¹ Un daleu inye dau kenem (Sabat), ufan nai Yesus ti ko' lamin sebayang se pengenja'au kelunankelunan Farisi. Un kadep A ufa kenai uman ko inye. Mung kelunan ya' un ko inye pekelung mena'at Iye. ² Tuk kenai se kelunan sakit neng jume-A, ufan besuan ale use kelunan inye so'on sungai. ³ Un daau Yesus ti pala' penisen-penisen Taurat peging kelunan-kelunan Farisi biti: "Sinteng tilu puat dulu ya' sakit neng dau kenem (Sabat) mu?" ⁴ Empei ra ufa mipa un. Sulo A man usu' kelunan sakit inye, puat iye, ngan so'on iye tai. ⁵ Lepek inye, sulo A bara' kume ire: "I' neng a'ang ikam ira' ence nengayet menat anak a, kulong a ya' tai labu' ko dalem sumur, buk iye tai labu' neng dau kenem (Sabat)?" ⁶ Empei ufan ra sinteng menyakat Iye un. ⁷ Daleu Yesus ti pekelung singket sakai ya nai dalem lamin sebayang iti, ufan ufa' ale' ra uku' neng larung ira ko' jume, apanna dulu sinteng mena'at ire. Sulo Yesus bara' isiu kume ire ngan pekata: ⁸ "Buk un dulu bai ikam, tai pemung mana ngan ire neng se tuyan kawin, nyem uku' neng larung ira' ko jume apan dulu sinteng mena'at ikam, masa kelunan ya' un tuyan inye lepek bai se dulu ya' empau neng jo ikam, ⁹ apanna kelunan ya bai ikam ti ngan sakai a ti, ence kume pala' ikam: Na' na larung ini kume kelunan inye. Inye ya' ke uyai ikam se'e ngan tai paso, uku' ko ufan ra' liba'. ¹⁰ Aken buk dulu bai ikam, tai na uku' ko ufan ira' liba'. Masa' pa ya' un lamin ti nai pala' ikam ngan kume: Tuyang, uku' na ko' jume ti. Ngan mengiti, kung sakai ya' un ko' inye mena'at ngan menghormati ikam. ¹¹ Ufanna i' ira' lemuto ke mengempau urip ra, Tuhan ti tengen ngeliba' ire, i' ira ngeliba' urip ra, Tuhan ti ta mengempau ire. ¹² Un daau Yesus ti kume kelunan ya' bai Ye uman ti: "Buk ikam un pemung mana tegu' dau belua' atau maau, nyem bai tuyang-tuyang, senganak-senganak, peging kelunan-keluran ira' kaya' lu', ufanna ira ke bai ngan menyua' ikam peluet. ¹³ Aken buk ikam uyai pemung mana, bai na kelunan-kelunan ira' kasip, ence sinteng masat, kepe', ngan buta', ¹⁴ Terang nem ke bangen, ufanna empei ra un ineu-ineu ke menyua' ikam un. Ikam ke ala' sua' a daleu kelunan-kelunan ra teneng urip kenai beti' met patai ra." ¹⁵ Lepek ra sekening daau tira' inye, sulo se sakai ya un ko inye, pisiu pala' Yesus ti: "Bangen tawai na' pala' kelunan ya' sinteng pemung uman dalem Kerajaan Allah ti." ¹⁶ Aken un daau Yesus ti mipa iye: "Un se dulu ya uyai pemung mana ja'au. Tu' kelunan kadu' ye bai. ¹⁷ Daleu ra kemenaring pemung mana iti, sulo a so'on se ula' a tai bara' kume mung sakai ya ufa kenai: "Nai na, lepek un na ketu' penguman ni. ¹⁸ Aken mung ire nyat ma'ap. Sulo se menaring pisiu, un daau a: Ti e menelei se ume da, tai e na'at a aring; nyat ma'ap e sa. ¹⁹ Nai ira' se pisiu le'e: Un e nelei sapi, leme da lakei ngan leme da ledo, tai e na'at dite ketei ra aring; nyat ma'ap nee' sa. ²⁰ Empei pu'un nyain, nai ra se pisiu ple'e: Ni lu' pe'e lepek kawin, empei e sinteng nai lu' pu'un. ²¹ Tai ula' inye uli' ngan bara' ketu' ineu ya' lepek iye sekening pala' tuen a ti. Sulo tuen a ti laset ngan bara' kume ula' inye: Tai no'o palet ko sukung janan, ko' janan ira i'iut ya un ko' kuta ti, engkin mung kelunan ira' kasip, peging dulu ira' ence sinteng masat, buta', ngan kepe'. ²² Tuen lepek mung nee' uyai ineu ya iku so'on nye, aken sa un lu' pa larung ira kelangan. ²³ Un daau tuen ti pala' ula' inye: Buk menginye, tai no'o ngalang datat ni, ngayet na so'on kelunan-kelunan ya' un ko' inye apan ra nai kamin, tiga ale' buke lamin e ni tai sangan. ²⁴ Aki ufa ke bara mikam: "Empei E ufa' sakai-sakai ya' Aki lepek bai ti, nai pemung mana ngan Aki nu'un." ²⁵ Un se luai, kadu kelunan nai baya' kempei tai Yesus ti masat. Pentung A pupe sile, un daau A kume ire: ²⁶ Buk un kelunan ya' nai pala' Aki, aken sa lesau tamen, sinen, anak-anak a ira lakei ngan ledo, peging urip a tengen, neng o Aki. empei a sinten jadi murid-E un. ²⁷ I' ya' encen menyi'un salib a ngan nai baya' Aki', empei a sinteng jadi murid-E un. ²⁸ I' neng ata ikam ya' ufa ke pedeng se lamin empau, aken empei a pekimet ineu-ineu ya' ye ke nebelom ke pelepek lamin inye un? ²⁹ Apanna, buk iye lepek na' suka' lamin inye ngan ence sinteng ke pelepek a, mpun dulu ira' mena'at inye, ke suto' iye, ³⁰ ngan ke kume pala' iye: Bateu dite kelunan inye pedengan lamin a na, aken empei a sinteng ke pelepek a un. ³¹ Atau kelunan paren empei ya' ufa tai engkin dulu ngayau, aken ence uku ngan pekimet, sinteng ta selibu use ya aki engkin ini kesepatai ngan due pulu libu ayau ya nai menyakat ami' ta'an? ³² Buke ence sinteng, terang nia so'on se tuyang a tai nyat perdamaian pala' ayau biti sengkasan ra su' dalem asat ra kenai ngedani ire. ³³ Mengiti pa pala' singket-singket use neng ata ikam, buk ra ence lepo' ineu ya' un pala' ire, empei ra sinteng jadi murid-E un. ³⁴ Tiga ale usen ni, aken buk usen ni tai bele, ngan ineu lu ke pelait le'e? ³⁵ Empei lu sinteng ke uyai a jadi pupuk tuk ume lu nu'un, bang ileu bet na tua'. I' ira' un kelinge, tiga nira sekening!"