¹ Sulo e' dite kenay se malaekat kenta' umet surga, ye man kunci' ngap ya' dalem ma mpey lu tisen kura a un ngan mengiri pia man avit jaau neng usu' a. ² Ye menakep alung unan iti, ncung ulay mukon, yaiti baley jaat ngan setan ngan mengaput ye neng avit pafi selibu uman. ³ Ye menulo a ku' dalem ngap ya' dalem ale' iti, sulo wa mekep pa ngan ngedana' a. Ini ye tey apan na nce pelingeu' lebu' jaau neng kena se libu uman iti kemoo. Neng o iti ya ke lesu' neng awangnga keduut da. ⁴ O iti aki' dite tahta-tahta. Ire ira' uku' usun tahta-tahta biti ira' lepek ala ncay kekuasaan ke menghakimi. Aki pa lepek dite use-use kelunan ira ire lepek mupet uleu ra neng ufan ra nebara Yesus ngan katuk bue' Allah. Ire kelunan ira' nce un tay tunuk pala' sen iti ngan udo' a, ngan ire lepek menyekang nce ufa' ala' kedana' anangnga ngan nce usu' a. Ire nay murip peluwet ngan memerintah ngan Kristus seng kasan se libu uman. ⁵ Kelunan -kelunan ira' matay ira' se mpey ra murip peluwet un neng kena se libu uman iti ketay moo. Ini ya kebangkitan aring-aring. ⁶ Bangen taway na ngan bue' na atay penaway ira ala' tulat dalem kebangkitan aring-aring. Kebangkitan ya' ke due mpey un berkuasa usun ire nuun, aken ire ke ketay jadi imam-imam Allah ngan Kristus, ngan ire kememerintah sedingan ngan Ye seng kasan se libu uman. ⁷ Neng ketay koo se libu uman iti o, Baley jaat biti ke nay kawang umet lamin sepen. ⁸ Sulo ketaa nekalok ketu' kelunan ku pat da bese usun tana' ini- Gog ngan Magog- ke ngelepeng ire ufan ra ketay kesepatay. Usap ra kebaan kadu' ait ku' laut ti. ⁹ Neng iti na kentay ra sukung usun tana ini ngan tay mengepung pengelebu' kelunan-kelunan ira' bue atay penaway, lebu' ya' Ye lesau iti. Aken un apui ya' nay umet langit iti ngan pelenyo ire. ¹⁰ Baley jaat ya' nay nekalok ire rai sulo ra bet ye ku' poon ang apui iti ngan belerang, ku' ufan sen ngan nabi ya' nyelifo iray dulu bet. Ire ke siu penuyen daleu ni ngan mengiri pa maau pafi' ketay ketay koo a. ¹¹ Sulo e' dite se tahta ya' puti' ngan jaau ngan Ye ya' uku' usun na. Usun tana' ngan langit lepek lenyo umet jume A, aken mpey lu tay tegu kempey ti ufan na. ¹² Sulo tee' dite kelunan-kelunan matay - jaau ngan iut - nekedeng ku' jume tahta, sulo ra mesik kitab-kitab. Sulo mesik se kitab ira' se- yaiti kitab kehidupan. Kelunan-kelunan ira matay iti siu hukum neng ufan puyan ra, kebaan ineu ya' lepek menyurat ku' kitab-kitab iti. ¹³ Sulo laut ti mencay kelunan-kelunan ira matay dalem ma. Maut ngan Hades mencay kelunan-kelunan matay dalem ma, ngan kelunan-kelunan matay biti siu' mukum kebaan ineu puyan ya' lepek ire uyai. ¹⁴ Sulo Maut ngan Hades ti Ye bet ku' dalem poon ang apui. Ini na kematian ya' ke due- lautan apui. ¹⁵ Singket kelunan ire nce un ngaran ra dalem kitab kehidupan iti, ye dulu ke bet ku' empun poon ang apui iti.