¹ Sulo malaikat ya' keleme' put sangkakalaa, ngan aki' menaat se' betuen nai labu' met langit ko usun tana', ngan pala' iye' enai anak kunci lufang bila matai. ² Nga mesikna bamen lufang bila matai iti, sulo kenai sap kempau met lufang iti kebaan sap tanur jaau, ngan mate' dau ngan belua' awang tai mentem soon sap lufang iti. ³ Ngan met sap iti kenai kawangna paaw-paaw ko usun tana' ngan pala' ire' tai pengayeng kua' kebaan pengayeng kalajengking-kalajengking ko usun tana'. ⁴ Ngan pala' ire' bara', apan ra nce'un ngejaat ureu-ureu ko usun tana' atau puun-puun kayeu, aken bang kelunan ira' nce'un kanan meterai Allah neng pilek-ra. ⁵ Ngan ire' bara' mpei ka menatai kelunan un, aken bang ke petuyen ire' lime' bulan nyaina, ngan tuyen iti kebaan tuyen kalajengking, buke' iye' menyengat kelunan. ⁶ Ngan daleu iti kelunan-kelunan ke irap maut, aken ire' nce'un tai tegu'-a, ngan ire' ke ufa' matai, aken maut lap met ire'. ⁷ Ngan kadu' naan paau-paau iti kua' kebaan kuda ira' pengan ke pepatai, ngan ko usun uleu ra un se' ineu ya' kebaan mahkota emas, ngan silung ra kua' kebaan silung kelunan. ⁸ Ngan buk ra kua' kebaan buk ledo ngan jipen ra kua kebaan jipen singa. ⁹ Ngan usuk ra kua' kebaan sapai zirah, ngan tuyau kapit ra kebaan tuyau kereta-kereta ira' menat kadu' kuda, ira daleu mengsa ko ata pepatai. ¹⁰ Ngan iko ra kua' kebaan kalajengking ngan un laita, ngan ko' dalem eko ra iti un pengayeng ya' ke menyakit kelunan, leme bulan nyaina. ¹¹ Ngan paren ira' memerintah ire' iaiti malaikat bila maut; ngaranna dalem isiu Ibrani yaiti Abadon ngan dalem isiu Yunani yaiti Apolion. ¹² Bareng ira' lepek lalau. Na' kini ke nai baya' due' celaka lee'. ¹³ Sulo malaikat ya' keenem put sangkakalaa ngan aki sekening daau tuyau kawang met keepat weng mezbah emas ira' ko jume' Allah, ¹⁴ Ngan daau pala' malaikat ira' keenem ira' man sangkakala iti: "Lepona kepat malaikat ira' meneke' dani' sungai jaau Efrat iti". ¹⁵ Nga takau na kepat malaikat ira' lepek pengan kume' jam ngan dau, bulan ngan uman ke menatai tulat teleu met kelunan kadu'. ¹⁶ Ngan kadu' serdadu' iti duwe' pulu' ribu laksa pasukan berkuda; aki sekening ketu' kadu' ra. ¹⁷ Nga mengitipa aki menaat dalem penaat ini kuda-kuda ngan kelunan-kelunan ira' tai usunna; ire' un sapai zirah, bala apui ngan bileng ngan kuning belerang karenga; uleu kuda-kuda iti kua' kebaan uleu singa, ngan umet ba' a kawang apui, ngan sap ngan belerang. ¹⁸ Ufan teleu malapetaka ini menatai tulat teleu met kelunan kadu', yaiti ufan apui, ngan sap ngan belerang, ira' nai kawang umet ba' a. ¹⁹ Tuman kuasa kuda-kuda iti un neng dalem ba' a ngan ko dalem eko-a. Tuman iko-a kua' kebaan ntung ulai; ire' un uleu ngan uleu ra iti ire' nai ngejaat. ²⁰ Aken kelunan ira' se', ira nce'un matai soon malapetaka iti, nce'un ufa pekaliu urip met puyan usu' ra': ire' nce'un nteng tunuk roh-roh jaat ngan berhala-berhala met emas ngan perak, met tembaga, bateu ngan kayeu ira' nce'un sinteng menaat atau sekening atau masat. ²¹ Ngan ire' nce'un pekaliu met pala' pepatai, sihir, percabulan ngan bekelau.