¹ Kume penja'au Teofilus, kadu ru na dulu ufa uyai ketena neng dite ufan puyan ya lepek nuyan neng a'ang ileu, ² keba'an ya ira teleu ya ufan na'at puyan ngan ya pegayeng isiu Tuhan ni. ³ Dalem a mekiti o, nga e mena'at ngan lan-lan ketu' puyan ra inye met penaring a da, nga na e ala KEPUTUSAN o ke menyurat a ngan tiga lu kume iku, ⁴ apan a o tisen ufan a ketu ya lepek ire pekatuk kume iku ra ufan puyan ya lan lepek nuyan. ⁵ Daleu Herodes ra Paren ja'au/RAJA dulu ku Yudea ti, un se kelunan ya engkin dulu sembahyang met kelu'ung Abia, ngaran a Zakharia. Ngan un ya ledo a o met kelu'ung Harun, ngaran a Elisabet. ⁶ Due peto' murip teneng neng jume Tuhan ngan murip baya ketu' dau pengufa ngan katuk Tuhan ya teneng. ⁷ Un o bei due un anak un, ufan a MANDUL Elisabet ti ngan ja'au na urip (mukon) due. ⁸ Un se luai a, dalem tai ketuken dulu tai engkin pengencai ya dulu ke menutung kume Tuhan ti, ufan si'uu tuken kelu'ung Zakharia ni ya ketei uyan pengencai ni, nga Zakharia ti ya tai tei a o. ⁹ Ufan a ire menuso ngan UNDI a, nga iye na tai dalem amin bue' iti ngan menutung pengencai ti. ¹⁰ Tu'u kelunan kadu kelepeng ku awang ni ngan sebayang. Daleu inye tuken dulu tai menutung pengencai ra pala Tuhan. ¹¹ Nga na Zakharia ti mena'at nai se' Malaikat nekedeng ku base ta'au ufan a menutung pengencai ti. ¹² Dalem a mengiti ti, to TERKEJUT a ngan TAKUT a. ¹³ Nga na dau Malaikat ti kume iye: "Zakharia, mo TAKUT, ufan a lepek na Tuhan ti na ineu ya iku nyat dalem sebayang o kume YE, Elisabet ya ledo o ti ke musang se anak lakei kume iku ngan iku tai ngaran a o Yohanes. ¹⁴ Iku ke un bangen atai ngan bangen tawai o dalem puyan ini, ngan kadu dulu kebangen neng dalem nai anak ni musang. ¹⁵ Ye ke nai ja'au neng jume Tuhan ngan bei a kemedu jakan mafuk biri un ngan ye pa' sangan ngan Roh Kudus met dalem batek sinen a ti. ¹⁶ Ye ke uyai kadu kelunan Israel bini nai pelu'et pala Tuhan, Allah ra ti, ¹⁷ ngan ye aring ketai masat neng Tuhan ti dalem brue ngan pengayeng Elia, ya ke'uyai atai tamen-tamen bini nai pelu'et pala' anak-anak ra ngan atai kelunan ja'at nai pala kimet kelunan-kelunan ya si'uq' ke uyai se' kelu'ung kelunan ya teneng kume YE. ¹⁸ Dau Zakharia ti kume Malaikat nye: "Mengempei e tisen puyan nye nai nuyan o? Ufan a mukon ne e ni ngan ja'au na urip ledo e ni." ¹⁹ Dau malaikat ti kume ye: "Aki ta ya dulu kume Gabriel ri, ya pegayeng kume Allah ngan Ye ya so'on aki nai petira ngan iku neng dau isiu tiga ni. ²⁰ Iku o, ke ameng ameng o' o ngan nce' sinteng petira ineu-ineu pafi nai isiu ni nuyan, ufan a o nce' mengelan dau nai isiu E ya ke nai nuyan dalem dau a ti o. ²¹ Dalem a mengiti o, ti kelunan kadu pekena Zakharia. Tai miyat na kimet ra, ufan a nyain ale a ku dalem lamin ya bue' ti. ²² Nai a kawang no o, ngan bei a sinteng petira ineu-ineu mere' un, nga nira tisen o ufan un ala se pena'at a dalem lamin bue' ti. Lo a tai pekata na kume ire o, ufan a ti a ameng. ²³ Lepek inye o tai a uli' ku lamin a ti no o. ²⁴ Dalem se nyain a o, Elisabet ti nai menale ngan