¹ Sabab, ambo indak mau munak indak mangatahuinyo, dusanak-dusanak bahwa para utci moyang kito, sadonyo karano di bawah awan jongon sadonyo malewati laut. ² Sidak sadonyo dibabtis dalom musa, di dalom awan jongon didalom laut. ³ Sidak sadonyo makkan makkanan rohani nan samo, ⁴ jongon sadonyo minum-minuman rohani nan samo. Sabab, sidak minum dari Batu rohani nan ikut basamo sidak, jongon Batu inun adolah Kristus. ⁵ Meskipun demikian, Allah indak bakenan jongon sebagian gadang dari sidak. Karano inun, sidak ditewaskan di padang belantara. ⁶ Kini, hal-hal ikko dijadikan contoh bagi kito supayo kito indak manjadi urang nan bakainginan jahek sabagai mano sidak mangingininyo. ⁷ Jangan manjadi panyembah bahala sarupo babarapo dari sidak, sarupo nan tatulis, "Bangsa tu duduk nandak makkan jongon minum, lalu bangun nandak bamain." ⁸ Jangan kito malakkukan pazinahan sarupo nan dilakkukan babarapo dari sidak sahinggo 23 ribu urang maningga dalom sahari. ⁹ Kito juo indak boleh mancobai Tuhan, sabagai mano babarapo dari sidak mancuboi jongon dibinasokan oleh ulek-ulek. ¹⁰ Jangan juo munak masungut-sungut sabagai mano sidak juo basungut-sungut jongon dibinasokan oleh malaikat maut. ¹¹ Hal-hal ikko tajadi ate sidak sabagai contoh dan dituliskan sabagai paringatan bagi kito, nan kapado siapo akhir zaman ala datang. ¹² Karano inun, padialah urang nan mayangka kalau dirinyo teguh batagak supayo inyo indak jatuh! ¹³ Indak ado pancuboan nan panah manimpa kau kacuali pancuboan nan biaso bagi manusio. Jongon Allah adolah satio, Inyo indak akkan mambiarkan munak dicuboi mala bini kamampuan kau. Akkan tatapi, basamo jongon pancuboan, Inyo juo akkan manyediakan jalan kalua supayo munak dapek mananggungnyo. ¹⁴ Karano inun, dusanak-dusanak ambo nan takasih, hindarkanlah diri kau dari panyembahan bahala. ¹⁵ Ambo mangetcek sarupo kapado urang-urang nan bijak sama, pabandingkan apo nan ambo kecekakkan. ¹⁶ Indaklah cawan berkat nan kito syukuri adolah persekutuhan dalom darah Kristus? ¹⁷ Karano ado satu roti, maka kito nan banyak ikko adolah saince tubuh; karano kito sadonyo manjadi bagian dari saince roti tu. ¹⁸ Parhatikan lah urang-urang Israel, indaklah sidak nan makkan persembahan mangambi bagian dari altar? ¹⁹ Jadi, apokah maksud ambo? Apokah makkanan nan dipersembahkan kapado bahala adolah sasuatu? Atau, apokah bahala adolah sasuatu? ²⁰ Indak. Ambo mengatakan kapado kau bahwa hal-hal nan bangso-bangso lain kurbankan, sidak mangurbankannyo nandak roh-roh jahek, indak nandak Allah. Jongon ambo indak mau basekutu jongon roh jahek. ²¹ Munak indak boleh minum cawan Tuhan jongon juo cawan roh jahek. Munak indak bisa manjadi bagian dari jamuan Tuhan jongon jamuan roh-roh jahek. ²² Atau, apokah kito mambangkitkan kecemburuan Tuhan? Apokah kito labih kuek daripado Inyo? Hidup nandak Mamuliakan Allah ²³ "Sagalo sasuatu dipabolehkan," tetapi indak sadonyo baguna. "Sagalo sasuatu dibolehkan," tetapi indak sadonyo mambangun. ²⁴ Jangan ado saince pun nan mancari kaelokan nandak diri saurang, malainkan kaelokan urang lain. ²⁵ Makkanlah apo sajo nadijua di pasa daging tanpa mamariksonyo, demi hati nurani. ²⁶ Karano, bumi jongon sadonyo isinyo adolah milik Tuhan. ²⁷ Jiko saurang na balum pitcayo mangundang kau jongon munak basedia nandak pai, makkanlah apo sajo nan dihidangkan dimukko kau tanpa mamariksonyo, demi hati nurani. ²⁸ Namun, jiko ado urang kapado kau, "Makkanan ikko ala dipersembahkan kapado bahala," jangan kau makkan, demi urang nan mambaritahu kau tu jongon demi hati nurani. ²⁹ Maksud ambo, indak demi hati nurani kau saurang, tatapi hati nurani urang lain. Mangapo kebebasan kau ditentukan oleh hati nurani urang lain? ³⁰ Jiko ambo mangambi bagian ambo jongon ucapan syukur, mangapo ambo disalahkan karano makkanan nan diatenyo ambo mangucapkan syukur? ³¹ Jadi, entah kau makkan atau minum, atau apo sajo nan kau lakkukan, lakkukanlah sadonyo nandak kamuliaan Allah. ³² Jangan mampuek urang tasandung, ranca urang Yahudi, urang Yahudi, maupun jemaat Allah, ³³ seperti ambo juo dalom sagalo hal manyanangkan sadonyo urang, tapi mancari kauntungan ambo saurang, tetapi kauntungan nandak urang banyak supayo sidak dapek diselamatkan