¹ Lepek Yesus ti pisiu ko jume kelunan kadu', sulo ketai A ko' dalem Kapernaum ti. ² Ko' inye, un se perwira ya' un ula', ya' iye selum. Ufan sakit ula' inye ngan dani' ka matai nia. ³ Daleu a sekening denge Yesus ti nai ko' inye, sulo a so'on kura' use da tu'a kelunan Yahudi nai nyat pala Iye, apan A nai na' puat kume ula' a ti. ⁴ Sulo kenai ra pala' Yesus ti ngan nyat apan A mebo ire, un daau ra: Tiga Noo' mebo kelunan inye, ⁵ ufanna selum ale' a ngan lebu' ileu, iye tia mebo ami' ka pedeng lamin sebayang ni. ⁶ Sulo tai Yesus ti kua-kua ngan ire. Daleu kanai A dani' lamin perwira inye, sulo perwira inye so'on tuyang a nai bara kume Iye: "Tuen, mo sa' tusa, empei e sinteng (layak) terima Iku dalem lamin e ni un; ⁷ nyiri ta empei e sinteng (layak) nai pala' Iku un. Bang bara' se isiu lu' na, (aki mengelan) ula' e ti nai muat. ⁸ Aki ni base enta' dulu, ko' enta' aki un ta prajurit. Buk aki kume me prajurit inye: "Tai noo'!, iye tai niti, ngan pala' prajurit ira' se: "Nai noo'!, iye nai niti, atau kume ula' e ni: "Iku gayen ini!, iye menuyan gayeng ti niti." ⁹ Lepek Yesus ti sekineng daau isiu inye, bangen ale' A ngan iye, sulo A pupe sile' pala' kelunan kadu' ya' nai baya' Iye, ngan pisiu: "Aki bara kume ikam, empei E mena'at iman ya ja'au mengini lu pu'un, ineu le'e ko ata kelunan Israel. ¹⁰ Lepek kelunan-kelunan ira' inye tai ngeluet uli' ko' lamin, ire tegu' ula' inye nai muat peluet. ¹¹ Sulo tai Yesus ti ko' se kota, ngaran a Nain. Mung murid-A ti nai baya' Iye, peging kelunan kadu'. ¹² Daleu A dani' bamen gerbang kota iti, ufan un dulu petang se anak lakei ya lepek matai, nai ra engkin iye kawang. Ufan se baleu sinen a, bang iye lu' ufan anak a. Kadu' kelunan met kota ti nai pejaai ngan baleu inye. ¹³ Dalue Tuhan ti mena'at baleu inye, to kelesau ale ufan atai-A, sulo a bara' kume iye: "Nyem nange!" ¹⁴ Nai a ngedani' penco man lungun iti, mung kelunan ya' nyi'un iye ngelungun. Sulo A pisiu: "Anak muat, Aki bara kume iku, beti' na!" ¹⁵ Sulo kenai kelunan inye beti' ngan uku', menaring petira'. Sulo Yesus ti na iye pala' sinen a ti. ¹⁶ Mung dulu ya' un kine takut ngan pempau ngaran Allah, un daau ra: "Se nabi ja'au nai ko' ata ileu," ngan "Allah lepek nai pala' kelunan-A." ¹⁷ Mung puyan Yesus ti tai pigai sukung Yudea, peging lebu' ya duro a ti. ¹⁸ Daleu Yohanes ti sekening mung puyan inye met murid-murid a ti, ¹⁹ sulo a bai due use met ire ngan tai puteu pala' Tuhan ti, "Iku ya ufa kenai inye atau ami' pekena ira' se?" ²⁰ Daleu kenai due kelunan ini pafi pala' Yesus ti, daau due pisiu: "Yohanes Pembaptis ti so'on ami' nsi puteu pala' Iku: "Iku ya ufa' kenai inye atau ami pekena ira' se? ²¹ Daleu ini, kadu' kelunan ya nai muat met sakit, tusa, ngan met balei-balei ja'at so'on Yesus ti. Kadu' pa kelunan buta' ya' Iye mencai pena'at kume ire. ²² Sulo Yesus ti mipa ire: "Tai naam pala' Yohanes ti, ineu ya' ikam na'at ngan sekening: Kelunan buta' mena'at, dulu ra lumpuh nai masat, kelunan ira siu' bekayen nai tiga, dulu ra' manteng nai sekening, kelunan ira' matai nai murip, ngan kelunan ra' kasip lepek sekening isiu Tuhan. ²³ Bangen tawai na kume kelunan ira' ence sakit atai (ence ufa') ngan Aki." ²⁴ Lepek murid-murid Yohanes ti tai peluet, sulo Yesus ti menaring petira' Yohanes ti: "Ineu ufan nem tai ko' padang gurun ti? Mena'at bulu' ya' tai liung so'on kepo? ²⁵ Ineu ufan nem tai? Ketai mena'at kelunan ira' un sapai lanye'? Kelunan ira' un sapai ya' tiga ngan urip ya' tiga, ko istana ti ufan a. ²⁶ Ineu ufan nem nai? Ufa