dalem leme' bulan a nce nai pedura ye, kedau a o: ²⁵ Ini na se' puyan Tuhan ti ya tiga kume aki, YE lepek bet keja'at e neng jume dulu. ²⁶ Dalem bulan ya keenem Allah so'on malaikat Gabriel tai ku se lebu' Ja'au ku Galilea ti, ngaran a Nazaret, ²⁷ tai petegu se ledo tiga ya lepek un isiu ngan se lakei, ya' ngaran a Yusuf ira met pengelamin Daud da, ngaran ledo nye Maria. ²⁸ Daleu tai malaikat nye ku dalem lamin Maria ti, kedau a: "Salam, iku ya un dalem pengencai Tuhan, YE un ngan iku." ²⁹ To' tekejet na dau a sening isiu nye o, dau a menugen dalem atai a ti, dau se ineu ini. ³⁰ Kedau malaikat ti kume ye: "Maria, mo tai bisau, ufan a iku lepek un peniga ngan pengelesau neng jume Allah ti. ³¹ Kemenale ngan kenai musang se anak lakei met iku o, ngan iku tai ngaran A Yesus o. ³² Anak inye kenai ja'au ngan dulu ke'ntisen YE Anak Allah ya' atek empau. Ngan Tuhan Allah ti ketai kume Iye larung Daud da, ira tu'a A da. ³³ YE na ke Paren ja'au kume ketu' ira met Yakub ni pafi ketai mo'o urip ni ngan lebu ja'au a ti nce tai deram neng sengkasan-kasan a. ³⁴ Kedau Maria ti kume malaikat ti: "Mengempei inye nai nuyan? bei e' un ngan ru pa?" ³⁵ Kedau malaikat ti kume ye: "Roh Kudus ti kenai pala iku ngan pengayeng Allah ya atek empau ti ngelirung iku; nga ta dulu kume o, anak ya iku musang nye bue', Anak Allah. ³⁶ Ngan na' kini pa, ti senganak o Elisabet ti menale' se' anak lakei neng dalem ja'au urip a ti, neng bulan ya' keenem nia ni, ye ya dulu kume nce' sinteng menale da. ³⁷ Ufan a bei un se ineu-ineu ya nce Tuhan ti sinteng uyai un." ³⁸ Kedau Maria ti no o : "Aki ni se' ula Tuhan; nai na nuyan pala aki keba'an dau isiu nye." Nga na tai malaikat ti lap ye o. ³⁹ Dalem se' jatan awang a o, tai Maria ti masat ku murung ya tai ku lebu' ja'au ku Yahuda ti. ⁴⁰ Ku iti a tai dalem lamin Zakharia ngan tai salam kume Elisabet ra. ⁴¹ Daleu Elisabet ti sening dau salam Maria ti, to' nekujang anak ya un dalem batek a ti, ngan Elisabet ti pa nai sangan ngan Roh Kudus. ⁴² nga' dau a pisiu ngan isiu ya ja'au dau: "Un peniga no o met Tuhan ti neng nga'ang tu'u ledo ngan un peniga Tuhan neng buaq' bateq o na. ⁴³ Iku na i e, ineu o nai na'at aki, iku sinen Tuhan e ti, aki kelunan ja'at. ⁴⁴ Daleu dau nai salam o pafi kelinge e ni da, to' nengkujat bangen dau anak ya un neng batek e ni. ⁴⁵ Ngan bangen na ye ya lepek mengelan ineu ya Tuhan lepek bara kume ire, ufan a inye kenai nuyan." ⁴⁶ Dau kentau Maria: "Brue e' ni pempau Tuhan, ⁴⁷ ngan atai e' bangen tuman Allah, Juruselamat e, ⁴⁸ ufan a Ye lepek mena'at selima e ya' ula' A ni. Neng iti o, met na kini ketu' dulu na kekume aki se kelunan bangen, ⁴⁹ Ye ya atek mayeng ti lepek uyai puyan ja'au kume aki ngan ngaran A bue'. ⁵⁰ Ngan peniga A nce tai beto' pala' kelunan ya tunuk pala Ye. ⁵¹ Ye petula dite ayeng A ngan puyan usu' A ngan ngepura kelunan ya empau atai ra; ⁵² Ye tai kenta kelunan-kelunan ira un ayeng ti met ufan uku' ra ngan menco' kelunan-kelunan ya base' enta; ⁵³ Ye na' ketu' ira tiga kume kelunan ya lien, ngan so'on