkiran, bale kasih, kasih parsaudaraan, hati na lemah lembut, dan karandahan hati. ⁹ Janganlah mambale ka jahekan jongon kajahekan, ato makian jongon makian. Sabaliknyo, hendaklah kau mambarkati sabab untuk itulah kau diimbo, yaitu supayo kau mawarisi berkat. ¹⁰ Sabab Kitab Suci bacakkap, "Barangsiapo mancintoi hidup, dan nandak maliek hari-hari na elok, inyo harus manjago lidahnyo dari kajahekan, dan bibinyo dari mangucapkan tipu muslihat. ¹¹ Inyo pulo harus manjauhkan diri dari na jahek dan malakukan na elok. Handaklah inyo mancari pardamaian, dan barusaho mangkajanyo. Sabab, mato Tuhan mamparhatikan urang-urang benar, dan talingo-Nyo mandangakan doa-doa sidak. Namun, Mukko-Nyo manantang urang-urang na malakukan kajahekan." Mazmur 34:13-17 ¹³ Siapokah na akan mancelakaikau jiko kau rajin malakukan hal na elok? ¹⁴ Namun, saandainyo kau harus mandarito demi kabenaran, mako kau akan diberkati. "Jangan takkut dan jangan gentar tahadok sidak na mambuek kau mandarito." ¹⁵ Akan tatapi, kuduskanlah Kristus sabage Tuhan di dalam hatikau! Siap sadiolah untuk mangagi jawaban kapado siapo pun na manuntut kau manganai pangharapan na kau punyoi, ¹⁶ tatapi lakukanlah itu jongon lemah lembut dan hormat, serta punyoilah hati nurani na janih supayo katiko kau difitnah, urang na mancaccek caro hidupkau na elok di dalam Kristus akan manjadi malu. ¹⁷ Sabab, labi elok mandarito karano babuek elok, jiko itu memang kahandak Allah, daripado mandarito karano babuek jahek. ¹⁸ Karano Kristus juo ala mandarito karano doso-doso, sakkali untuk sadonyo urang, na benar mati untuk na indak benar, sahinggo Inyo dapek mambao kito kapado Allah. Dibunuh sacaro jasmani, tatapi dihidupkan di dalam Roh. ¹⁹ Dalam Roh, Inyo pulo pai dan malakukan pambaritoan kapado roh-roh di panjaro, ²⁰ yaitu sidak na dulu indak taat katiko Allah jongon sabar manaati sidak pado zaman Nuh, samantaro Nuh mambangun bahteranyo. Malalui bahtera tu, hanyo saketek, yaitu lapan urang sajo, na disalamatkan samo a'i bah. ²¹ A'i bah tu malambangkan baptisan na kini manyalamatkan kau. Baptisan indak untuk mambersihkan kotoran dari badan, tatapi marupokan pamohonan kapado Allah untuk sabuah hati nurani na murni malalui kabangkitan Yesus Kristus, ²² yaitu Inyo na kini ala naik ka surga dan barado di sabalah kanan Allah; satala sadonyo malaikat, paro pamarintah, dan para panguaso ditundukkan kapado-Nyo.