¹ Tunenge dite Anak Domba iti mesik ya' aring umet ketusu' meterai iti, ngan aki' sekening ya' aring met kepat makhluk iti pisiu ngan isiu ya' kebaan daau lelem da: "Nai na!" ² Ngan aki' dite: atek lan na, un se kuda puti' ngan kelunan ya' ngedunga ke ngkang se selapang gugai ngan neng ye ye tai se makhkota. Nga ye nai kebaan ya' menang ke punan kemenangan. ³ Ngan daleu Anak Domba iti buka meterai ya' kedue daaura: "Nai na!" ⁴ Nga kenai se kuda ira se, se kuda ya' bala mafeu nga kelunan ya' ngedung nenga un ire tai kuasa ke ala' kebangen peniga umet usun tana', pe ra lematai ngan kume ye ire tai se malat ja'au. ⁵ Daleu Anak Domba iti buka meterai ya' keteleu, aki' sekening makhluk ya' keteleu daauwa: "Nai na." Ngan aki' dite: ya' lan na, un se kuda saleng ngan kelunan ya' ngedung nenga ngkang se sumpang neng usu a. ⁶ Ngan aki sekening baan un da daau isiu nengaang ke pat makhluk iti pisiu: "Secupak gandum se dinar, ngan teleu cupak jelai sedinar. Aken iri ngeja'at minyak ngan anggur iti." ⁷ Ngan daleu Anak Domba iti buka meterai ya' ke pat, aki' sekening isiu makhluk ya' ke pat daauwa: "Nai na!" ⁸ Ngan aki' dite: atek lan na, un se kuda bileng kuning ngan kelunan ya' ngedung nenga ngarana penuyen ngan kerajaan penuyen iti baya' ye. Ngan pala' ire ye tai sio usun ke pat tulat umet usun tana' ufan ke menatai ngan malat ngan kaliyen ngan penyakit ngan sen-sen minget ko' usun tana'. ⁹ Ngan daleu Anak Domba iti mesik meterai ya' keleme, aki' menaat ko nta mesbah berue-berue ra ya' lepek ire lematai so'on ufan isiu Tuhan Allah ngan ufan koon kesaksian ya' ire kanan. ¹⁰ Ngan ire ngelalo ngan lalo jaaura, daauwra: kura' nyain le'e, ya' sio ya' bue' ngan teneng, Iku' nce un ke pekara' ngan nce un menyua'a daa' me pala' ya' un ko usun tana' ti?" ¹¹ Ngan pala' ire singket-singket ra tai se sapai puti', ngan pala' ire ke un kelama'ra ngan buet lu awanga le'e pesukup usap ira tuyang-tuyangra petubo ngan senganak-senganak ra, ya' ire lematai kua' kebaan ire ti. ¹² Nga e dite, daleu Anak Domba iti buka meterai ya' ke nem, atek lan na jadi na liung tana ya' sengarem ngan mate dau tai mentem ngan saleng kebaan karong buk bulan tai bala munga kebaan daa' da. ¹³ Ngan betuen-betuen ko' langit nai labu' ko' usun tana' kebaan puun ara lu u bua a ya' mata', ineu le'e siu' kepo kase. ¹⁴ Tai kelesan na langit kebaan lelen kitab ya' ngelelen ngan tai pasona murung-murung ngan busang-busang umet ufana. ¹⁵ Ngan raja-raja ko' usun tana' ini, ngan pengeja'au-pengeja'au mengiri ta seladu-seladu ngan kelunan-kelunan kaya' pafi' kelunan ira berkuasa, ngan ketu' ula' ngan kelunan-kelunan ira se tai menyuuk ko' dalem lufang-lufang neng ngaang-ngaang bateu karang ko' murung. ¹⁶ Ngan un daaura pala' murung-murung ngan pala' bateu-bateu karang iti: "Mapi na usun ami ngan menyuuk na me neng ye, ya' uku' usun takhta ngan neng ke keto' a Anak Domba itu." ¹⁷ Nga lepek pafi' na dau ja'au keto'ra ngan i' ya' senteng menageng?