¹ Lima' do au hia' ti, Imam Aya' Ananias ngileh dahin da ang aya' au hia' ti ji kuhung duaan man daha' alang araan na Tertulus. daha' ake jung hamaan mekam paulus ha' gubernur. ² au hia' ti Paulus an daha' uvi, Tertulus nahari pesalaa' hia' ha' nang daha' dahin duaan, " kenaan, lalo man Ika' alang Taya' , ³ kame' te' temoh kame' nesa' gat sayu dahin gat alang maring halam bangsa ane' kenaan Ika' alang Taya'. kame' peplu dahin na lim gat alang haman na kame melu ha' hino lim,dahin kenap alang taya' laan ta' ika', Alang Taya' laan Feliks. ⁴ Au hia' ti, jung jaan ngepah do ane' ka' wa', akui ake kenap ka' alang halam laan jung ngering dahun kame' aki tua. ⁵ Kenan, kame au nyinaang kelunaan ane' tengah na gat jaa', alang geri gat jaa' tahaang kelunaan Yahudi atang ha' tanaa ida'. ⁶ Dahin, hia' ni lim pa alang kuhung sekte Nasrani. Hia' lim pa alang nesa' na jaa' Uma Tipang kenaan hia' ti ka kame mekam hia'. [kame' sang ngadat hia' me' tun hukom kame'. ⁷ Au hia' ti, Lisias, kuhung aya' kelunaan lakin hia' ti, atang dahin temoh nyile' hia' man usu kame' geri heleh na, ⁸ temoh nyuhu kelunaan alang nyelema' hia' ti atang pehina ika'.] Dahin metang hia' daap, ika' pa jaam nun lim alang an kame' selema' ta' hia'." ⁹ kelunaan-kelunaan Yahudi lim pa au peji kenap halam nyelema' hia' ti temoh petaje', kenaan lim ina' na laan. ¹⁰ Tegu' gubernur mai terana' man Paulus jung duaan, Paulus pa nyuve, " Au hia' ti, halam beduman-duman akui au jaam ika' au jadi hakim husun bangsa ane','' dahin kenaap melu akui mayang lu'ung. ¹¹ Ika' hamaan nyinaang, kenaa' jaan lalo man pulu dua' do alang au lalo de akui mu'un hak Yerusalem te sabayaang. ¹² Daha' jaan kala' nyinaang akui pahangal dahin kelunaan au hia' ti duaan gat pamu dahin kelunaan banggu, sayuu ha' Uma Tanagaan, sinagoge-sinagoge, dahin ha' alaam kota. ¹³ Daha' jaan lim pa bukti da megii akui nun alang an daha' nyelema' ta' akui kere ni. ¹⁴ Au hia' ti, akui ngaku' ta' ika', kenaan tiah lim pina' dahin alaan hia' ti, alang daha' gi ji Sekte, akui sabayang man Tipaang huku aya' ta', dahin pesaya' ta' lim gat alang tiah dahin Hukum dahin alang an da tulis halam kitab para nabi, ¹⁵ melo' petugung ake ha' halam Tipaang, alang an daha' kave laan,kenaan sang te' urip, sayuu man kelunaan alang laan dahin kelunaan alang salaa. ¹⁶ Halam gat ani', akui nesa' pekaya' kenap sayuu alang maran, sayuu ha' nang Tipaang dahin ha' nang kelunaan banguu. ¹⁷ Kere ni, au halam kuri dumaan, akui atang geri nun alang te' man tanaa kui dahin sang mai persembahan- persembahan. ¹⁸ Jii'arun kui na ina', daha' pa pehina akui, belua kui au an da mayo ma'ang ha' Uma Tipang, halam memayaan havan dahin jaan pano'. Tapi te' ha' hia' ti kelunan Yahudi man Asia. ¹⁹ Alang laan na, daha' alang te' ha' nang kaa dahin megi daho' nyelema' hia' ti, ha' daha' laan te' ngayaan da sang ngeperah akui. ²⁰ Ha' jaan ti, hembe na nakurin kelunaan hia' ti daap ka alang megi nun salaa alang an daha' habung tegu' kui nekering ha' nang Sanhedrin, ²¹ te' ji daho' alang na akui sang heleh teguu' kui nekering te' tahaang daha', " kenaan urip kelunaan mate, akui an daha' da adat ha' nang ka' kere ni. ²² Au hia' ti Feliks, alang hipun jaam laan ta' alaan hia' ti, mekap adat hia' ti dahin duaan niha'," Teguu' Lisias, kuhung aya' kelunaan lakin hia' ti, ngileh, baru' kui munaang adat ka. " ²³ Au hia' ti va', Feliks nyuhu kelunaan ningaan hia' ti mekam Paulus temoh, tapi te' ngiyaan na kenaan jaan hia' heleh ha' da bakeh na te nyinaang hia' temoh. ²⁴ Au halam kuri do, Feliks atang dahin havaan na, Drusila, alang kelunaan Yahudi au hia' ti nyuhu paulus atang, dahin ngering Paulus duaan ta' iman na ha' halam Jisus Kristus. ²⁵ Au hia' ti, jarun Paulus teng'ah peputaam dahin pepusaang kenap ta' alang laan, ta' kam lu'ung, dahin tengaraan alang sang atang, Feliks pa man tevah dahin duaan, "Laap ni im kere ni. teguu' kui au hipun daho', akui te' muvi iaka'." ²⁶ Teguu' do alang peji, Feliks kinah pa' te' Paulus sang mai duit man hia'. kenaan hia' ti, Feliks kala' nyuhu Paulus atang au hia' ti duaan dahin na'. ²⁷ Au hia' ti, dua' dumaan au lalo, Perkius Festus alang nga'li Feliks. Dahin, kenaan sang na kenap kelunaan Yahudi senaang, Feliks pa Mela' Paulus halam penjara.