¹ Jii doo, haa Kaisarea, tee jii kelunaan araan naa Kornelius, kelunaan perwira man gat alaang an' da' gii pasukan Italia, ² kelunaan Saleh alaang takut ha' Tipang, nuti' lim pa' dahin lim kelunaan alaang ha' uma' na', dahion mai kahum sukong ha' kelunaan kelunaan dahin sabayaang peging ha' Tipang. ³ Teguu' do' levi', kira kira jaam ke pitaan do' anaan,hia' nyinaang dahin laan halam ji' hinaang, te' kelunaan malikat Tipang ataang hitii' duaan dahin na', "Kornelius!" ⁴ Au' hiti', hia' nyinaang malikat anaan dahin akuut dahin duaan, "Nun ani',tuan?" dahin, malikat anaan duaan dahin na', "Lim sabayaang ka' dahin lim sukong ka' au' mu'un sebagai peringatan ha' nang Tipang. ⁵ Kere' ni', suhuu' im' kelunaan te' ha' Yope dahin uvi' im' kelunaan alaang araan na' Simon, alaang an' da' uvi' Petrus, ⁶ hia mela'ak dahin kelunaan penyamal belanit alaang araan na' Simon, alaang uma' na' ta' bahe' laot." ⁷ Teguu' malikat alaang duaan dahin na' au' leka', Kornelius muvi' dua' kelunaan pelayan na' dahin ta' haang kelunaan alaang peging melayani keperluan pribadi na', ⁸ dahin au' neraang na' lim ina' pah ha' daha', hia' nyuhu' daha' te' ha' Yope. ⁹ te' na' do' jehima' na', teguu' daha' ha' alaam ano' na' dahin sang jelang kota anaan, Petrus mu'un ha' usun seng uma', nayaan na' sabayaang. ¹⁰ au' hiti', hia' ngasaa lao' dahin sang kumaan, au' hiti' teguu daha' kelunaan kelunaan tengaa' nyidang kumaan,Petrus te' nyinaang gat, ¹¹ au' hiti' hia' nyinaang ha' langit nenga'ap ayaa' dahin nyinaang gat alaang nekelung baluun tayaa' ngileh dahin ngileh aruu' ha' nayaan tukuk na' ataang tanaa'. ¹² te' na' halam na', ter' na' lim tulaar tudak paat, dahin tulaar-tulaar alaang mure' ha' tanaa', dahin manuk-manuk ha' usuun. ¹³ Au' hiti', te' na' gat duaan ha' hia', ''maur im' ,Petrus, nevaak au' hiti' im' kumaan nina'!'' ¹⁴ Au' hiti', petrus duaan, jaan tenangaan. avin akui jaan kala'k kumaan gat alaang an' da' nepang dahin peha'eh.'' ¹⁵ dahin, dahun anaan duaan man hia' nguwa'ak alaang dua' kali na', ''nun alaang im' na' Tipang gii', au' nina' an' plo' gii' gat mam patut.'' ¹⁶ gat terani au' telo' kali, na'.'' dahin tengo' halo' lim daha' muun ha' langit. ¹⁷ Teguu' anaan, jaaru'un Petrus mikir nun arti hinang alaang an' na' nyinaang anaan, tulaa' na' kelunaan-kelunaan alaang an' da' utus man Kornelius tengaa' pelip ha' ino' uma' Simon, tengaa' nekring ha' nang ba' gerbang, ¹⁸ dahin sambel muvi', lim daha' metang laan ka' Simon, alaang an' da' gii' Petrus, mela'ak ha' tinaan. ¹⁹ Jaaru'un Petrus peknap nun ta' hinang anaan, Paran duaan dahin na', ''nyinaang im', te' telo' kelunaan alaang pelip ika'. ²⁰ Biti' au' hiti' ngileh im', te' na' im dahin daha' am' mam persaya kenaan Akui au' ngutus daha'.'' ²¹ Au' hiti', Petrus ngileh ha' kelunaan-kelunaan anaan temoh duaan, ''Nyinang, akui kelunaan alaang im' pelip. Nun alasan ka' ataang ha' hini'.?'' ²² Duaan na' daha', ''Kornelius, kelunaan perwira,kelunaan alaang laan dahin takut ha' Tipang, alaang an' da' jaam sayu barik tebeh kelunaan Yahudi,au' an' da' ingat man daha' malikat kudus huju'ung nyuhu ika' ataang ha' uma' na' dahin huju'ung ngering dahun na'.'' ²³ Petrus muvi' daha' mutaam dahin mai' daha' nayaan ha' tinaan. Ta' do' jima' na', maur na' hia' au' hiti' te' livo'h daha', dahin te' kuri' kelunaan alaang sekenap man Yope te' peji' ngawaan hia'. ²⁴ Te' do' jima' na', daha' mutaam ha' Kaisarea. Kornelius au' mitah daha' dahin au' mehengkung da' hari'in dahin da' bakeh na. ²⁵ Teguu' Petrus mutaam, Kornelius te' ha' hia', au' hiti' belutot ha' tudak Petrus dahin nyembah ta' hia'. ²⁶ tapi, Petrus nulong hia' nekering