¹ Un se daua daleu Yesus pekalai kelunan kadu’ ko’ Lamin Allah ngan ngebara’ Injil, naina imam-imam kepala ngan ahli-ahli Taurat ngan pengukon-pengukon ko’ iti, ² ngan un daura palak Yesus: “Bara’na kume ami’ ngan kuasa i’o uyai ineu-ineu ira’ iti, ngan i’ yaq naq kuasa iti kume iku’!” ³ Un dau Yesus mipa ire: “Aki’ pa ufa’ lemuteu palak ikam. Bara’na kume Aki’: ⁴ Baptisan Yohanes iti, met sorga atau met kelunan?” ⁵ Ire pekimet dau inye negaang ire, ngan bara’: Buk ileu ka kume: Met sorga, Iye ka kume: Ineu tumanna ikam ence un mengelan palak iye? ⁶ Ngan lee buk ileu ka kume: Met kelunan, ketu’ kelunan ka menulo ileu ngan bateu, ufanna ire mengelan Yohanes iti se nabi.” ⁷ Sulo ra mipa, empei ra tisen met empai baptisan iti. ⁸ Un dau Yesus palak Ire: “Bukka mengiye Aki’pa enceka bara’ kume ikam ngan kuasa ineu E’ tei ineu-ineu ira’ iti.” ⁹ Yesus penco bara’ ketenaq ini palak kelunan kadu’: “Se kelunan uyai banit Anggur; O inye a pebeleia kena palak ira’ pegayenga sulo taa lekak ko tanaq ira’ se dalem awang yaq nyain. ¹⁰ Ngan daleu nai daua pafi’ iye soon se ulak ira’ pegayenga iti, apanna ra naq kuwaq tulat met hasil banit anggur iti kepalak iye. Un o ira pegayeng a iti maan ulak iti ngan soon iye uliq ngan usu’ kelangan. ¹¹ O iti iye soon se ulaq ira se, ulaq inyepa ire maan ngan ire pesee ye, sulo soon ye uliq ngan usu’ kelangan. ¹² O inye ye soon ulaq yag ketileu, ulaq itipa ire menyuwat, sulo ra bet iye ko awang banit iti. ¹³ Un dau tuen yaq un bani anggur iti: Ineu yaq ateq aki’ ka iyai? Aki’ka soon anak e’ yaq aki’ lesau; masa’ra ka tikap neng ye. ¹⁴ Daleu kelunan ira’ pegayeng banit iti dite anak a iti, un daura sepeket: Iyena ahli waris, tiga nilu menatai iye, apanna ineua ini jadi anun lu. ¹⁵ Sulora bet iye ko awang banit anggur iti ngan menatai iye. Naq kini ineu yaq tuen banit anggur iti ka ketei neng ire? ¹⁶ Iye ka nai ngan pesalai ira’ pegayeng-pegayeng iti, ngan ka kenaq banit anggur kepalak kelunan ira’ se.” Sekening dau iti un daau ra: “Seluwai-seluwai nyen! ¹⁷ Yesus menaat ire ngan bara’: “Bukka menginye ineu arti surat ini: Bateu yaq tukang-tukang bangunan bet lepeq nuyan se bateu penjuru? ¹⁸ I’ yaq labu’ ko usun bateu iti, ye ka pasei, ngan i’yaq bateu iti mencit, iye ka jutaq.” ¹⁹ Sulo ahli-ahli Taurat ngan imam-iman kepala mengayet ufa’ ka laq Iye daleu iti, tumanna ire tisen bahwa ireta yaq Ye pesedep neng ketenaq iti, naq pia mengiti ire takut kepalaq kelunan kadu. ²⁰ Ahli-ahli Taurat ngan imam-imam kepala pekelung dite neng Yesus. Sulo ra soo se mate-mate ta palaq Iye ku’ kebaan se kelunan teneng, apanra senteng mengafek Iye ngan se puteu ngan tai Iye kepalaq pengjaau ngan wali negeri. ²¹ Kelunan-kelunan ira’ iti lemuteu kepalaq Iye: “Guru’, ami’ tisen, ketu’ isiu ngan katu’O lan, ngan empei O irap