¹ Yesus tai dalem kota Yerikho ngan masat penco keliling kota iti. ² Ko iti un sekelunan ngaran a Zakheus, kepala pemungut cukai, ngan iye sekelunan yaq kayaq. ³ Ia nengayet ka ufa’ menaat mengempai dite Yesus iti, naqpia mengiti empaia senteng tumanna kadu’ kelunan, ngan lee usea lebaq. ⁴ Suloa mengasa mafat kelunan kadu’, tai menaket neng poun ara ufa’ ka menaat Yesus, yaq kenai lalau met iti. ⁵ Daleu tai Yesus pafi’ ko iti, Iye menaat kempau ngan betira’: “Zakheus, naina kentaq, tumanna dau ni Aki’ ka ngelinek ko laminnoq.” ⁶ Sulo nai Zakheus kentaq tajen ngan alaq Yesus ngan bangen. ⁷ Un o ketu’ kelunan yaq dite puyan iti menguweng-nguweng, daura: “Iye ni ngelinek ko lamin kelunan yaq un penyalaq.” ⁸ Naqpia mengiti Zakheus nai nekedeng ngan bara’ kume Tuhan: “Tuhan, kuwaq tulat neng ketuk ineu e’ni aki’ ka petulat palak kelunan kasip ngan buk un ufanne’ petudi alak ineu dulu aki’ ka taia ngeluwet pat luwai luwet.” ⁹ Un dau Yesus kumeye: “Dau ni lepeq nuyan keselamatan palak lamin ini, tumanna kelunan inipa anak Abraham. ¹⁰ Tumanna Anaka Kelunan nai ufa’ka irap ngan menyelamatkan yaq tai deram.” ¹¹ Kepalak ire yag sekening dau A ko iti, Yesus penco dau isiu-Wa ngan se ketenaq, tumanna Ye lepeq dani’ Yerusalem ngan ire kio’, Kerajaan Allah iti ka pesulo tulaq. ¹² Nga tuman-Na pisiu: “Un se pengjau tai ko se tanaq yag suk ufa’ka jadi raja ko iti ngan o inye nga nai ngeluwet. ¹³ Iye bai puluk ulak a ngan naq puluk mina kume ire, daua: Kanan nira’ ini ufannem pebelei pe Nai e’ ngeluwet. ¹⁴ Un o kelunan-kelunan ira’ kuwak lebu’ ngan ye jaat kimet neng ye, sulo soon dulu tai ngebien ye ka ufa’ ka bara’: Empeime’ ufa’ kelunan ini ka jadi tuen usun ami’. ¹⁵ Ngan nuyan na, daleu naa ngeluwet, oa lepeq jadi raja, ye soon bai ulak-ulak a, yaq lepeq ye tai uang inye, ufa’ka ngetisen kuraq ufan bangra pebelei singket use ra. ¹⁶ Kelunan yaq aring nai ngan bara’: Tuen, mina tuen yaq se iti lepeq menghasilkan puluk mina. ¹⁷ Un daua kumeye: Tiga ele’ puyan o inye, iku’ ulak yaq tiga, iku’ lepeq tengen dalem pemuyan yaq iut, tuman iti alak na kekuasaan usun puluk kota. ¹⁸ Nai yaq kedue ngan bara: Tuen, mina tuen lepeq menghasilkan lima leme mina. ¹⁹ Un daua kume kelunan iti: Ngan iku, engkangna leme kota. ²⁰ Ngan nai ulak yaq keteleu ngan bara’: Tuen, ni mina tuen, aki lepeq pedemonna dalem kain sekapu’. ²¹ Tumanna aki’ taku palak tuen, ufanna tuen ni se kelunan yaq mayeng; tuen alak ineu yaq ence un tuen peleq ngan tuen kelepeng ineu yaq ence un tuan menufo. ²² Un daua kume kelunan iti: Hai ulak yaq jaat, aki’ ka menghakimi iku’ kuq kebaan iseu ona tengen. Iku lepeq tisen aki’ni se kelunan yaq mayeng, yaq alak ineu yaq ence un aki’ peleq ngan kelepeng ketuq ineu yaq ence un aki menufo. ²³ Buke mengiye, ineuyanna uang e’na iku naq kume kelunan ira’ pasat uang? Buk aki’ nai ngeluwet aki senteng ala’a serengan bunga a. ²⁴ Un daua kepalak kelunan-kelunan ira’ nekedeng ko iti: Alakna