¹ Parhatikanlah batapo gadangnyo kasih na Ayah karuniokan kapado kito sahinggo kito disabut anak-anak Allah, dan memang kito iyolah anak-anak Allah. karano itu, dunio indak manando kito sabab dunio indak manando Inyo. ² Saudaro-saudaro na ambo kasihi, kini kito iyolah anak-anak Allah, tatapi sakiro apo kaadaan kito nanti balum lah nampak. Namun, kito tau bahwo katiko Inyo datang, kito akan manjadi sakiro Inyo karano kito akan maliek Inyo dalam kaadaan-Nyo na sabananyo. ³ Satiok urang na mampunyoi pangaharapan ko di dalam Kristus, inyo manyucikan dirinyo, samo sakiro Kristus iyolah suci. ⁴ Satiok urang na malakukan doso juo malanggar hukkum karano doso iyolah palanggaran tahadok hukkum. ⁵ Kau tau bahwo Kristus di nyatokan untuk manghapus doso, ⁶ Satiok urang na tingga di dalam Inyo indak babuek doso; dak saurang pun na badoso ala maliek ato manando Inyo. ⁷ Anak-anak ambo, janganlah padiakan suarang pun manyasekkan kau. Urang na malakukan kabenaran iyolah urang benar, samo sakiro Kristus iyolah benar. ⁸ Urang na babuek doso barasal dari setan karano setan ala badoso sajak samulo. Anak Allah datang untuk tujuan ko: manghancurkan parbuatan-parbuatan setan. ⁹ Indak saurang pun na lahe dari Allah babuek doso karano baniH Allah tingga di dalam dirinyo; dan inyo indak dapek babuek doso karano inyo ala dilahekan dari Allah. ¹⁰ Jongon damikian, siapokah anak-ana Allah dan siapokah anak-ana Iblis manajdi jale. Urang na indak malakukan kabenaran indak barasal dari Allah, damikian pulo urang na indak mangasihi saudaro-saudaronyo. Saling Mangasihi ¹¹ Sabab, ikkolah barito na ala kau danga sajak samulo, yaitu kito harus saling mangasihi. ¹² Jangan manjadi sakiro Kain, na barasal dari na jahek dan na mambunuh adiknyo. Dan, mangapo Kain mambunuh adiknyo? Sabab, parbuatan Kain jahek dan parbuatan adiknyo benar. ¹³ Saudaro-saudaro ambo, jangan takajut kok dunio ko mambancikau. ¹⁴ Kito tau bahwo kito ala kalua dari kamatian manuju kahidupan karano kito mangasihi saudaro-saudaro. Urang naindak mangasihi saudaronyo tingga di dalam kamatian. ¹⁵ Satiok urang na mambanci saudaranyo iyolah saurang pambunuh, dan kau tau bahwo indak ado pambunuh na mampunyoi hidup kekal di dalam dirinyo. ¹⁶ Baikkolah kito manando kasih: Yesus Kristus ala manyerahkan hidup-Nyo untuk kito. Jadi, kito pulo harus manyerahkan hidup kito untuk saudaro-saudaro kito. ¹⁷ Namun, apabilo urang mampunyoi harto duniowi, dan maliek saudaronyo sadang mambutuhkan, tatapi manutup hatinyo tahadok saudaranyo tu, baapo mungkin kasih Allah ado di dalam hatinyo? ¹⁸ Anak-anak ambo, molah kito mangasihi indak jongon kato-kato ato lidah, malainkan jongon parbuatan dan kabenaran. ¹⁹ Jongon ikko, kito akan tau bahwo kito barasal dari kabenaran dan kito akan managuhkan hati kito di mukko Allah. ²⁰ Sabab, apobilo hati kito manyalahkan kito, Allah labih gadang daripado hati kito, dan Inyo manau sagala sasuatu. ²¹ Saudaro-saudaro na ambo kasihi, jiko hati kito indak manyalahkan kito, kito mampunyoi kayakinan diri di mukko Allah. ²² Apo pun na kito mintak, kito manarimonyo dari Allah karano kito manuruti parinto-parinto-Nyo jongon malakukan apo na bakanan kapado-Nyo. ²³ Dan, ikkolah parinto Allah, yaitu supayo kito piccayo dalam namo Anak-Nyo, Yesus Kristus, dan kito saling mangasihi sakiro na ala Inyo parintokan kapado kito. ²⁴ Urang na manaati parinto-parinto Allah tingga di dalam Inyo, dan Allah tingga di dalam inyo. Jongon ikko kito tau bahwo Allah tingga di dalam diri kito, samo Roh na Allah karuniokan kapado kito.