¹ "Hari'-hari' dahin ame-ame, ngering pembelaan akui kere ha' ika'." ² Dahin, teguu' daha' ngering bahwa Paulus muvi' daha' ha' halaam daho' Ibrani, daha' makin ngeraam, dahin Paulus megi', ³ "Akui ni' kelunaan Yahudi, lahir ha' Tarsus, Kilkia, tapi ga' taya' ha' kuta ani', ga' ajar ha' hida' Gamaliel dahin ketat sesuai hukum uku' aya' ita', dahin jadi giat ta' Tipang, tiah keluung ika' paah ha' do ani'. ⁴ Akui nganiaya alaan ani' atang ha' kematian, ngatuung dahin ngemutaam daha', sayuu lake' sayuu dooh, ha halama penjara, ⁵ keluung ani' pun Imam Besar dahin lim majelis penatua hamaan bersaksi ta' akui. Man daha' akui ala' surat-surat ani' hariu'-hari' ha Damsyik dahin leka' juung ngatuung daha' alaang te' ha' tinaan ta' Yerusalem sebagai tahanan alaang sang ga' hukum. ⁶ Maka, jadi nah, jaruun akui tengaah halaam ano dahin u' ngua' sang ataang ha' Damsyik, kira-kira ha' ngedo, tekjat suatu alah malaah ha' langit bersinar ngeliling akui. ⁷ Akui lega' ha tana' dahin ngering dahuun duaan ta' akui, 'Saulus, Saulus, na' nuun nganiaya Akui?' ⁸ Dahin, akui nyue, 'Hi' ika Tenangan?' Lalo, hia' nyue ta' akui, 'Akui ni' Yesus man Nazaret, alaang tengaah ika' aniaya.' ⁹ De' kelunaan alanag peji' dahi' nginaang alah anaan, tapi akui maam ngering dahun Kelunaan alaang tengaah duaan dahi'. Dahin, akui megi', 'Nun alaang harus a' na', Tenangan?' ¹⁰ Dahin, Tenangan nyue akui, 'Biti dahin leka' nim ha' Damsyik, dahin ha' hinaan sang kui ai daho' lim alaang au ga' teap juung ika na'.' ¹¹ Dahin, teguu' akui jaan hamaan nginaang kenaan kemuliaan alah anan, akui ga' tuntot de' kelunaan alaang peji' dahi' dahin mutaam ha' Damsyik." ¹² Au anaan, te' kelunaan alaang araan na' Ananias, kelunaan saleh nurot Hukum Taurat, dahin ga' jaam sayuu' lim kelunaan Yahudi alaang mela' ta' tinaan, ¹³ ataang ta' akui, dahin au nekering ha' behenji kui, hia' duaan, 'Hari' Saulus, nginaang nah!' Lalo, teguu anaan pun, akui hamaan nginaang ngua' dahin nginaang hia'. ¹⁴ Dahin, hia' duaan, 'Tipang uku' aya' ita' ngenetap ika juung jaam kehendak-Hia' dahin nginaang Alaang Laan, dahin ngering dahuun man ba'-Hia, ¹⁵ kenaan lim kelunaan sang jadi saksi man-Hia' man lim kelunaan tentang nuun alaang au ika' nginaang dahin ngerin. ¹⁶ Dahin, kere, na' nuun ika' nunda-nunda? Biti'nah dahin mai nah ika' ga' baptes dahin ma'ang kan dusa-dusa ka' tengaah muvi' araan-Na' ¹⁷ "Teguu' akui nekulaah ha' Yerusalem dahin tengaah sebayaang ha' uma' Tipang, akui ga' kuasa Roh, ¹⁸ dahin akui nginaang Hia' duaan ta' akui, 'Haring nah dahin haring musaang man Yerusalem kenaan daha' jaan sang ala' kesaksian ika' tentang Akui.' ¹⁹ Lalo, akui duaan, 'Tenangan, daha' daap jaam bahwa akui ngemenjarakan dahin ngatung hia' alaang pesaya' ta'-Ka' man ji' sinagoge ta' alaang bale. ²⁰ Au anaan, teguu' dahaa' saksi-Ka, Stefanus, ga' maoh, akui daap tengaah nekering ha' hinaan, ngenyetujui, dahin ngejaga hakaow-hakaow de' kelunaan alaang nelemate hia.' ²¹ Au anaan, Yesus duaan ta' akui, "Leka' nah! Kenaan, akui sang ngutos ika' su' ta' bangsa-bangsa bale." ²² Kelunaan bangu' anaang ngering Paulus ataang ta' duaan ani'. Au anaan, daha' paah mejuu' dahuun daha' dahin duaan, "Pueh kan kelunaan alaang nuni' manm bumi kenaan hia' mam pantas juung murip!" ²³ Lalo, jaruun daha' peging pebuka'. dahin meso jubah daha', dahin ngemuraah asap ha' di, ²⁴ kepala pasukan pesuhu' sebe Paulus ga' geri' ha' markas, tengaah megi' bahwa Paulus harus ga' periksa dahin tukulan ataang hia' dpaat havung alasan na' nuun ika' pebuka' ngelawan hia' keluun nunaan. ²⁵ Tapi, teguu' daha' au merentangkannya dahin tale'-tale' belanit, Paulus duaan ta' perwira alaang nekering jelaang hia', "Te' ina' sah ta' ika' juung ngenukul ji' kelunaan alaang kelunaan warga negara Roma dahin tanpa ga' adili?" ²⁶ Teguu' perwira anaan ngering na', hia' te ta' kepala pasukan dahim mai daho' na', kurin na,"Nun alaang sang ika' na'? Kenaan, kelunaan ani' kelunaan warga negara Roma." ²⁷ Maka, kepala pasukan anaan ataang dahin duaan ta' Paulus, "Gi' ta' akui, nun ika' kelunaan warga negara Roma?" Dahin, Paulus duaan, "Ai." ²⁸ Kepala pasukan anaan nyue, "Akui kela' kewarganegaraan ani' dahin sejumlah taya' kelupah." Dahin, Paulus duaan, "Tapi, akui jadi warga negara kenaan kelahiran." ²⁹ Maka, de' kelunaan alaang sang meriksa Paulus haring ngemela' hia' dahin kepala pasukan jadi akut teguu' hia' jaam bahwwa Paulus ni kelunaan warga negara Roma dahin bahwa hia' au ngatuung hia'. ³⁰ Tapi, teguu' do jima' na' ngua', kenaan kepala pasukan sang jaam alasan alaanng laan na' nuun Paulus ga' tudoh kenaan de' kelunaan Yahudi anaan, hia' ngelepas Paulus dahin pesuhu' imam-imam kepala dahin lim Sandehrin juung peji', lalo hia' geri' Paullus ngileh dahin pekinaang hia' ha' tengah-tengah daha'.