Daleu Yesus pupe sile’A, Iye menaat kelunan-kelunan kayaq naq pengencai ra ko dalem petiq pengencai. ² ye menaatpa se ledo baleu kasip naq due peser ko dalem petiqm iti. ³ Sulo a petira’: “Aki’ bara’ kume ikam, yaq ateq lanna baleu kasip ini naq yaq ateq kadu’ met ata ketu’ kelunan iti. ⁴ Tumanna ire ti mung naq pengencai ra met ineu kadu’ ra, un o baleu ini naq met penepea, ngan iye naq ketu’ penguman na.” ⁵ Tegu’ kura’ use petira’ neng jo Lamin Allah menikap dite lamin iti yaq dulu ngelayen ngan bateu yaq tiga-tiga dite ngan ketu’ naan pengencai, petira’na Yesus: ⁶ “Ineu yaq ikam dite ko iti, ka nai ta dauwa empei un se bateu un ka pele un neng usun bateu ira’ se; ketu’a ka mepiq.” ⁷ Murid-murid ta lemuteu kepalaq Yesus, un dauwa: “Guru’ mengempei iti ka nuyan? Nan ineu kedana’a, buk iti ka nuyan? ⁸ Un dauwa mipa: “Jaga’na apannem nce un dulu pelingeu. Tumanna kadu’ kelunan ka kenai ngan ka keun ngaran-Ne’ ngan bara’: Aki’ Tia, ngan: dauwa lepeq dani’. Nyen nem tai bayaq ire. ⁹ Ngan buk ikam sekening dau jo pepatai ngan pesakat, nyen nem tekejet. Tumanna ketu’ ira’ iti aringa ka nuyan, naq pia mengiti empei inye ka koowa ka kenai tajen.” ¹⁰ Iye bara’ kepalak ire: “Bangsa ka nai beti’ katei ngan bangsa ngan kerejaan katei ngan kerajaan, ¹¹ ngan ka nuyan liyung tanaq yaq mawen ngan ko’ kura’ naan ufan ka un penyakit sampar ngan liyen, ngan ka nuyan tapa ineu-ineu yaq nekejet ngan kedanaq-kedanaq yaq mawen met langit. ¹² Un o kena ketu’ ira’ iti dulu ka alaq ikam ngan petuyen ikam; dulu ka tai ikam ko’ lamin-lamin sebayang ngan lamin sepen, ngan ka engkin ikam kepalak raja-raja ngan penguasa-penguasa tumanna koon ngaran-Ne’. ¹³ Puyan iti ka jadi se awang ufannem bersaksi. ¹⁴ Nga tumanna menakengna dalem atai nem, apanna enyen nem menena pekimet teken pebawaq nem. ¹⁵ Tuman na Aki’ tengen ka kenaq isiu-isiu yaq selimaq, apanna dulu ence senteng nyekang ikam ngan lawan nem ence senteng menyakat ikam. ¹⁶ Ngan tua nem, senganaq nem, ira’ lamin nem ka tai ikam ngan ifo-ifo nem ngan kura’ use neng aang ikan dulu ka menatai, ¹⁷ ngan ketu’ dulu ka keto’ neng ikam tuman na koon ngaran-Ne’. ¹⁸ Naq pia mengiti empai un se iteng buk met uleu nem na ka tai deram un. ¹⁹ Buk ikam tageng ngeline’, ikam ka alaq urip nem. ²⁰ “Buk ikam menaat tentara-tentara meput Yerusalem ti, tisenna ufanna dauwa ketai mapi’ lepeq dani’na. ²¹ Daleu iti kelunan-kelunan yaq un ko Yudea ka tai lap ko murung, ngan kelunan-kelunan yaq un dalem kota ka tai bulak, ngan kelunan-kelunan ko lebu’ enyen nai kedalem lee ko kota, ²² tumanna itina dau pembalasan kempei ka nuyan ketu’ yaq un tertulis. ²³ Seleuta sinen-sinen ira’ menaleq ngan ira’ ite’ anak daleu dau iti! Tumanna ka nai penaru yaq mawen usun sukung tanaq ngan penusa usun bangsa ini, ²⁴ ngan ire ka salai koon mate malat daru’ ngan tai engkin kobaan ulak ko sukung bangsa, ngan bangsa-bangsa yaq ence un tisen Allah ka sut-sut Yerusalem ti, pe ketai nuyan dau bangsa-bangsa iti.” ²⁵ “Ngan ka un kedanaq-kedanaq neng mate dau ngan bulan ngan betuen-betuen, ngan ko tanaq bangsa-bangsa takut ngan maru ngejume tuyau ngan kawo laut. ²⁶ Kelunan ka matai takut koon iut tawai ngan ketu’ ineu yaq nai tei usun tanaq ini, tumanna kuasa-kuasa langit ka peliyung. ²⁷ Daleu iti dulu ka menaat Anak Kelunan nai dalem afun ngan ketu’ kekuasaan ngan kemuliaan-Na. ²⁸ Buk ketu’ ira’ iti ka nuyan o, beti’na ngan mencoq na silungnem, tumanna penyelamatannem ti lepeq nai daniq.” ²⁹ Sulo Yesus bara’ daau pekata ini kepalak ire: “Menaatna puun ara ngan puun ineu na. ³⁰ Buk ikam menaat puun-puun itu lepeq un lentung, ikam tisen tengen ufanna tagak lepeq daniq. ³¹ Menginye tapa, buk ikam menaat ineu-ineu iti ka nuyan, ngetawaina, ufanna kerajaan Allah lepeq daniq. ³² Aki’ bara’ kume ikam: Ateqlanna kelunan ira’ ini empeira ka tai lalau un, kena ketu’ ira’ ini ka nuyan. ³³ Langit ngan tanaq ka tai lalau, naq pia mengiti isiu-E’ empei ka tai lalau.” ³⁴ “Jaga’na usenem, apan atainen ence sangan koon pesta pora ngan afuk ngan ineu-ineu yaq un usun tanaq ngan apanna dau Tuhan ti enyen ngan tekejet nai labuk neng usun usenem kebaan se lafekda. ³⁵ Tumanna iye ka menjit ketu’ kelunan usun tanaq ini. ³⁶ Jaga’-jaga’na ngan sebayang, apan nem alak pengayeng apan lesu’ met ketu’ yaq ka nuyan iti, ngan apan nem tageng nekedeng ko jume Anak Kelunan.” ³⁷ Daleu dau Yesus pekatuk dalem Lamin Allah ngan maau Iye tai kawang ngan turo ko murung yaq ngaranna murung Zaitun. ³⁸ Ngan tumat semuup ketu’ kelunan kadu’ nai kepalak Iye ko dalem Lamin Allah ti ufa’ sekening dauwa.