¹ Karano tu,buanglah sadonyo kabancian,sadonyo tipu daya,sadonyo kamunafikan,sadonyo iri hati,samo sagalo maccam fitnah. ² sakiro bayi na baru lahe,hendaklah kau manginginkan susu rohani na murni supayo kau batumbuh dalam kasalamtan kau, ³ Kok kau alaa sungguh-sungguh marasokan bahwa Tuhan tu elok. ⁴ Saat kau datang kapado Kristus,Batu Hidup na ditolak oleh manusio,tatapi na dipilih oleh Allah jongon dianggap sangat bahargo bagi-Nyo, ⁵ Kau juo sakiro batu-batu hidup,na dibangun manjadi suatu rumah rohani,imamat na kudus untuk mamparsembahkan kurban-kurban rohani na bakenan kapado Allah malalui Yesus Kristus. ⁶ Karano kitab suci bakato, "Lieklah,Ambo malatakkan sabuah batu di sion, sabuah batu panjuru na tapilih jongon na mulia, jongon siapo pun na piccayo kapado-Nyo indak akan dipamalukan." Yesaya 28:16 ⁷ Jadi,batu tu mulia bagi kau na piccayo,tatapi bagi na indak piccayo, "Batu na ditolak oleh tukkang-tukkang bangunan, ala manjadi batu panjuru,"Mazmur 118:22 ⁸ jongon manjadi, "Sabuah batu sandungan, dan karang na mambuek urang jatuh." Yesaya 8:14 Sidak tasandung karano indak taat pado Firman itulah jalan na ala ditantukan bagi sidak. ⁹ Namun,kau adolah bangsa na tapilih,imamat na rajani,bangsa na kudus,umat kapunyaan Allah sandiri supayo dapek mambaritokan kabaikan-kabaikan-Nyo,na la mangimbo kau kalua dari kagalapan manuju kapado tarang-Nyo na ajaib. ¹⁰ "Daulu,kau bukkanlah umat Allah, tatapi kini kau adolah umat Allah. tatapi kini kau adolah umat Allah. Dahulu,kau tidak manarimo baleh kasihan, tatapi kini ko kau alaa manarimo baleh kasihan Allah."Hosea 2:23 Manjalankan Hidup na Elok untuk Kamuliaan Allah ¹¹ Sodaro-sodaro na ambo kasiho,Ambo nandak manasihati kau sabagi pandatang jongon urang asing di dunio ikko untuk manjauhkan diri kau dari kaainginan hawa nafsu duniawi na baparang malawan jiwa kau. ¹² Jagolah tingkah laku kau na elok di antaro urang-urang na balum piccayo supayo apabilo sidak mamfitnah kau, sabagai palaku kajahatan,sidak dapek maaliek pabuekan kau na elok, jongon akan mamuliakan Allah pado hari pelawatan.Patuhlah kapado penguasa ¹³ Demi namo Tuhan,tundukkanlah kapado satiok lembaga pamarintahan na ditatapkan oleh manusio,baik kapado raja sabagai panguasa tertinggi, ¹⁴ atau kapado para gubernur na diutus oleh raja untuk manghukum para palaku kajahatan samo mangagi pujian kapado urang-urang na babuek elok. ¹⁵ Sabab,baitulah kahendak Allah:jongon babuek elok,kau mambungkam katidaktahuan urang-urang bodoh. ¹⁶ Hiduplah sabgagai urang-urang na merdeka,tatapi jangan pagunokan kamerdekaan kau tu sabagai kedok bagi kajahatan.sabaliknyo,hiduplah sabagai hamba-hamba Allah. ¹⁷ Hormatilah sadonyo urang.Kasihanilah sodaro-sodaro saiman,takkutlah akan Allah,jongon hirmatilah raja.Pandaritaan Kristus sabagai Teladan Hidup ¹⁸ Hamba-hamba,tunduklah kapado tuan kau jongon sagalo hormat.Bukkan hanyo kapado sidak na elok jongon lemah lembut,tatapi juo kapado sidak na indak adil. ¹⁹ Sabab marupokan suatu kasih karunio,kok demi kasadarannyo akan Allah,sasaurang mau batahan dalam pandaritoan karano katidakadilan. ²⁰ Sabab,apokah upah kau kok jongon tabah kau manarimo pukulan karano pabuekan kau na badoso?Akan tatapi,kok kau mandarito karano babuek elok jongon kau manarimonyo jongon tabah ,tindakan kau tu bakenan di hadapan tu bakenan di hadapan Allah. ²¹ Sabab, untuk itulah kau diimbo, karano Kristus pulo ala mandarito bagi kau dan maninggakan taladan kadikau supayo kau mangikkuti jejak-Nyo. ²² Inyo indak babuek doso, dan tipu dayo indak ado di mulut-Nyo. Yesaya53:9 ²³ Katiko Inyo diejek, Inyo indak mambale jongon ejekan; katiko Inyo mandarito, Inyo indak mangancam, tatapi mansarahkan diri-Nyo kapado Allah na akan manghakkimi jongon adil. ²⁴ Inyo surang ala mananggung doso kito pado badan-Nyo di kayu salib supayo kito mati tahadok doso, dan hidup untuk kabenaran. Samo bilur-bilur-Nyo, kau dicegakkan. ²⁵ Nandulu, kau sakiro domba-domba na tarus-manarus tasasek, tatapi kini kau ala kambali kapado Sang Gambalo dan Palindung jiwokau.