¹ Sulo malaekat iti menuso' kume aki' sungai kehidupan, sungai a tening kebaan ku' kebaan kristal. Sungai iti naa kawang umet tahta Allah ngan tahta Anak Domba iti ² mengalo ngalang belua' janan lebu jaau iti. Pipa bengaay sungai iti, un puun inan kehidupan ya' ngebuah due sui' pulu' naan bua', ngan puun bua' iti ngebua' singket bulan. Tung bua' iti ire uyai taban puat bangsa-bangsa. ³ Mpey ke un kutuk ku' iti lee. Tahta Allah ngan tahta Anak Domba ke un ku' dalem ma, ngan ula'-ula' A ke melayani Ye. ⁴ Ire ke menaat silungNga ngan ngaran Na keun menyurat neng anang ra. ⁵ Maau mpey ke un noo ku' iti; Mpey ra ke teri' irap apui kedema ngan ngiri pa dema mate dau iti, ye ufan na Tuhan Allah ti ya' ke ngedema ire. Ire ke memerintah seng kasan na. ⁶ Sulo malaekat iti petira kume aki'," Isiu-isiu ira' ini sinteng ileu mengelan ngan lan ale', Tuhan, Allah ya mencai brue pala' nabi, lepek mengutus malaekatTa soon kemenuso' kume ula'-ula' A ineu ya' ke tadap kemenuyaan." ⁷ "Menaat na! Aki' kenay loo! Bangen taway na kelunann ira lemuto baya' katuk isiu ya' bue' iti. ⁸ Ngan aki' ini Yohanes, ya' lepek sekening ngan menaat ketu' puyan ira' iti. O e' sekening ngan menaat ketu' ira' iti, sulo e' muup tunuk neng jume taket malaekat ya' lepek menuso' ketu' ira' iti kume aki', ngan tunuk Ye'. ⁹ Aken un daau wa kume aki'," Mo' menginye dite! Aki' ini se ula' kua' kebaan iku na ngan senganak-senganak-Ko', ketu' nabi, ngan ketu' ira baya' daau isiu bue' kitab ini. Tunuk ngan pempau na Allah. ¹⁰ Sulo a pisiu aki'," Nyen memeteraikan tira'-tira nubuatan kitab ini, Ye ufan na taa ke dani' tuken na ni ni. ¹¹ I' ya nce siu' puyan na, ineu pia uyai ineu ya' nce teneng. I' ya' cemar, ineu pia tay penco cemar, I' ya teneng, ineu pia uyai puyan ya' tiga ngan teneng. I' ya' bue' atay a, ineu pia lemuto bue' pengurip pa." ¹² Menaat na! Aki' kenay loo lu'. Aki' ke engkin sedingan aki' Tunang Nge, ufan ne' menyua' singket kelunan neng ufan puyan ra. ¹³ Aki' ta Alfa ngan Omega, ya' aring-aring ngan ya' koo baya', ya' aring ngan ya' baya'." ¹⁴ Bangen taway na ire ira' lepek mui' sapai ra; ire ke un tulat penguman umet inan kehidupan ngan tay kedalem lebu' jaau umet bamen-bamen gerbang Nga. ¹⁵ Aken un aseu-aseu ngan ira' man keda, kelunan-keluna pajo, ira' menatay dulu, ira mengelan ngan tunuk pala' baley jaat, ngan singket kelunan ira' ufa' pebaka' ngan muto uyai a, ku awang ra. ¹⁶ Aki', Yesus, lepek mengutus malaekat Te' ke nebara' jo ketu' mung nga ini pala' iku' kume jemaat- jemaat. Aki' ta uno puu' Daud, Bettuen umet timur ya' dema ku' se ineu ra. ¹⁷ Roh ngan mempelai ledo iti petira," Nai na ! " I' ya' sekening nga, tiga tia pisiu, "Nai na !" I' ya' muang tiga tia nay, ngan i' ya' ufa', tiga tia ala' sungai kehidupan ngan tua'-tua lu'. ¹⁸ Aki' ke nebara' kume i' ya' sekening daau isiu katuk bue' ini. Buk ke un se kelunan ya kemepit se ineu dalem isiu-isiu ini, Allah ti ke mepit pala' ye penuyen-penuyen ya' un menyurat dalem kitab ini. ¹⁹ Buk ke un se kelunan ya' mengefe' se ineu umet isiu-isiu pemuyan dalem kitab ini, Allah ti ke ala' tulat ta umet inan kehidupan iti ngan lebu' jaau ya' bue', ku' kebaan ya' lepek menyurat dalem kitab ini. ²⁰ Ye ya Nebara' jo ketu' ira ini, Nebara' Katuk ya bue'," Aa' ! Aki' kenay loo lu'. "Amin ! Nay na, Tuhan Yesus ! ²¹ Tebelom lu anugerah umet Tuhan Yesus ti muto muyang ikam mung. Amin.