kelunan ya kaya bini tai ngan usu' kelangan; ⁵⁴ Ye mebo Israel, ula' A ti, ufan A ngetawai peniga A, ⁵⁵ keba'an ya lepek Ye bara kume sepun ra da, kume Abraham ngan ketu' ra nai met ye seng kasan-kasan a ti." ⁵⁶ Nga na Maria ti pumung ngan Elisabet ni keba'an teleu' bulan ra, lepek inye o tai a uli' pelu'et ku lamin a ti no o. ⁵⁷ Lepek inye no o, ketai pafi na tuken Elisabet ti kenai muno anak a ti ngan iti na nai se anak lakei musang met ye o. ⁵⁸ Dalem nai anak nye musang o, sening ngan tisen na ira duro lamin a ti ngan ra senganak a ti ufan Tuhan ti bara peniga ya' mengiti ja'au kume ye, nga nira bangen kua-kua nyan ye no o. ⁵⁹ Dalem dau ya ke aye no o, neng tuken ra ke sunat anak nye o, nai ra no o ke ketei sunat nye ngan ire ufa ketai ngaran a Zakharia keba'an ngaran tamen a ti, ⁶⁰ ke dau sinen a ti o: "Nyem, Yohanes ke ngaran a o." ⁶¹ Dau ra kume ye o: "Bei un ra senganak o un ngaran ya menginye un." ⁶² Nga nira na se' kedana kume tamen a ti no o, kemuteu ye neng ngaran ya ye ufa tai kume anak nye. ⁶³ Lo a nyat bateu tulis ngan uyai isiu-isiu ini: "Ngaran a Yohanes." Ini uyai ire mung tai tikap. ⁶⁴ Ngan daleu iti o nai buka na ba Zakharia ra o, lepo na jila' a da o, nga nia petira ngan pempau Allah o. ⁶⁵ Mung kelunan ya un duro ye ti nai bisau nira o, ngan tu' dite puyan ra iti uyai se bua' isiu neng tu' murung Yudea ti. ⁶⁶ Ngan mung dulu ra kesening a, ire pekimet ngan petira a, kera' : "Mengepei dite nai anak ni ja'au o ta'an, se ineu a o? Ufan a usu' Tuhan ti un ngan ye. ⁶⁷ Dalem ra iti o nga na dau Zakharia ti mengketau o, iye sangan ngan Roh Kudus, nga nia bara ineu ya kenai nuyan o, kenya: ⁶⁸ "Ma'ag nilu Tuhan, Allah Israel ti, ufan A lepek nai pala kelunan ya anun A ngan nai ngkin se pelepo kume ire, ⁶⁹ Ye murip se weng ya' ke pelopo neng ya ja'at kume ileu neng pengelamin Daud, ula' A ti, ⁷⁰ -keba'an ya' lepek Ye bara met mana'a' da dalem ba' kelunan-keluanan bue' ya bara isiu Tuhan- ⁷¹ ufa mesu' ileu met dulu ya' ja'at neng ileu ngan met usu' mung dulu' ya nce ufa ileu, ⁷² ufa ke kebara peniga A kume sepun lu da ngan ngetawai tira' A ya bue', ⁷³ ngan lan ya lepek Ye bara' kume Abraham, sepun lu da, ufan a Ye mencai peniga kume ileu, ⁷⁴ apan lu tai lepo' met usu' kelunan ira ja'at neng ileu, ngan lu sinteng kesebahyang kume Ye dalem atai ya tiga , ⁷⁵ dalem bue' ngan peneneng ku jume A ti seng kasan lu murip. ⁷⁶ Un no o' o, anak e, dulu bai kelunan ya' bara isiu Allah ya' atek empau o; ufan a iku ya aring tai masat kume Tuhan ti, tai uyai janan kume Ye, ⁷⁷ ke'uyai penisen kume kelunan ya anun A neng dite pelepo urip lu met ira ja'at neng ufan A lepek bet penyala'-penyala' ra, ⁷⁸ dalem peniga ngan pengelesau met Allah lu ti, ya' kenai mena'at ileu ti, keba'an silau ya' nai met empau ti, ⁷⁹ nai si'u kelunan ya' un dalem mentem ti ngan dalem kelirung ja'at, keuyai asat lu tai pala ya' tiga." ⁸⁰ Un na anak irai o, nai a ja'au ngan nai mayeng na brue' a ti o. Ngan ye tai nyelipai daleu murung a'it biti, pafi ketuken a nai pedura use a kume Israel.