¹ Karano itu, sabage sasamo penatua jongon saksi mato pandaritoan Kristus, dan pulo sabage urang na akan ikkut ambik bagian dalam kamulioan na akan dinyatokan, ambo mandorong paro penatua na ado di antaro kau: ² Gambalokanlah domba-domba Allah na ado padokau! Jangan karano paksaan, tatapi jongon rela, sakiro na Allah kahandaki; jangan malakukannyo untuk mandapekkan kauntungan na hino, tatapi karano kasediaankau. ³ Jangan pulo batindak sabage panguaso tahadok sidak na dipiccayokan kadalam tanggung jawab kau, tatapi jadilah taladan kadi kawanan tu. ⁴ JOngon damikian, katiko nanti Sang Gambalo Agung datang, kau manarimo mahkota kamulioan na indak akan layu. ⁵ Damikian pulo kau, na labi mudo, tunduklah kapado tuo-tuo kau; dan handaklah kau sadonyo mampunyoi karandahan hati, na saurang kapado na lain karano: Allah manantang urang na sombong, tatapi Inyo mangagi anugrah kapado urang na randah hati. Amsal 3:34 ⁶ Sabab, itu, randahkanlah dirikau di bawah tangan Allah na panu kuaso. Mako, Inyo akan maninggikan kau pado waktunyo. ⁷ Sarahkanlah sadonyo karisoankau kapado Allah karano Inyo na mamaliharo kau. ⁸ Waspadolah dan bajago-jagolah! Musuhkau, si Iblis, bajalan mondar-mandir sakiro singo na mangaung, mancari mangso untuk dilulunyo. ⁹ Lawanlah Iblis! Tagaklah taguh dalam imankau karano kau tau bahwo di saluruh dunio, saudaro-saudaro saimankau pulo mananggung pandaritoan na kau alami. ¹⁰ Dan, satala kau mandarito untuk samantaro waktu, Allah sumber sagalo anugrah na ala mangimbokau untuk ikkut ambik bagian dalam kamulioan-Nyo na kekal di dalam Kristus akan mamulihkan, managuhkan, manguekkan, jongon mambangun kau. ¹¹ Ka Inyolah, kuaso untuk salamo-lamonyo. Amin! Salam Panutup ¹² Ambo manulis surek singkat ko kapadokau malalui Silwanus, na Ambo tando sabage saudaro saiman na satio. Ambo nandak mangangi samangat jongon kasaksian kapadokau, bahwo ikko iyolah anugrah na sajati dari Allah. Tagaklah taguh di dalam anugrah tu. ¹³ Jamaat na ado di Babilonia, na pulo umat pilihan Allah, manyampekan salam kapadokau. Markus, anak ambo dalam Kristus, pulo manyampekan salam untukkau. ¹⁴ Padialah salam saincek samo lain jongon ciuman kasih. Damai sajahtra bagi sadonyo na ado dalam Kristus. Amin.