temoh duaan, ''Nekering im'! akui pun pa' kelunaan biasa lim'.'' ²⁷ Jaaru'un Petrus duaan dahin Kornelius, Petrus mutaam ha' alam dahin nyinaang te' kahum kelunaan melo' pejii. ²⁸ Au' hiti', Petus duaan ha' daha', ''Ika' jaam kekejian hia' ti' ta' ha' kelunaan Yahudi hujung te' hubungan dahin te' pano' ha' kelunaan alaang mam kelunaan Yahudi, tapi Tipang au' nujo' ha' akui kenaan jaan seharus na' akui duaan hi' pun haram dahin najis. ²⁹ hia' ti' ka' sebab na', akui jaan na' nun' teguu' ika' nyuhu akui ataang. kenaan hi' ti, akui metang nun alasan ka' muvi' akui?'' ³⁰ Dahin, duaan na' Kornelius, ''pa'at do' alaang lalo' de'atang kere' ni', te' jaam ke'pitaan, akui tengaa' sabayaang ha' alaam uma' kui', dahin nyinaang im', te' ji' kelunaan nekering ha' nang kui' mete' hakaw alaang mala'ah. ³¹ Au' hia' ti', duaan ni' ha', 'Kornelius, au' an' da' kering na' lim doa ka' dahin lim sukong ka' au' an' da' ingat ha' nang Tipang. ³² kenaan hia' ti', im' suhuu' na' daha' te' ha' Yope dahin im' ake' na' Simon alaang an' da' uvii' Petrus nyuhu' ataang. Hia, tengaa' melaak ha' uma' Simon, kelunaan penyamak belanit, ha' bahe' laot.' ³³ kenaan hia' ti', akui pun temo'oh saring nyuhu kelunaan te' dahim, dahin ika' au' sayu kenaap au' ikaam ataang. Kere' ni', lim ita' pah au' te' ha' ini'k, ha' nang Tipang, juung ngering lim gat alaang au' an' da' suhuu' ta' ika' man Tanangaan.'' ³⁴ Au' hinaan, Petrus ma'ap ba' na' au' hiti' duaan, ''kere' ni', akui au' laan-laan jaam kenaan Tipang jaan nujo' hia' mihak' kelunaan bale. ³⁵ Tapi, ha' tiap-tiap bangsa, lim kelunaan alaang te' akut ha' Hia dahin ikam na' nun alaang laan, sayu ta-Hia. ³⁶ Firman alaang Tipang ai' man kelunaan Israel mai daho' sayu' damai sejahtera lalo' man Jisus Kristus, Hia' na' ka' Tanangaan alaang ha' usun lim gat. ³⁷ Ika' da'ap kalaang jaam peristiwa alaang au' na' ha' lim nayaan Yudea, nahari man Galilea, au' na' baptisan alaang an' Yohanes gii', ³⁸ ika' jaam Jisus, Kelunaan Nazaret, nuno' tun Tipang ngurapi-Hia dahin Ta' Na' Paran au' hiti' dahin kuasa. Hia' te' peleser na' barik sayu' dahin navaah lim kelunaan alaang an' da' tindas man roh ja'ak kenaan Tipang peji' tem'oh dahin Na. ³⁹ Kame' ni' saksi-saksi man lim gat alaang au' an' Jisus na', sayu pa' man nayaan kelunaan Yahudi mau' pa' man Yerusalem. Daha' au' lemate Jisus dahin ngatung-Hia ha' usun kayo' saleb. ⁴⁰ tapi, Tipang meju'-Hia ta' do' alaang ke' telo' dahin nyuhu Hia' petulaa'k diri' na', ⁴¹ jaan ta' ha' lim kelunaan pa'h, tpi' ha' kame', saksi-saksi alaang au' an' da' pili' man Tipang ta' do' alaang lalo' de', alaang kumaan dahin dui' peji'-Hia au' Hia' bangket man ta' haang kelunaan mate' ⁴² Dahin, Hia nyuhu kame' hujung nengaraan ha' lim kelunaan dahin bersaksi dahin laan-laan kenaan Hia na' alaang da' pili' kenaan Tipang jadi Hakim bo' alaang murip dahin alaang mate'. ⁴³ Kurin Hia, lim nabi bersaksi kenaan lim kelunaan alaang persaya' ha' halaam-Na hamaan nerima apon dusa lalo man araan-Na.'' ⁴⁴ Jaaru'un Petrus tengaa' duaan daho'-daho' anaan, Ta' Na' Paran ngileh ha' usun' lim alaang ngering firman anaan. ⁴⁵ Dahin, lim kelunaan persayaa' alaang be'sunaat. ⁴⁶ Kenaan, lim daha' ngering kelunaan-kelunaan anaan duaan halam kuri' daho' dahin memuliakan Tipang. Au' hiti', Petrus duaan, ⁴⁷ ''jaan kah' jaan te' ji' pun alaang hamaan mekaap ata' jung an' da' baptiskkan ha' lim kelunaan alaang au' nerima' Ta' Na' Paran dahin nekelung ita' ani'?'' ⁴⁸ Lalo hia' ti', Petrus nyuhu' daha' ju'ung an' da' baptis na' ha' halaam araan Kristus Jisus. au' hiti', lim kelunaan anaan ake' ju'ung Petrus melaa'k peji' dahin daha' ataang kuri' do'.