¹ Se nengaang ketusu' malaekat ira man cawan iti nay pala' aki' ngan pisiu, " Nai na, aki ke bara' kume iku' hukuman usun ledo majen ya' uku' usun ufan kadu' sungai nenga, ² ngan ye pengaren-pengaren usun tana' ini uyai persundalan, ngan ire ira' menemek usun tana' ini tay mafuk soon anggur persundalan na. ³ Sulo malaekat iti engkin aki' dalem berue tay ku' lasan ait ya' nawa. Ku' iti e' menaat se ledo ya' uku' neng usun sen ya' bala ungu, ya' sangan ngan ngaran-ngaran hujat'. Sen iti un uleu tusu' da ngan sepulu' wengnga. ⁴ Ledo iti nyelibung api ungu kermisi ya' kelayen na emas, bateu-bateu permata ngan mutiara. Neng usu' a man cawan umet emas, sangan ngan ketu' kekejian ngan kenajisan percabulan na. ⁵ Neng anang nga un nyurat se ngaran ya' dulu nce tisen penyelemma: " Babel jaau, sinen umet ledo-ledo majen ngan umet kekejian usun tana'." ⁶ Sulo e' menaat ledo iti mafuk soon daa' kelunan-kelunan nce un penyala' ngan daa'-daa' sahid-sahid Yesus. Daleu E' menaat ye, malap ale' E'. ⁷ Sulo malaekat iti pisiu aki' ," ineu wo' ke malap? Aki' kebara' kume iku' ineu makna umet ledo iti ngan mengiri pa umet sen ya' ufan na nekedung iti, sen ya' un uleu tusu' da ngan weng nga sepulu'. ⁸ Un na sen ya' iku' lepek dite iti, ya' ufan lepek un, sulo wa nce un noo, aken ye kenai tula' poo umet ngap ya' nce ileu tisen kura dalem ma, o iti sulo taa ke pala' kebinasaan. Ire ira' menemek usun tana', yaiti ire ira nce un ngaran dalem kitab pengurip umet taring usun tana' ini tay nuyan, ire ke malap buk ke kedite sen iti lepek ufan un umet kena, aken taa nce un noo, ngan kenai dura' lee poo. ⁹ Nenga pengufa' lu un penisen ya' un penue. Tusu' uleu iti se petuso' tusu' ra murung ufan uku' ledo iti da. ¹⁰ Mengiri pa tusu' uleu iti kedana' tusu' ra pengaren. Leme ra lepek labu, ya' se iti un tia ngan ira' se mpei ra nai lu' puun, ngan buk ye kenai, kenaa jaki' lu'. ¹¹ Sen ya' ufan lepek un ngan na' kini nce un noo, ye tia pengaren ya' ke aye, ye tia' un dalem usap ke tusu' sen biti ngan ye ya' tai pala' kebinasaan. ¹² Se pulu' weng ya' lepek iku dite iti kedana' se pulu' pengaren, ya' nce menaring memerintah lu' pa, aken se jam nyain ra ke ala' pengayeng seleket pengaren, kua' sedingan ngan sen biti. ¹³ Ire ke se lu' kimet ngan isiu dalem ke mencai pengayeng ngan kekuasaan ra pala' sen iti. ¹⁴ Ire ke sepatay ngan anak Domba. Aken anak Domba iti ke pesupe ire, ye ufan na ye iti Tuhan neng usun ketu' tuen ngan pengaren neng usun ketu' pengaren, ngan ira' pemung sedingan Ye yaiti ire ya' un tebay, ya siu' penile' ngan ya' setia. ¹⁵ Sulo malaekat pisiu aki', " ketu' sungai ya' lepek iku' dite, ku' empey ledo majen iti uku', yaiti umat ngan kelunan kadu' ngan lebu' jaau ngan isiu ra. ¹⁶ Se pulu' weng ya' iku' lepek dite ngan sen iti ke mi'et taway neng ledo majen iti. Ire ke uyai ye lengiyeu ngan ugay, ire ke uman sei a ngan menutung ye neng apui. ¹⁷ Ye ufan na Allah ti lepek na' dalem atay penaway ra pengaseng ke tey pengufa' A, iri a se lu isiu ngan kimet ra ke mencay kekuasaan ra kume sen iti, pafi ketu' katuk isiu bue' Allah ti tipo. ¹⁸ Ledo ya' lepek iku' dite iti se lebu' jaau ya' ke engkin dulu usun pengaren-pengaren usun tana' ini.