¹ Saudaro-saudaro ambo na ambo kasihi, jangan mampiccayoi satiok roh, malainkan ujilah roh-roh tu untuk mangatahui apokah sidak barasal dari Allah karano banyak nabi palsu ala datang ka dunio. ² Baikkolah kau manando Roh Allah: satiok roh na mangakku bahwo Yesus Kristus ala datang dalam wujud manusio barasal dari Allah. ³ Satiok roh na indak mangakkui Yesus, indak barasal dari Allah. Itu iyolah roh anti-Kristus, na kau danga akan datang dan kini ala ado di dunio ko. ⁴ Anak-anak ambo, kau barasal dari Allah dan ala mangalahkan nabi-nabi palsu tu karano Inyo na ado di dalam dirikau labi gadang daripado inyo na ado di dunio. ⁵ Nabi-nabi palsu tu barasal dari dunio. Karano itu, sidak mangeccek dari dunio dan dunio mandangakan sidak. ⁶ Kito barasal dari Allah. Urang na manando Allah mandangakan kito tatapi urang na indak barasal dari Allah indak mandangakan kito. Jongon ikko, kito mangatahui Roh kabenaran jongon roh payasek. Marilah Kito Saling Mangasihi ⁷ Saudaro-saudaro ambo na ambo kasihi, molah kito saling mangasihi karano kasih barasal dari Allah, dan satiok urang na mangasihi lahe dari Allah dan manando Allah. ⁸ Urang na indak mangasihi indak manando Allah iyolah kasih. ⁹ Baikkolah kasih Allah dinyatokan di antaro kito: Allah mangutus Anak-Nyo Na Tunggal ka dalam dunio supayo kito dapek hidup malalui Inyo. ¹⁰ Di dalam ikkolah kasih tu: indak kito na ala mangasihi Allah, tatapi Allah lah na mangasihi kito dan mangarimkan Anak-nyo sabage kurban pandamaian bagi doso-doso kito. ¹¹ Saudaro-saudaro na ambo kasihi, jiko Allah baitu mangasihi kito, kito pulo harus saling mangasihi. ¹² Balum ado urang na pana maliek Allah. Jiko kito saling mangasihi, Allah tingga di dalam kito dan kasih-Nyo tu disampurnokan di dalam kito. ¹³ Jongon hal ko kito tau bahwo kito tingga di dalam Allah dan Allah di dalam kito karano Allah ala mangagikan kapado kito dari Roh-Nyo. ¹⁴ Dan, kami ala maliek jongon basaksi bahwo Ayah ala mangutus Anak-Nyo manjadi Juru Salamat dunio. ¹⁵ Satiok urang na mangakku bahwo Yesus iyolah Anak Allah, Allah tingga di dalam inyo jongon into tingga di dalam Allah. ¹⁶ Jadi, kito ala mangatahui jongon ala mampiccayoi kasih na Allah punyo kadi kito. Allah iyolah kasih, dan urang na tingga di dalam kasih, tingga di dalam Allah dan Allah di dalam inyo. ¹⁷ Jongon ikko, kasih disampurnokan jongon kito supayo kito dapek mampunyoi kayakinan diri pado Hari Panghakiman karano samo sakiro Inyo, baitu pulo kito di dunio ko. ¹⁸ Indak ado katakkutan di dalam kasih, tatapi kasih na sampurno mangusir katakkutan karano katakkutan bahubungan jongonn hukkuman. Urang na takkut, balum disampurnokan dalam kasih. ¹⁹ Kito mangasihi karano Inyo labi dulu mangasihi kito. ²⁰ Jiko ado urang na bacakkap, "Ambo mangasihi Allah," tatapi mambanci saudaronyo, urang tu iyolah panipu. Sabab, urang na indak dapek mangasihi saudaronyo na nampak, indak dapek mangasihi Allah na indak nampak. ²¹ Dan, parinto ko kito tarimo dari Allah: Satiok urang na mangasihi Allah, harus mangasihi saudaronyo pulo.