¹ Paulus nyekudo nyinang Sanhedrin dahin duaan,"Pelo' harii' kui, akui au mano urip kui dahin lim kenap alang sayu ha' nang Tipaang Aya' atang kere ani'," ² Lalo, Imam Aya' Ananias nyuhu kelunaan alang nekering behenji pejelang dahin Paulus jung nyamaal ba' Paulus. ³ Au hia' ti, Paulus pa duaan man hia', " Tipaang sang nyamaal ika', hai ika' liding alang da saat puti! hamaa ka' melo' sang ngadat akui hia' ni mee' kurin Hukum Taurat, hia' ti wa' nyayaang man hukum hia' ti dahin nyuhu akui an da nyamaal?" ⁴ kelunaan alang behenjii hia' duaan, " Nun pika' ngeyupo imam Aya' Tipaang?" ⁵ Au hia' ti, Paulus pa duaan, "jaan kui jaam, pelo' hari', kenaan hia' Imam Aya'. kenaan, te' tulis, 'Am duaan gat jaa' ta' kelunaan aya' bangsa kaa." ⁶ Au hia' ti, tegu' Paulus jaam avin te' kelunaan Saduki, Paulus buka' ha' halam Sanhedrin, "pelo' hari' akui ni kelunaan Farisi, anaa' kelunaan Farisi. akui an da tengaraan avin kenaan kui laan dahin pekurip kelunaan mate!" ⁷ Teguu' Paulus duaan hal ane', nyemo na' hangal tahaang kelunaan Farisi dahin kelunaan Saduki, dahin hengkung kelunaan-kelunaan hiaa' ti pebutat-butat. ⁸ Kenaan, kelunaan Saduki duaan avin jaan te' urip, jaan te' Malaikat, dahin jaan te' roh, kenaan hia' ti wa' lim kelunaan Farisi ngaku' ina' pah. ⁹ Kenaan hia' ti, te' na havan alang taya' dahin lim ahli Taurat man hengkung Farisi biti dahin bukaa' aya' nihaa, "kame' jaan habung alang gat jaa' ta' kelunaan ane'. nuno pita' sang na ha' te' roh dahin malaikat duaan man hia'? ¹⁰ Au hia' ti, teguu' daha' pahangal loh, kuhung aya' kelunaan men'tevaah pa' paulus sang dahaa' kelunaan banguu hia' ti nukul, lalo, hia' nyuhu kelunaan lakin hia' ti ngileh dahin geri Paulus man haang daha' temoh da beletat, pelasoo gerii ha' markas daha'. ¹¹ Malam do ji na, nekering na Tanagaan behenji Paulus dahin duaan Niha', "naje' im kenap ka kenaan ika' naan au na' laan gerii Araan Kui ha' Yerusalem, kenaan hia' ti ika' lim pa alang gerii Araan Kui ha' Roma." ¹² teguu' do ngetdo, kelunaan Yahudi na he'ngkuung dahin ngaatung lu'ung daha' daap au hia' ti petunuu jung jaan kumaan dahin dui nun lim atang daha' haman lemate Paulus. ¹³ Te' kahum uk man paat pulu kelunaan alang na hengkung ane'. ¹⁴ Daha' atang ha' imam-imam aya' dahin da kelunaan aya', au hia' ti duaan, " kame' au ngatung luung kame' daap dahin petunuu jung jaan nisip dahin kumaan nun lim atang kame' hamaan lemate Paulus. ¹⁵ Kere ni, au kenaan hia' ti, ika', peji dahin Sanhedrin, megi man kuhung aya' kelunaan lakin jung geri hia' ngileh ha' ika', seolah-olah ika' sang mutat salaa na dahin sayu laan au hia' ti kame' temoh lemate hia' jarun jaan piha' jelang ha' ngayaan ane'. ¹⁶ Au hia' ti, anaa' lake' man harin doh Paulus ngering ta' hadi daha' alang sang penga hia' ti, au hia' ti hia' pa te laap dahin mutaam ha' ngayaan daha', temoh megi man Paulus. ¹⁷ Paulus pa muvi ji kelunaan ningaan na' dahin duaan," Geri im anaa' nyaam aya' ane' ha' kuhung aya' kelunaan lakin kenaan te' gat alang sang na' gi man hia'." ¹⁸ Au hia' ti wa', ningaan hia' ti gerii hia' man kuhung aya' kelunan lakin dahin duaan, " Paulus alang daha' kam hia' ti, muvii akui dahin akee akui jung gerii nyaam ayaa' ane' man ika' kenaan hia' hipun daho' alang sang na' gii man ika'. ¹⁹ Kuhung aya' kelunaan mekam usu nyaam aya' hia' ti, an na' hir niha behenji, au hia' ti wa' nahari niha' metang nyaam aya' hia' ti dap," Nun alang sang im gii man akui?" ²⁰ Lalo, hia' nyuve, " kelunan-kelunan Yahudi pekat ake ika' jung geri Paulus ngileh ha' Sanhedrin jimaa, daha' nekelung sang metang gat alang kelung sayu ta' hia'. ²¹ hia' ti, am ngering daha' kenan te' kahum man paat pulu kelunan man daha' au pengaa Paulus. alang au petunuu jung jaan kumaan dahin dui atang daha' hamaan lemate Paulus. dahin, daha' au kave paa' ka' ikam dahin jaan."