¹ Ketu’ pemungut cukai ngan kelunan-kelunan un penyalaq kelayanna nai palak Yesus ufa’ sekening Iye. ² Sulo menguweng-menguwengna kelunan-kelunan Farisi ngan ahli-ahli Taurat, un dauwa: “Iye alaq kelunan-kelunan un penyalaq ngan uman kuwaq-kuwaq ngan ire.” ³ Sulo wa bara’ alaq kata ini kepalaq ire: ⁴ I’ nengaang ikam yaq un seato iko domba, ngan buk un se use tai deram nengaanga, empei a tai peleq yaq pien pulu’ pien iko ko apau ait ngan tai irap yaq lingeu iti pe a tegu’ye? ⁵ Ngan buk iye lepeq tegu’ye, iye menco’ye ko usun li’ip ngan bangen. ⁶ Ngan o naa pafi’ ko lamin iye bai tuyang-tuyanga ngan ira’ pipaye ngan bara’ palak ire: Bangenna kuwaq-kuwaq ngan aki’, tumanna domba e’ yaq deram iti lepeq aki’ tegu’. ⁷ Aki’ bara’ kepalak ikam: Nginye tapa ka un kebangen ko sorga ufanna se kelunan un penyalaq yaq mengaring urip, unco neng kebangen tumanna pien pulu’ pien kelunan teneng yaq nce un ufa’ mengaring urip. ⁸ “Ngan ledo mengempai yaq un pulu’ dirham, ngan buk deram se nengaanga, empeia peleket apui ngan mepa lamin ngan irapye ngan tiga pafi’a tegu’ye? ⁹ Ngan buk iye lepeq tegu’ye, iye bai tuyang-tuyanga ngan ira’ pipaye ngan bara’: Bangenna kuwaq-kuwaq ngan aki’, tumanna dirham e’ yaq deram iti lepeq nee’ tegu’a. ¹⁰ Aki’ bara’ kepalaq ikam: Menginye pa ka un bangen palaq makaikat-malaikat Allah ufanna se use kelunan un penyalaq yaq mengaring urip.” ¹¹ Yesus bara’ le’e: “Un se kelunan un duwe anak lakei-lakei. ¹² Un daau yaq bayaq ti kepalaq tamenna: Amai, naqna kume aki’ tulat met ineu luna yaq ka anun e’. ¹³ Kura’ dau o iti anak yaq bayaq iti pebelei ketu’ tulatta iti sulo tai ko lebu’ yaq su’. Ko iti iye pekoo ketu’ ineuwa iti ngan murip sepengufa’-ufa’a. ¹⁴ Lepeka pekoo ketu’a, naina dau liyen ko dalem lebu’ iti ngan iye pa menaring tai taru. ¹⁵ Sulo taia ngan pegayeng palaq sekelunan kayaq ko lebu’ iti. Kelunan iti soon ye tai ko ume koon jaga’ bafuia. ¹⁶ Sulo a pesedep nyangan bateka ngan penguman bafui iti, un o empei sekelunan pa yaq na’a kumeye. ¹⁷ Suloa den tegenna, un dauwa: Kadu’ ale’ kelunan upahan tamene’ yaq kedu’-kadu’ pengumanna, aki’ kini matai leyen. ¹⁸ Aki ka nai beti’ ngan tai kepalaq tamene’ ngan bara’ kumeye: Amai, aki lepeq salaq palaq sorga ngan palaq amai, ¹⁹ empei ye’ tekep le’e iku’ naq anak amai; naqna aki’ni kobaan sekelunan upahan amai. ²⁰ Nga beti’nia ngan tai kepalaq tamenna. Daleu a sa’ suk, tamenna lepek diteye, Sulo peliyungna ataia ngan pengelesau. Tamenna iti mengasa tai alaq ye sulo ngelingkem ngan uk ye. ²¹ Un daau anak iti kepalaqye: Amai, aki’ lepek salaq neng jume sorga ngan neng amai, empei e’ tekep le’e iku’ naq anak amai. ²² Un o tamen iti bara’ kepalaq hamba-hambaa: Tajenna ilan kini sapai yaq ateq tiga, naqna iti kepala’ye ngan taina angkok neng buwaq usu’a ngan sepatu’ neng taketa. ²³ Ngan alaqna anak lembu lempu’ iti, menatai nia ngan tiga nilu uman ngan bangen. ²⁴ Tumanna anak e’ni lepek matai ngan nai murip ngeluwet, ye lepek deram ngan tegu’ ye ngeluwet. Nga menaring nira bangen. ²⁵ Naq pia mengiti un anakka yaq aring un ko ume ngan daleu naa uli’ ngan dani’ ko lamin, ia sekening tuyau suling ngan kentau kanjet-kanjet. ²⁶ Sulo a bai se hambaa ngan muteu kepala’ye ineu arti ketu’a iti. ²⁷ Un daau hamba iti mipa: Sarinno’ lepeq nai ngeluwet ngan tamenno’ lepeq menatai anak lembu lempu’, ufanna iye lepeq tegu’ye ngeluwet ngan magat. ²⁸ Nga lasetna anak aring iti ngan empeia ufa’ nai kedalem. Sulo nai tamenna ko awang ngan pisiu ngan iye. ²⁹ Un o iye mipa tamenna, un dauwa: Lepeq nyain ne’e melayani amai ngan empei e’ pernah menyalaq katu’ amai, naq pia mengiti empei amai pernah naq se iko anak kading ufan ne’ ka bangen ngan tuyang-tuyange’. ³⁰ Un o loo lu’pa nai anak amai yaq lepek pekoo ineu-ineu amai kuwaq-kuwaq ngan ledo-ledo mawen, nga lu’ amai menatai anak lembu lempu’ iti kume iye. ³¹ Un daau tamenna kume iye: Anake’, iku’ni lemuto kuwaq-kuwaq ngan aki’, ngan ketu’ anune’ inyepa anun o. ³² Ileu patut bangen ufanna sarinnoq lepeq matai ngan nai murip ngeluwet, iye lepeq deram ngan tegu’ye ngeluwet.”