¹ Daleu inye ra penja'au Agustus ti uyai se' tebara, ya' so'on dulu mung ku usun tana' ni apan ra tai nyurat use' ra. ² Ini na dite se' puyan ya aring-aring ke'nuyan dalem Kirenius ni penja'au ku lebu' ja'au Siria ti. ³ Nga na tai tu'u dulu o, menyurat use' ra ku singket-singket lebu' ya' met a ufan nai ra. ⁴ Nga na tai Yusuf ti met Nazaret ya ku Galilea ti ku Yudea, ku lebu' ja'au Daud ya dulu kume Betlehem ti, - ufan a ye met ira senganak ngan pu'un Daud ti - ⁵ apan dulu nyurat iye ngan Maria ya tunangan a ti, ye menale. ⁶ Daleu due' peto' ku iti na nai tuken a kume Maria ti kemusang anak ya ye menale ti, ⁷ ngan ye musang se' anak lakei, anak a ya' aring, nga a menyiuk Ye ngan api' lampin ngan a peluntu Ye dalem ta'an penguman sen, ufan a bei un ufan a ku lamin ya dulu sinteng bayan un. ⁸ Neng se' ufan a, ra ngelayan jaga sen ni jaga sen ra ti daleu ma'au. ⁹ Nga nai se' Malaikat ngkedeng duro ire ngan kelayen Tuhan keba'an mate dau ra nai pala ire, neng iti ra nai sregen gen. ¹⁰ Dau Malaikat ti kume ire: "Nyem takut, ufan a aki ufa kebara lume ikam isiu ya na kebangen kume tu' lebu' ku usun tana' ni: ¹¹ Dau ni lepek nai musang kume ikam Juruselamat, yaiti Kristus, Tuhan, ku lebu' ja'au Daud ti. ¹² Ngan ini na wat a kume ikam: Ikam ke na'at se' anak bala ya dulu menyiuk ngan sane api kapan ngan dulu pegen Ye neng ta'an." ¹³ Daleu a mengiti ti o, tekejet ru dite sedingan Malaikat biti se' kelu'ung dulu met surga ti ngan ra pempau ngan ma'ak Allah ti, kedau ra: ¹⁴ "Peniga ya ja'au kume Allah ku ufan ya atek empau ngan peniga ku usun tana' neng a'ang kelunan ya' Tuhan ti ufa." ¹⁵ Lepek tai Malaikat-Malaikat biti pelu'et ku Surga, ra teleu ya jaga' sen nye o petira neng a'ang ire: "Tai na teleu ku Betlehem, tai mena'at ineu ya lepek nuyan ka'a ti, keba'an ya Tuhan lepek bara' kume teleu." ¹⁶ Nga' nira teleu palet-palet tai ngan tegu' Maria due Yusuf ngan anak bala' ti, ya lepek ire pegen dalem ta'an. ¹⁷ Daleu ra mena'at Anak iti, nga nira bara ineu ya lepek Ire bara kume ire neng jo anak ti. ¹⁸ Ngan mung dulu tikap sekening dau tebara ra teleu ya jaga sen nye. ¹⁹ Dalem a mengiti o ti ta Maria ti demon tu' puyan bini dalem atai a ti ngan pekimet a dalem-dalem. ²⁰ Lepek iti o tai ra teleu ya jaga sen nye uli ngan pempau peja'au Allah, ufan a tu' ya lepek ire sening ngan mena'at, mung a kua keba'an ya lepek dulu bara kume ire. ²¹ Ngan daleu tai urip Anak iti pafi aye' dau ngan Ye ketuken A sunat, ra tai ngaran kume Ye Yesus, se ngaran ya lepek Malaikat bara kume sinen A ti daleu a menale da. ²² Ngan dalem tai pafi awang a ke nge'bue, ya lepek un dalem surat Musa, tai ra engkin Ye ku Yerusalem tai engkin Ye pala' Tuhan, ²³ keba'an ya lepek dulu nyurat dalem hukum Tuhan: "Mung anak lakei ya aring nai musang ye anun Tuhan ti ngan ileu tai kume Tuhan.", ²⁴ ngan tai engkin pengencai pala Tuhan ya lepek Tuhan ti so'on dalem hukum A, yaiti due manuk pupu'u (tekukur) ngan sinteng pa due manuk punai (merpati). ²⁵ Un se kelunan ku Yerusalem ti ngaran a Simeon. Iye se kelunan ya murip teneng ngan bue ngan ti a kena ya kenai bangen kume Israel. Roh Kudus un usun urip a, ²⁶ ngan lepek na Roh Kudus bara kume ye, yaiti bei a ketai matai un