¹ Sulo E' menaat ku' langit ya' bileng ngan usun tana' ya' bileng, ye ufan na langit ya' aring ngan usun tana' ya' aring lepek tay lalau, ngan laut se mpey un nuun. ² Sulo e' menaat lebu' bue', Yerusalem maring, ya' nay kenta' umet surga, umet Allah, ya mengelayen ku' kebaan mempelay ledo ya pengan kume lakey a. ³ Aki sekening daau tuyau umet tahta ya pisiu mengini," Menaat na, ufan penemek Allah un nengaang belua' kelunan, ngan Ye ke menemek ngan ire. Ire ke jadi umat Ta ngan Allah ti tengen un ngan ire ngan Ye tia' ke jadi Allah ra. ⁴ Ye ke menasa lunu' singket mate ra, ngan mpey ke un lee kelunan matay, ngiri pa perkabungan, tiga pa tange, kelesau, ye ufan na ketu' ineu ira nyain iti da lepek lalau na. ⁵ Sulo Ye ya' uku' usun tahta petira', " Menaat na ! Aki' ke uyai ketu' ineu ni maring !" Sulo A pisiu, " Nyurat na, ye ufan na ketu' ineu ya' tira E' ini sinteng ikam mengelan ngan siu." ⁶ Ngan Ye pisiu pala' aki', " Mung nga lepek nuyan ! Aki' ta Alfa ngan Omega, Ya penaring ngan ya koo baya'. I' ya muang Aki' ke na' medu' tua'-tua kume ye umet mate sungai pengurip. ⁷ I' ya ' menang ke menganun ketu' ira' ini, ngan Aki' ke jadi Allah a, ngan ye ke jadi anak Ke'. ⁸ Aken pala' ire ira' menikep, ire ira' nce un pengelan, ire ira' keji, ketu' ira' menatay, kelunan-kelunan pajo, tukang keda, mengelan pala' amen ngan mung ra' pebaka', ufan ra ku' dalem poon ang apui ya maang ngan belerang. ini nia' kematian ke teleu wa." ⁹ Neng o iti se umet ke tusu' malaekat iti nay pala' aki' yaiti ye ya' engkang tusu' cawan ya' dalem ma tusu' penuyen, sulo a pisiu," Nai na ku' ini. Aki' ke menuso kume iku' mempelay ledo, pengantin Anak Domba." ¹⁰ Sulo dalem roh taa engkin aki' ku' se murung ya' jaau ngan mpau nenga nia pedura' kume aki' lebu' ya' bue', Yerusalem, nay kenta' umet surga, umet Allah. ¹¹ Yerusalem iti sangan ngan kemuliaan Allah, ngan gemerlap pa kebaan permata ira' atek tiga, kebaan permata Yaspis ngan mening kebaan kristal. ¹² Enting nga jaau ngan empau, bamen gerbangnga due sui' pulu', ngan singket bamen gerbang nga iti un due sui' pulu' malaekat. Un singket bamen biti un surata ngaran kedue sui' pulu' lebu Israel. ¹³ Ku' base timur un teleu ra bamen gerbang, base utara teleu bamen gerbang, base selatan teleu ra bamen gerbang, ngan base barat teleu ra bamen gerbang. ¹⁴ Neng enting saang lebu' iti un due sui' pulu' suka' lasen ngan usun na un surat due sui' pulu' ngaran umet due sui' pulu' rasul Anak Domba iti. ¹⁵ Sulo ye ya petira' kume aki' engkang utang pengukur lebu' iti, bamen-bamen gerbang nga ngan enting nga. ¹⁶ Lebu jaau iti pat persegi, daru' a kua' ngan berang nga. Sulo a mengukur lebu jaau iti neng utang pengukur iti : Due sui' pulu' libu stadia daru' a; daru' a ngan berang nga ngan empau wa kua. ¹⁷ Ye pa ya' ukur enting nga, se ato pat pulu' pat hasta kapan na, kebaan ukuran lu kelunan; kua' ta kebaan ukuran malaekat. ¹⁸ Enting saang nga ire uyai umet permata yaspis ngan lebu jaau iti tengen ire uyai umet emas, ku kebaan kelingai ira tening. ¹⁹ Lasen-lasen suka' a un hiasan ketu' naan bateu ira' maan. Ya' aring nga bateu yaspis, ya' kedue bateu nilam, ya' keteleu bateu mirah, ya' ke pat bateu zamrud. ²⁰ Ya' ke leme bateu unam, ya' ke nem bateu sardis, ya' ke tusu' bateu ratna cempaka, ya' ke aye bateu beril, ya' ke pien bateu krisolit, ya' ke se pulu' bateu krisopras, ya' ke se sui pulu' bateu lazuardi ngan ya' ke due sui' pulu' bateu kecubung. ²¹ Due sui' pulu' bamen gerbang iti due sui' pulu' mutiara. Singket gerbang biti umet mutiara. Janan-janan dalem lebu jaau iti umet emas ku' kebaan kelingai tening. ²² Mpey E' dite Lamin Sembayang dalem lebu' jaau iti, ye ufan na Allah, Tuhan ya' menganun usun ketu' ineu ngan mengiri pa Anak Domba iti seleket lamin sembayang nga. ²³ Lebu' jaau iti mpey ya teri' un mate dau ngan bulan ke ngedema ye un, ye ufan na kebue' Allah ti ya' ngedema a, ngan Anak Domba iti seleket apui a. ²⁴ Bangsa-bangsa ke tay masat dalem nta' kedema a. Pengaren-pengaren ku' usun tana' ke engkin peniga ra ku' dalem lebu jaau iti. ²⁵ Bamen-bamen gerbang nga mpey ra ke mekep pa un singket dau ni, ye ufan na mpey un maau ku' iti lee nuun. ²⁶ Ire ke engkin peniga ngan kehormatan bangsa-bangsa ku' dalem lebu jaau iti, ²⁷ Ngan mpey ke un ineu ya' jameng ketay dalem ma. Ngan lee mpey ke un kelunan ira ke uyai kekejian ngan pelingeu nay ke dalem un, masa' bang ire ira un ngaran dalem kitab kehidupan Anak Domba iti lu.