mina yaq se iti met iye ngan naqna kepalak kelunan yaq un puluk mina inye. ²⁵ Un daura kumeye: Tuen, iye lepeq un puluk mina. ²⁶ Un daua mipa: Aki’ bara’ kume ikam: Singket kelunan yaq un anun, kumeye ka kenaq a, un o i’ira ence un anun, ka met ye ka alaq a, ngiyeta ngan yaq un neng ye. ²⁷ Naq pia mengiti ketu’ ira’ uyai jaat neng aki ni, yaq ence ufa’ aki jadi raja ra, engkin nira kini ngan menatai nira neng ata penaat te’.” ²⁸ Ngan oa lepeq bara’ ketu’ ira’ iti Yesus tai masa ire ngan penco asatta tai ko Yerusalem. ²⁹ Tegu’ A lepeq dani’ Betfage ngan Betania, yaq un ko murung yaq ngaranna Bukit Zaitun, Yesus soon due use ira’ bayaq Ye ³⁰ ngan pebaq isiu: “Taina ko lebu’ yaq neng jume nemna: Dalem tai nem kedalem ko iti ikam ka alak se keledai muat pentang, yaq ence un ngelayan kelunan usun lu’ pa. Petakauna keledai iti ngan engkinna kini. ³¹ Ngan buk un kelunan lemuteu ikam: Ineu tuman nem petakau iye? Mipana mengini: Tuhan kelu’ iye.” ³² Sulo taina ira’ ye soon iti ngan ire alaq ketu’ naan ineu kebaan yaq lepeq Yesus bara’. ³³ Daleu ra petakau keladai iti, petira’na kelunan yaq un keledai iti: “Ineu tumannem petakau keledai iti?” ³⁴ Un daau ra: “Tuhan kelu’ iye.” ³⁵ Taira engkin keledai iti palak Yesus, sulo menino iye ngan ineura ngan mebo Yesus tai usun iye. ³⁶ Ngan kena tai Yesus masat neng keledai itiire menata ineura ko janan. ³⁷ Tegu’ A dani’ Yerusalem, ko janan puno met Bukit Zaitun, menaringna ketu’ murid yaq sedingan Ye bangen ngan pempau Allah ngan isiu yaq so neng ketu’ puyan tiga yaq lepeq ire dite. ³⁸ Un daura: “Diberkatilah Ye yaq nai kebaan se Raja dalem ngaran Tuhan, damai sejahtera ko sorga ngan kemuliaan ko ufan yaq ateq empau!” ³⁹ Un kura’ kelunan Farisi yaq nai ngan kelunan kadu’ iti pisiu palak Yesus: “Guru’ pisiu na murid-murid o’na.” ⁴⁰ Un dau Yesus mipa: “Aki bara’ kume ikam: Buk ire ni ence un pisiu, masa’ bateu ini ka ngelalo o.” ⁴¹ Ngan lepeq tai Yesus dani’ ngan dite kota iti, Iye menange dite a, ⁴² un daua: “Wahai, mengiti tiga ditea buk daleu dau ini ta ngetisen ineu yaq perlu kume damai sejahtera o! Un o naq kini inye kelirung neng mate o. ⁴³ Tumana ka kenai daua, bahwa musuh o ka ngeliling iku’ ngan kubu, sulo menyurup iku’ ngan mejen iku’ met ketu’ naan janan, ⁴⁴ ngan ire ka pesalai iku’ peging ngan senganaq o ngan ko enting kelirung o ire ence ka pele se bateupa peleq neng usun bateu ira’ se, tumana iku’ ence ngetisen awang, mengempai Allah ka nai alaq iku’.” ⁴⁵ Sulo tai Yesus ko dalem Lamin Allah ngan menaring nia pesarap ketu’ pedagang ko iti, ⁴⁶ un daau a: Kepalak ire: “Un tertulis: Lamin ne’ ni lamin sebayang. Un o ikan uyaia se sala penyamun,” ⁴⁷ singket-singket dau Ye pekalai dulu dalem lamin Allah. Imam-imam kepala ngan ahli-ahli Taurat ngan kelunan-kelunan paren met bangsa Israel nengayet ka ufa’ menatai Iye, ⁴⁸ Un o empei ra tisen, mengempei ka keteia, tumana ketu’ mung kelunan pedani’ ngan Iye ngan ufa’ sekening dau Wa.