¹ Satiok urang na piccayo bahwo Yesus iyolah kristus lahe dari Allah; jongon satiok urang na mangasihi Ayah, pulo mangasihi anak na lahe dari Ayah. ² Jongon ikko, kito tau bahwo kito mangasihi anak-anak Allah, yaitu katiko kito mangasihi Allah jongon manaati parinto-parinto-Nyo. ³ Karano ikkolah kasih Allah, bahwo kito manaati parinto-parinto-Nyo indaklah barek. ⁴ Sabab, apo pun na lahe dari Allah mangalahkan dunio; dan ikkolah kamanangan na ala mangalahkan dunio: iman kito. ⁵ Siapokah na mangalahkan dunio kok inda inyo na piccayo bahwo Yesus iyolah Anak Allah? Hidup Kekal Ado di Dalam Yesus ⁶ Inyo ikkolah na datang jongon a'i dan darah: Yesus Kristus; indak hanyo jongon a'i, malainkan jongon a'i dan darah. Rohlah na basaksi karano Roh tulah kabenaran. ⁷ Sabab, ado tigo na basaksi di surga: ⁸ Roh, a'i, dan darah; jongon katigonyo tu iyolah saincek. ⁹ Jiko kito manarimo kasaksian manusio, kasaksian Allah labi kuek. Sabab, kasaksian na Allah agikan iyolah kasaksian tantang Anak-Nyo. ¹⁰ Urang na piccayo kapado Anak Allah mampunyoi kasaksian tu di dalam dirinyo. Urang na indak piccayo kapado Allah ala mabuek-Nyo manjadi saurang panipu karano urang tu indak piccayo pado kasaksian na Allah agikan tantang Anak-Nyo. ¹¹ Dan, ikkolah kasaksian itu: Allah ala mangagikan kapado kito hidup kekal, dan hidup tu ado dalam Anak-Nyo. ¹² Satiok urang na mampunyoi Sang Anak mampunyoi hidup; satiok urang na indak mampunyoi Anak Allah indak mampunyoi hidup. Urang na Lahe dari Allah Indak Babuek Doso ¹³ Ambo ala manuliskan hal-hal ko kapado kau na piccayo dalam namo Anak Allah supayo kau tau bahwo kau mampunyoi hidup na kekal. ¹⁴ Dan, ikkolah kayakinan na kito punyo di mukko Inyo, yaitu jiko kito mamintak apo pun na sasue jongon kahandak-Nyo, Inyo mandanga kito. ¹⁵ Dan, jiko kito tau Inyo mandanga kito, apo pun na kito mintak, kito tau bahwo kito ala mampunyoi pamohonan na ala kito mintak dari-Nyo. ¹⁶ Jiko ado urang na maliek saudaronyo babuek doso na indak mangarahkan ka kamatian, eloklah urang tu mamintak, dan Allah akan mangagikan hidup kapado urang na babuek doso na indak mangarahkan ka kamatian itu. Namun, ado saincek doso namangarahkan ka kamatian; ambo indak mangatokan bahwo inyo harus batanyo untuk doso tu. ¹⁷ Sadonyo kaindak benaran iyolah doso, tatapi ado doso na indak mangarahkan ka kamatian. ¹⁸ Kito tau bahwo satiok urang na lahe dari Allah indak babuek doso, tatapi inyo na lahe dari Allah malindunginyo jongon si jahek indak mamacciknyo. ¹⁹ Kito tau bahwo kito barasal dari Allah, jongon saluruh dunio barado dalam kuaso di Jahek. V 20Dan, kito tau bahwo Anak Allah ala datang jongon ala mangagikan pangartian kapado kito supayo kito dapek manando Inyo na benar; dan kito ado di dalam Inyo na benar, dalam Anak-Nyo, Yesus Kristus. Iyolah Allah na benar dan hidup kekal. ²¹ Anak-anak ambo, jauhkanlah dirikau dari berhala-hala.