¹ Indaklah ambo urang bebas? Indaklah ambo urang rasul? Indaklah ambo ala maliek Yesus, Tuhan kito? Indaklah munak adolah hasil parkarajoan ambo dalom Tuhan? ² Jiko bagi urang lain ambo indak rasul, paling indak ambo adolah rasul bagi kau. Sabab, muna adolah materai kerasulan ambo dalom Tuhan. ³ Ikkolah pambelaan ambo tahadap sidak nan ala mamarikso ambo. ⁴ Apokah kami indak punya hak nandak makkan jongon minum? ⁵ Apokah kami indak punya hak nandak mambawo serta saurang bini nan saiman, sarupo rasul nalain, dusanak-dusanak Tuhan jongon juo kefas? ⁶ Atau, apokah hanya Barnabas jongon ambo nan indak punya hak nandak indak bakarajo? ⁷ Siapokah nan panah mangabdi tentara jongon biayanyo sautrang? Siapokah namananam kabun anggur jongon indak mamakkan buahnyo? Atau, siapokah nan manggembalalakan ternak dan indak maminum susunyo? ⁸ Apokah ambo mangatokan hal ikko manurut manusio? Indakkah hukum taurat juo mangatokan hal-hal nan samo? ⁹ Sabab, ado tatulis dalom hukum Taurat musa, "Janganlah munak mamberangus lembu nan sadang mengirik gandum! Apokah lembu nan sadang Allah perhatikan? ¹⁰ Atau, Apokah inyo mangetcekkannyo demi kito? Ya, demi kitolah hal inun tatulis karano mambajak harus mambajak dalom pengharapan jongon namalirik harus malirik dalom pangharapannyo nandak mandapekkan baginyo. ¹¹ Jiko kami manabur banih rohani di antaro munak, Apokah balabihan kalau kami manuai hal materai dari munak? ¹² Jiko urang lain mampunyoi hak ate kau, indaklah kami bahak lai? Meskipun baitu, kami indak manggunakan sagalo sasuatu supayo kami indak mangagikan suatu halangan bagi Injil Kristus, ¹³ Apokah munak tau bahwa sidak ala mangarajokan hal nan kudus tu, makkan makkanan dari Bait Allah juo? Jongon sidak malayani di altar mandape bagikan dari kurban pasembahan tu? ¹⁴ Demikian juo, Tuhan mamarintohkan sidak nan mambaritokan Injil nandak hidup dalom Injil Juo. ¹⁵ Namun, ambo indak panah mamakke saince pun dari hak-hak ikko. Jongon ambo indak mangurekkan hal ikko supayo dilakkukan sarupo kapado kau. Sabab, labih ranca ambo mati dari pado saurang maniadokan kabanggaan ambo. ¹⁶ Karano, jiko ambo mambaritokan Injil, ambo indak mampunyoi alasan nandak bamegah karano kewajiban ado di ate ambo. Cilakkolah ambo, jiko ambo indak mambaritokan Injil. ¹⁷ Kalau ambo mambaritokan Injil karano kahendak ambo saurang, ambo mampunyoi upah. Namun, kalau indak bukkan kahendak ambo, ikko adolah tugas nan dipitcayokan kapado ambo. ¹⁸ Kalau baitu, apokah ambo? upah ambo adolah katiko ambo mambaritokan Injil, ambo boleh mambaritokan Injil tanpa upah jongon indak manyala gunakan hak ambo dalom Injil. ¹⁹ Namun, walaupun ambo bebas ate sadonyo urang, ambo manjadi kan diri ambo saurang hamba bagi sadonyo urang supayo ambo boleh memenangkan labih banyak lai. ²⁰ Bagi urang Yahudi, ambo jadi sarupo urang Yahudi supayo ambo dapek mananangkan urang Yahudi. Bagi urang hidup di bawah Hukum Taurat, ambo manjadi sarupo urang nan hidup di bawah Hukum Taurat (Meskipun ambo saurang indak di bawah Hukum Taurat) supayo ambo dapek mamanagkan sidak nan ado di bawah hukum Taurat. ²¹ Bagi sidak nan tanpa Hukum Taurat, ambo manjadi sarupo tanpa Hukum Taurat (indaknyo tanpa hukum Allah, tapi di bawah hukum Kristus) supayo ambo dapek mamanangkan sidak tanpa Hukum Taurat. ²² Bagi urang nan lemah, ambo manjadi lemah supayo ambo dapek mamenangkan sidak nan lemah. Ambo ala manjadi sagalo sasuatu bagi sadonyo urang supayo jongon sagalo cara ambo dapek menyelamatkan babarapo urang. ²³ Ambo malakkukan hal ikko demi Injil supayo ambo boleh mandape bagian dari dalomnyo. ²⁴ Indak taukah munak bahwa sidak nan ballai dalom suatu pertandingan sadonyo balari, tapi hanya saince nan manarimo hadiah? Jadi, balarilah sedemikian supayo kamu mandapekkannyo! ²⁵ Satiap urang nan batanding balatih manguasoi diri dalom sagalo hal. Sidak malakkukannyo nandak manarimo mahkota nan fana, tatapi kito nandak mandapekkan mahkota abadi. ²⁶ Sabab inun, ambo indak balari sarupo inun tanpa tujuan. Ambo indak maninju sarupo maninjau angin. ²⁷ Namun, ambo malatih badn ambo jongon kare jongon manguasai supayo sasuda ambo mambaritokan Injil kapado urang lain, ambo saurang indak ditolak.