buke ye nce mena'at Mesias, Iye ya Tuhan ti lepek muso' ngan kela'a A. ²⁷ Nai a ku' lamin sebahyang umet so'on Roh Kudus. Daleu tua Yesus nai engkin Anak iti kedalem lamin sebahyang ti, apan a ire tei neng Iye ineu ya lepek un neng surat Taurat ti, ²⁸ nga nia ala Anak iti ngan menco Iye ngan a pempau Allah, kenya: ²⁹ "Na kini Tuhan, bei ineu e tai nu'un o dalem peniga ngan si'u neng dau isiu O ti, ³⁰ ufan a mate' e ni lepek mena'at keselamatan ya nai met Iku, ³¹ ya Iku lepek uyai neng jume mung kelunan ku usun tana' ni, ³² yaiti dema ya uyai se kedana kume kelunan-kelunan ira se ngan ya uyai bangen kume lebu' O Israel." ³³ Dalem iti o, tamen ngan sinen A ti tikap neng tu' ineu ya ye petira neng Ye. ³⁴ Nga Simeon ti sebahyang kume ira teleu, kenya: "Atek lan a Anak ini nai apan A pelabu ngan menco kadu' dulu ku Israel ni ngan na' se' kedana ya uyai dulu tei da'u ³⁵ - ngan se malat menusuk brue' o na tengen -, apan a nai dura ineu ya dalem kimet ngan atai kelunan kadu'." ³⁶ Un pa ku iti pa se ledo, ngaran a Hana, ye se nabi ledo, anak Fanuel met lebu' Asyer. Mukon ale nia. Lepek a un ngan, iye murip tusu' uman ngan lakei a ³⁷ ngan lepek iti baleu nia o, ja'au urip a aye pulu' pat uman. Bei a se' tai lap lamin sebahyang un ngan singket dau ngan ma'au ni a sebahyang ngan nce uman. ³⁸ Ngan daleu iti nai a ku ufan Yesus ti, nga a bara tiga tawai a pala Allah ti ngan a petira neng jo Anak ti kume mung kelunan ya pekena ineu ya ke lepo Yerusalem ti. ³⁹ Ngan lepek ra teleu tei mung ya un dalem surat Tuhan ti, nai ra teleu pelu'et ku lebu' ra teleu ti no o, ku lebu' Nazaret ku Galilea ti. ⁴⁰ Anak iti nai ja'au ngan mayeng, sangan ngan penisen, ngan peniga Allah ti un neng Ye. ⁴¹ Singket-singket uman ira tua Yesus ti tai ku Yerusalem neng dau dulu kebangen Paskah. ⁴² Nga daleu urip Yesus ti due sui' pulu' tai ra ku Yerusalem neng dau ya ngelayan ra tai dalem dau kebangen Paskah ti. ⁴³ Lepek ra neng dau-dau kebangen iti, daleu nai ra ke'uli, ufan payan na Yesus ti ku Yerusalem ti o ngan bei due tua A ti tisen un. ⁴⁴ Dalem kimet ra ti un ta Yesus ti daleu dulu ya kua-kua ngan ire neng asat ra ti, masat nira o dalem se dau nyain a, nga nira irap Ye o neng a'ang senganak ngan tuyang ra ti. ⁴⁵ Bei ra tegu Ye daleu dulu ra neng asat ti un, sulo nai ra pelu'et ku Yerusalem ngan ra irap-irap Ye. ⁴⁶ Dalem keteleu dau a, ti ra tegu Ye dalem lamin sebahyang; Ye uku' neng belua kelunan ya gayeng ngan ja'au penisen neng jo Tuhan, Ye sening dau ra ngan muteu-muteu ire. ⁴⁷ Ngan ketu' dulu ya sening dau A ti tai tikap neng penisen ngan tu' ineu ya Ye tira kume ire. ⁴⁸ Ngan daleu ra tu'a A ti na'at Ye, to tekejet due, nga dau sinen A ti kume Ye: "Anak, ineu o uyai me e tamam ni mengini? Tamam ni ngan aki tai takut gen dalem me e irap iku." ⁴⁹ Nga dau A mipa due o: "Ineu mue irap Aki? Tisen ta mue mu, ufan a Aki ni un dalem lamin Amai E?" ⁵⁰ Due tua a ti nce un tisen ineu ya Ye bara ti. ⁵¹ Nai A uli ngan due tua a ti no o ku Nazaret ti; ngan Ye murip dalem petubo due. Ngan sinen A ti demon tu' puyan ra iti dalem atai a. ⁵² Ngan Yesus ni na ja'au-nai ja'au, nai kadu penisen A ngan ja'au use A, ngan nai kadu' peniga met Allah ti ngan met kelunan kume Iye.