¹ Dalem ufan na mengiti, aki' dite ke pat malaikat nekedeng neng ke pat penjuru usun tana' ni ngan ire menageng ke pat kepo ko' tana' ni, apanan iri un kepo pesilap ko' tana', ngan ko' sungai ngan ko' pu'un-pu'un kayeu. ² Ngan aki' dite se malaikat ira se nai tula umet ufan mate dau sek. Ia ngkin meterai Allah ya' murip; ngan ia pisiu ngan isiu ya' so pala' ke pat malaikat ya' ire so'on ke ngeja'at tana' ngan laut, ³ daauwa: "Iri na ngeja'at tana' ngan laut ini ngan puun-puun kayeu kena me' meterai kan (ngedana') hamba-hamba Allah me' neng anang ra ti!" ⁴ Ngan aki' sekening kadu' ra ya' ka ire meterai iti: Se ato pat pulu' libu ya lepek dimeteraikan umet ketu' lebu ke pu u' Israel. ⁵ Umet lebu' Yehuda due sui' pulu' libu ya' dimeteraikan, umet lebu' Ruben due sui' pulu' libu, umet lebu' Gad due sui' pulu' libu, ⁶ umet lebu' Asyer due sui' pulu' libu, umet lebu' Naftali due sui' pulu' libu, umet lebu' Mansye due sui' pulu' libu, ⁷ umet lebu' Simeon due sui' pulu' libu, umet lebu' Lewi due sui pulu' libu, umet lebu' Isakhar due sui' pulu' libu, ⁸ umet lebu' Zebulon due sui' pulu' libu, umet lebu' Yusuf due sui' pulu' libu, umet suku Benyamin due sui' pulu' libu. ⁹ Dalem ufan na mengiti aki' dite: atek lan na, se kelepeng ja'au kelunan kadu' ya' nce senteng ileu pusap kadu'ra, umet ketu' lebu' ngan pu u' ngan mung daau isiu, nekedeng neng jume pengaren ngan pejume ngan Anak Domba, ke un sapai daru' puti' ngan ekang-ekang tung-tung palem neng usu'ra. ¹⁰ Ngan isiu ya' so daau: " Keselamatan pala' Allah me' ya' uku' neng usun takhta ngan Anak Domba!" ¹¹ Ngan mung malaikat nekedeng keliling takhta ngan pengukon-pengukon ngan ke pat makhluk iti, ire tai mu up neng jume takhta iti ngen tunuk Allah, ¹² ngan daaura: "Amin! Puji-pujian ngan peniga, ngan penisen, ngan syukur, ngan selima ngan kekuasaan ngan pengayeng kume Allah lu pafi' ke nyain-nyaina! Amin!" ¹³ Ngan se use umet nengaang pengukon-pengukon ira iti daaura kume aki': "Ii' ira un sapai puti' iti ngan umet mpei kenai ra?" ¹⁴ Un na daau e' pala' ye: "Tuan me'. tuan ya' ke tisen na." Un daauwa pala' aki': "Ire ni kelunan-kelunan ya' nai kawang umet tusa ya' ja'au: ngan ire lepek ngebue' sapai ngan ke uyaia puti' dalem daa' Anak Domba. ¹⁵ Neng iti ra nekedeng neng jume takhta Allah ngan petubo Ye singket dau ngan singket alem ko' Bait Suci iti. Ngan Ye ya' uku' ko' usun takhta iti ngan uyai singau lepau iti neng mpau ire. ¹⁶ Mpeira ketisen tuyen la'au ngan tisen muang un, ngan mate dau ngan pana mpeira tai siu' a un. ¹⁷ Nga Anak Domba ya' nengaang-nengaang takhta iti, ya' ke petubo neng ire ngan ke ngkin ire ko' sepan sungai ya' murip. Ngan Allah ke muso lunu' mate ra."