¹ Au anaan, lim rasul dahin kelunaan alaang pejii' iman alaang te' ha' Yudea ngering dengah bahwa kelunaan bale kelunaan jaan kelunaan Yahudi au lim nerima firman Tipaang. ² Kenaan hia' teguu' Petrus mu'un ha' Yerusalem, kelunaan-kelunaan alaang besunat pedap pendapat dahin na', ³ dahin duaan " Ika' te ha' kelunaan alaang jaan besunat dahin kumaan dahin daha' ". ⁴ Tapi Petrus nahari' duaan te daha' nunii' kurin na' ⁵ "Teguu' akui sebayaang ha' kuta Yope, dahin halaam jaan kui sadar, akui nyinaang gat kelung balun beraang ngileh ngejuloh dahin paat sudut man langit, lalo gat anaan te ha' jelaang kui. ⁶ Teguu' akui nyinaang ina' sayuu'-sayuu' te' tulaar-tulaar alang hipun paat tudak alang te' ha' tanaa', tular-tular ngemaa', tular-tular alang melata, dahin manuk-manuk ha' udara. ⁷ Ak ngering te' dahun megii' man akui "Bitii' im Petrus, im selih au hia'ti' kanii' im ina'! ⁸ Tapi akui duaan, "Jaan Tipaang. Sebab jaan gat alang haram atau najis kalaa' mutaam halaam baa' kui." ⁹ Tapi dahun anaan nyue hari ke dua man langit, "Nun gat alaang Tipaang gii' tahir, am sekali-kali ika' megii' haram!" ¹⁰ Hal anii' terjadi telo' kali, au hia'naan lim-lim gat anaan an da' hiir ulii' ha' langit. ¹¹ Inaang im, teguu' atii', te' telo' kelunaan alaang da' utus pehinaa' dahik ha' umaa' ngayaan akui te',man Kaisarea. ¹² Lalo Roh megii' man akui jung am ragu-ragu te dahin daha'. Lim daha' naam pejii' iman ani' ne lim dahik lalo kame' mutaam ta umaa' kelunaan anaan. ¹³ Lalo hia' megii' man ame' nuno' hiaa' au nyinaang malaikat nekering ha' halaam umaa' na' lalo duaan, "im nyuhuu' kelunaan the ha' Yope dahin ake Simon alaang da' gii' Petrus ne hinii', ¹⁴ dahin hia' sang megii' pesan te' ika' alaang kenaan pesan anaan ika' sang da' selamatkan, ika' dahin lim-lim kelunaan alang te' ha halaam umaa' ka'." ¹⁵ jii' arun akui neharii duaan, Roh Kudus ngileh haa' husun dahaa',tiyah nekelum alaang terjadi haa' itaa' . ¹⁶ Maka, akui ingat dahin dahun Tenangan, teguu' hiaa' dahoo' "Yohanes membaltis dahin ata', tapi ikaa' sang an da' baptis mete' Roh Kudus". ¹⁷ Jadi, ha' Tanangaan ma'ii karunia alaang piah dahin da' kelunaan alaang parsaya' dahin Tenangaan Jisus Kristus, hii' akui niih Sehingga akui hamaan mam nyuhuu' Tanangaan?" ¹⁸ Teguu' daha' ngering daho' anaan, daha' lalo tenang dahin muji Tenangaan dahin duaan, " Ha' nunaan, Tenangaan au lim ma'i ta kelunaan alaang jaan Yahudi pertobatan alaang te ha urip." ¹⁹ Au anaan, kelunaan alaang purah kenaan penganiayaan alaang terjadi dahin Stefanus, nganaan ataang ta Fenisia, Siprus, dahin Antiokhia, dahin mam pedengah firman Tanangaan ta lim-lim kelunaan kecuali ta daha' kelunan-kelunan Yahudi. ²⁰ Tapi te' beberapa kelunaan man antara daha', hia'tii' kelunaan-kelunaan Siprus dahi Kirene, alaang ataang ha' Antiokhia dahin duaan lim daha' ta kelunaaan-kelunaan Helenis, dahin pedengah Tanangaan Jisus. ²¹ Usuu' Tanangaan pejii' dahin daha', banguu' kelunaan alaaang lalo parsaya' ta Tanangaan. ²² Dengah tentang daha' an da' Jemaat ha' Yerusalem ngering, lalo daha' nyuhuu' Barnabas te ha' Antiokhia. ²³ Teguu' Barnabas ataang, dahin nyinaang kasih karunia Tipaang, hia' lemluu' dahin nevaraa' lim daha' jung daha' tetap setia ta Tanangaan dahin kenap alaang naje'. ²⁴ Kenaan Barnabas atii' kelunaaan sayuu', penuu' dahin Tak'na' Paran dahin iman, ngahum kelunaan alang da' geri ta' Tanangaan. ²⁵ Au hia'naan, Baranabas te ha' Tarsus te ilo Saulus. ²⁶ Teguu' hia' au pehinaa' Saulus, hia' gerri' Saulus te ha' Antiokhia. Ataang jii' dumaan, daha' pehinaa' dahin jemaat dahin ngajar banguu' kelunaan. Dahin ha' Antiokhia, mured-mured naharii' an da' uvii "kelunaan Kristen". ²⁷ Teguu' ndo-do anaan, para nabi ngileh maan Yerusalem ataang ha Antiokhia. ²⁸ Jii' kelunaan man daha' araan na' Agabus, nekering lalo ngeramal kenaan an Roh tulong megii' sang te' kelaparan alaang hibat ha' lim-lim dania. Dahin kelaparan anaan terjadi ha' teguu' pemerintahan Klaudius. ²⁹ Lalo, da' mured kato' sumbangan, sesuai dahin alaang da' hipuun, ta daha' alaang pejii' iman alaang murip ha Yudea. ³⁰ Dahin alaang da' naa', kato' sumbangan anaan ta daha' alaang maan usuu' Barnabas dahin Saulus.