¹ Lepek puyan ini, aki sekening se ineu ku kebaan daau tuyau ya' so umet mpun kelunan kadu' ku' surga, pisiu daau, " Haleluyah. Keselamatan , kemuliaan, ngan kekuasaan, un ngan Allah lu. ² Siu ngan adil ketu keputusan Na, ye ufan na Ye ya lepek menghakimi ledo pajo jaau iray ya' lepek ngejaat usun tana' ngan percabulan na. Ye ya' lepek menyua' Daa' hamba-hamba A ku' usun ledo pajo ya' lepek ufan muvingnga iray. ³ Ya' kedue luway ya ra pisiu wa, " Haleluyah! asap ya umet ye lepek tay kempau pe seng-seng kasan na. " ⁴ Due pulu' pat pemukok ngan pat ra makluk ira murip iti tunuk nyelima' kimet ra ngan menyembah Allah ya' uku' usun pengarenNa. ire petira', "Amin. Haleluyah!" ⁵ Sulo kenay tuyau umet pengaren iti pisiu," Pempau na ngaran Tuhan lu, ikam mung ula'-ula' A, ikam ira takut neng Ye, tiga pira iut mengiri pa ira' jaau ." ⁶ Neng o iti e' sekening daau tuyau kebaan daau isiu kelunan kadu', mengempey daau so ung sungai, kebaan daau tuyau ngelelem, pisiu, "Haleluyah! ye ufan na Tuhan ya' engkin usun tana', Allah ya' peteneng ketu neng se ineu ni. ⁷ Tiga nilu bangen taway ngan see' taway ngan pempau na ngaranNa ye ufan na pafi na dau wa Pesta Perkawinan anak Domba, ngan mempelay ledo Wa lepek pengan use A." ⁸ Kume ye lepek na pengan kelayen na umet lenan lanye ya' puti bue' ngan ngebelep-ngebelep" (lenan lanye iti se pemuyan-pemuyan ya teneng umet kelunan-kelunan Bue atay ngan Ye). ⁹ Sulo malaekat pisiu aki' "Menyurat na ini: Bangen taway na ira' ire bay ku' pesta perkawinan Anak Domba iti." Ye pa bara kume aki', "Ini tira ya' lan umet Allah." ¹⁰ Sulo e' tunuk nta' taket Ta nyelima' pala' Ye, aken ye pisiu aki', "Mo' uyai puyan menginye dite! Aki ini ula', kua' kebaan iku' ngan senganak-senganak ko, ya' man tebara' neng jo Tuhan Yesus. Tunuk na Pala Allah, ye ufan na tebara' jo Tuhan Yesus ya' iti umet brue Penuyan." ¹¹ Sulo e' dite surga ti nay pesik nenga menaat se kuda puti'. Ye ya ngedung usun ye un ngaran ya' muto baya ngan ya' siu. Ye mengukum ngan adil ngan tay pepatay. ¹² Mate A, ku' kebaan maang apui ngan usun uleu Wa, kadu' kedana urip tiga. Neng Ye un menyurat ngaran ya' se kelunan pa nce un tisen, bang ye tengen lu' tisen na. ¹³ Ye un jubah ya' lepek mesep neng daa' ngan ngaranNa Firman Allah. ¹⁴ Ketu' pasukan ku' surga ti baya' Ye ngan mengedung usun kuda puti' ngan un sapai lenan lanye kareng putih ngan bue'. ¹⁵ Umet ba'A nay se malat ya lerip, ya' kepetakut ketu naan bangsa ngan ye ke memerintah ngan utang uton. Ye ke sut lisung anggur ya ufan Allah ti nay buteng. Pengaren usun ketu' ineu ni. ¹⁶ Ye lepek menyurat usun jubah A ngan neng suung nga se ngaran: " Pengaren neng usun ketu' naan pengaren ngan Tuhan neng usun ketu' Tuhan." ¹⁷ Sulo e' menaat se malaekat nekedeng dalem mate dau. Ye pisiu ngan ngelengap pala ketu' manuk-manuk ira marang ku' empau ti," Nai na ngan kelepeng ku' ini ngan dalem perjamuan jaau Allah. ¹⁸ Nay na uman sey ketu' pengaren ngan sey ketu' pengakang ngan ketu' sey pahlawan ngan sey ketu' kuda ngan sey mung ira' mengedung usun ire ngan sey mung kelunan, tiga pira merdeka mengiri pa ula', tiga pa ira' iut mengiri pa ira' jaau." ¹⁹ Sulo e' dite sen ngan pengaren-pengaren ku' usun tana' pumung ngan pasukan seladu', ire lepek kelepeng ketay sepatay ngan kelunan ira' mengedung usun kuda ngan pasukanNa. ²⁰ Sulo ra menakep sen iti sedingan ye nabi ya' nyelivo, ya' lepek uyai kedana neng ata jume a apan na menyala' ire ya lepek ala kedana' umet sen iti ngan lepek tunuk pala' udo' a. Mung due ire parang murip-murip ku' usun poon apui ya' maang ngan belerang. ²¹ Mung kelunan ira' se ye menatay neng malat ya' nay kawang umet ba' kelunan ya' usun kuda iti, ngan mung manuk beso soon sey ra.