nai na'at nabi? Lan ta, Aki ufa' kebara' kume ikam, (iye) na un enco dite iye neng o se nabi. ²⁷ Ufanna, tuk iye un nia menyurat: "Na'at na, Aki so'on se ula'-E nai aring met Iku', iye ya' ke pedepe janan-O ko' jume-E. ²⁸ Aki bara kume ikam: Neng aang ikam ya' nai musang met ledo', empei un ra' ja'au neng o Yohanes ti un, aken ya' i'ot ko' dalem Kerajaan Allah ja'au neng o iye." ²⁹ Mung dulu ira sekening daau isiu-A, peging kelunan ira' kelepeng pajak, nai mengelan Tuhan, ufan lepek na Yohanes ti baptis ire. ³⁰ Aken kelunan Farisi ngan penisen-penisen Taurat empei ufan ra ufa' ala' daau pengufa' Allah tuk use ra un, nga tira ence un ufa' Yohanes ti baptis ire na. ³¹ Daau Yesus ti: "Neng ineu E pekata kelunan-kelunan ra ini ngan ineu tiga pekua' ire ta'an? ³² Ire na ko ba'an dite anak-anak ya' uku' ko pasar dan ngelalo serepe' apan: "Ami' put suling kume iku, aken empei nem kancet un, ami' ngelumo, aken empei nem nange un. ³³ Daleu kenai Yohanes Pembaptis ti, empei a uman luti' ngan medu' anggur un, aken ikam na' un balei ja'at dalem iye ti. ³⁴ Ngiri ta Anak Kelunan ya lepek nai, empei A uman ngan medu' un, aken sulo nem petira': Na'at na, Iye na se kelunan menco, muat medu', tuyang kelunan-kelunan ira' kelepeng pajak ngan mung dulu' ira' un penyala'. ³⁵ Aken hikmat ya' lan, pasti dulu baya' a. ³⁶ Un se kelunan Farisi bai Yesus ti uman ko' lamin a. Nai Yesus ti ko lamin kelunan Farisi inye, sulo A uku' ngan uman. ³⁷ Ko' kota inye, un se ledo ya' dulu tisen un penyala'. Daleu ledo inye sekening, Yesus ti uman ko' lamin kelunan Farisi inye, solu kenai a engkin minyak ya' bau' a tiga (harum) neng se bukun pualam. ³⁸ Pentung a menange, sulo ketai a nengkedeng ko likut Yesus ti, duro taket-A, ngan menaring menasa' taket-A ngan lunu' a. Sulo a ngebue' a ngan buk a, pentung a u' taket Yesus ti, ngan muso a ngan minyak ya' bau a tiga inye. ³⁹ Daleu kelunan Farisi inye mena'at puyan iti, un kenya dalem atai a: "Buk Iye se nabi, atek A ketisen, i' ledo ya' man Iye ini ngan ineu puyan ya lepek ye uyai; iye ini se kelunan ya' un penyala' ⁴⁰ Sulo Yesus ti pisiu ngsn iye, "Simon, ineu ya' iku' ufa' Aki pisiu kume iku." Daau a mipa: "Bara na Guru'." ⁴¹ "Un due da kelunan ya' un utang ngan se dulu' ya bang na' utang. Ya' se ti un utang leme ato dinar, ya' se ti le'e leme pulu'. ⁴² Aken, empei ufan due sinteng bayan utang due na un, sulo a hapus utang due kelunan inye. I' kelunan met due ya' atek selum neng iye? ⁴³ Daau Simon ti mipa: "Dalem kimet e, kelunan ya' atek kadu' dulu hapus utang a." Sulo Yesus ti mipa iye: "Lan ale' daau kimet o na." ⁴⁴ Pentung A menile' ko ata ledo inye, Iye bara' kume Simon ti: "Den o mena'at ledo ini? Nai E ko dalem lamin o, empei o na' sungai kume Aki un ufan E ngebue taket-E, aken iye menasa' take-E ni ngan lunu' a, peging ngebue' ngan buk a. ⁴⁵ Empei o u' Aki un, aken daleu E nai kamin, empei a beto-beto u' taket-E ni un. ⁴⁶ Empei po o' muso minyak neng uleu-E ni pu'un, aken iye muso minyak wangi neng taket-E ni. ⁴⁷ Neng mengini dite, Aki bara' kume iku': "Penyala' a ya' kadu lepek diampuni, ufanna kadu' ale' a bara' peniga tawai a, aken kelunan ya' kedo'ot diampuni, kedo'ot tira bara peniga tawai ra. ⁴⁸ Sulo A pisiu ngan ledo inye: "Mung penyala' o lepek diampuni." ⁴⁹ Mung ire ya' pemung uman ngan Iye, pekimet dalem atai ra: "I' atek lan Kelunan ini, ineu ufan sinteng A mengampuni penyala' dulu? ⁵⁰ Aken daau Yesus ti pisiu ngan ledo inye: "Pengelan o lepek menyelamatkan iku, tai no'o ngan tiga tawai!"