¹ Ngan daleu Anak Domba iti mesik meterai ya' ketusu', nga lengiyeu ko' sorga, kubaan belua' jam nyaina. ² Sulo e' menaat ketusu' malaikat, ira' nekedeng ko jume' Allah, ngan pala' ire' tai tusu' sangkakala. ³ Nga naina se use' malaikat ira' se', nga a' tai nekedeng dani' mezbah ngan se' pedupaan emas. Ngan pala Iye' tai kadu' kemenyan kume' Iye' mencai kuwa' ngan sebayang mung kelunan bue' ko usun mezbah emas ko jume' takhta iti. ⁴ Nga tai kempau sap kermenyan kuwa'-kuwa' ngan doa kelunan-kelunan kudus iti met usu' malaikat iti ko jume' Allah. ⁵ Sulo malaikat iti ala' pedupaan iti, mesi'a ngan apui met mezbah, ngan menulo -a ko usun tana'. Nga letup tuyau lelem, sedingan halilintar ngan gempa bumi. ⁶ Ngan ketusu' malaikat ira' man ketusu' sangkakala iti pengan-pengan ke put sangkakala. ⁷ Sulo nai ira aring put sangkakala ngan nuyan usan bateu, ngan apui, pekelet daa', ngan mung iti menulo ko tana'; nga tutung tulat teleu met tana' ngan tulat teleu puun-puun ngan lenyau mung ureu- ureu bileng. ⁸ Sulo malaikat ya' kedue' put sangkakalaa ngan un ineu kebaan murung jaau, ira' maang-maang koon apui, menulo ko dalem laut. Ngan tulat teleu laut ti kaliu daa'. ⁹ Ngan matai tulat teleu met ketu' makhluk ira' un beruwe' ko dalem laut ngan tai nce'un tulat teleu met mung kapen. ¹⁰ Sulo malaikat ye' keteleu put sangkakalaa ngan labu'na met langit se' betuwen jaau, maang-maang kebaan dite' obor, ngan iye' pe- lepuk tulat teleu met sungai-sungai ngan ut-ut sungai. ¹¹ Ngaran betuen iti Apsintus. Ngan tulat teleu met ketu' sungai pekaliu apsintua, ngan kadu' kelunan matai soon sungai iti, tumana lepek kaliu pait. ¹² Sulo malaikat ya' kepat put sangkakalaa ngan siyu' an tulat teleu met mate' dau ngan tulat teleu met betuen-betuen, ngan tulat teleu met pala-a tai mentem ngan tulat teleu met dau mpei dema ngan mengiripa daleu maau. ¹³ Sulo e' Menaat; aki' sekening se' manuk nasar marang ko belua' awang ngan petira ngan dau ya' so: "Bareng,bareng, barengna ire' ira' un ko usun tana' ufana tuyau sangkakala keteleu malaikat ira' se', ira' sa' ke put sangkakalara."