ngaran un, ngan lan O ngebara’ janan Allah. ²² Sentengta me’ ka bayan pajak kepalaq Kaisar atau ence senteng? ²³ Un o Yesus tisen sedep yaq tudi iti, sulo A bara’ palak ire: ²⁴ “Petulaqna kume Aki’ se dinar; kempen ngan kalung i’ yaq un ini?” Un daura mipa: “Kempen ngan kalung Kaisar.” ²⁵ Sulo Yesus bara’ kume ire: “Bukka mengiti naqna kepalak Kaisar ineu yaq tekeb ikam naq kepalak Kaisar ngan kepalak Allah ineu yaq tekeb ikam naq kepalak Allah!” ²⁶ Ngan empeira senteng ngelafek Iye neng dau isiua neng ata kelunan kadu’. Ire tikap neng dau ipaa iti ngan empeira pisiu. ²⁷ Sulo naina palak Yesus kura’ use kelunan Saduki, yaq ence un tisen un pebeti’. Ire lemuteu palak Iye: ²⁸ “Guru’, Musa menyerat katuk ini kume ileu: “Buk se un senganak lakei-lakei, matai ngan ledoa sa’ un, ufanna empeia peleq anak, senganakao ka kawin ngan ledoa iti ngan lemeti’ keturunan kume senganaka iti. ²⁹ Un tusu’ use pemedek. Yaq aring kawin ngan se ledo sulo matai ngan ence un anak. ³⁰ Sulo ledo iti kawin ngan yaq kedua, ³¹ ngan yaq keteleu ngan mengiti pesulo nuyan neng ketusu’ yanq senganaq iti, ire mung matai ngan ence un anak. ³² Tai kowa ledo itipa matai. ³³ Naq kini mengempei ngan ledo iti, i’ yaq nengaang kelunan-kelunan iti yaq ka jadi lakeia neng dau pebeti’? Tumanna ketusu’rani lepeq jadi lakeia.” ³⁴ Un daau Yesus mipa ire: “Kelunan-kelunan usun tanaq ni kawin ngan dikawinkan, ³⁵ un o ire yaq tekeb ka alaq tulat dalem tanaq yaq se iti ngan dalem pebeti’ neng ngaang kelunan matai, empeira kawin. ³⁶ Tumanna empeira senteng tai matai lee un, ire kuwaq kobaan malaikat-malaikat ngan irena anak-anak Allah, tumanna ireti lepeq nai beti’. ³⁷ Daau pebeti’ kelunan-kelunan matai, lepeqna Musa bara’a dalem nas tentang aut suwaq, koempai Tuhan ti ye naq Allah Abraham, Allah Ishak ngan Allah Yakub. ³⁸ Empei A Allah kelunan matai, Iye ti Allah kelunan murip, tumanna neng ata jumea ketu’ kelunan murip.” ³⁹ Sekening dau iti kura’ ahli Taurat petira’: Guru’ isiuona tekep ale’ dauwa.” ⁴⁰ Tumanna empei ra makang lemuteu eneu lee palak Yesus. ⁴¹ Un daau Yesus petira’ kepalak ire: “Mengempei dulu senteng ka bara’ ufanna Mesias iti Anak Daud? ⁴² Tumanna Daud ti tengen bara’ dalam kitab Mazmur: Tuhan lepeq pisiu kepalaq Tuenne: Uku’na mase taau E’ni, ⁴³ pafi’ E uyai ira’ jaat neng iku’ jadi sane taket to’. ⁴⁴ Dau Daud ti naq Ye Tuenna, mengempei A ka anakka poo?” ⁴⁵ Daleu ketu’ kelunan kadu’ sekeninga, Yesus bara’ kepalaq murid-murid-Ta: ⁴⁶ “Pejaga’na neng ata ahli-ahli Taurat yaq ufa’ nai masat-masat un sapai daru’ ngan ufa’ alaq tunuk kelunan ko pasar, yaq ufa’ uku’ ko jume ko la,in sebayang ngan ufan yaq tiga dalem kelepeng, ⁴⁷ yaq menelu’ lamin ledo-ledo baleu ngan yaq pesalau mate kelunan ngan sebayang ra yaq daru’-daru’. Ire iti ka alaq penusa yaq ateq baat.”