¹ Dahin, Saulus pun menyetujui penelematean Stefanus anaan. Teguu' do' anaan, suatu penganiayaan alaang taya' terjadi terhadap jemaat ha' Yerusalem, dahin daha' paah mure ha' wilayah-wilayah Yudea dahin Samaria, kecuali lim rasul. ² Beberapa kelunaan saleh nguborkan Stefanus dahin ngeataangkan ratapan alaang nunaan aya' ta' hia'. ³ Tapi, Saulus ne usaha ngepueh jemaat dahin mutaam ha' uma' ta' uma'. Hia' mihir lake-lake dahin dooh, lalo mai daha' ta' penjara. ⁴ Lalo, daha' alaang au puraah anaan ngelilen sambel mai daho' Injil. ⁵ Filipus ngileh ta' suatu kuta ha' Samaria dahin mai daho' tentang Kristus. ⁶ Dahin, kelunaan bangu' dahin ji' kenaap nginaang nun alaang Filipus duaan teguu' daha' ngering dahin nginaang tanda-tanda ajaib alaang hia' na'. ⁷ Kenaan, roh-roh ula' musaang man de' kelunaan alaang ga' hia' rasok, sambel pebuka' dahin dahuun naje', dahin ngahum kelunaan maam hamaan pano dahin pincang alaang ga' sembuh. ⁸ Kenaan anaan, te' sukacita taya' ha' kuta anaan. ⁹ Tapi, te' ji' kelunaan lake' araan Simon alaang dare' au na' sihir ha' kuta dahin na' kagum lim kelunaan Samaria, dahin megi' bahwa hia' kelunaan aya'. ¹⁰ Lim kelunaan nahari' man kelunaan paling tu'u' ataang kelunaan alaang paling taya', duaan, "Kelunaan ani' kuasa man Tipang alaang ga' gi' ' Aya' '." ¹¹ Maka, daha' mai perhatian ta' hia' kenaan au dara' hia' au na' daha' takjub dahin ilmu sihir na'. ¹² anaan ngepesaya' Filipus alaang mai daho' Injil tentang Uma' Tipang dahin araan Kristus Jisus, daha' ga' baptes, sayuu' lake' sayuu' dooh. ¹³ Bahkan, Simon daap maam pesaya' dahin au hia' ga' baptes, hia' peging te' ha' jelaang Filipus, dahin teguu' nginaang ngahum mukjizat dahin tanda-tanda ajaib alaang terjadi, hia' jadi takjub. ¹⁴ Teguu' waktu anaan, teguu' rasul-rasul ha' Yerusalem ngering bahwa de' kelunaan Samaria au ngala' firman Tipang, daha' ngutos Petrus dahin Yohanes ta' de' kelunaan tinaan, ¹⁵ alaang ataang dahin sebayaang man daha' alaang ngala' Ta'na' Paraan ¹⁶ Kenaan, Ta'na' Paraan jaan paah ngileh man husuun ji' kelunaan pun man daha', daha' hanya au ga' baptes ha' halaam araan Tenangan Jisus. ¹⁷ Lalo, Petrus dahin Yohanes mete usu' na' ha' husuun daha' dahin daha' ala' Ta'na' Paraan. ¹⁸ Teguu' Simon nginaang bahwa Ta'na' Paraan ga' ai ngelalo pemetean usu' rasul-rasul, Simon ngenawar kelupah ta' rasul-rasul anaan, ¹⁹ dahin duaan, "Mai pun man akui kuasa anaan sebe putuung kelunaan alaang ta' hia' akui ma'oh man usu' kui sang ngala' Ta'na' Paraan." ²⁰ Tapi, Petrus duaan ta' Simon, "Semuga kelupah ka' anaan mate dahin ika' kenaan ika miker ika' hamaan ala' karunia Tipang dahin kelupah! ²¹ Ika maam hipun bagian pun hak halaam gat ani' kenaan kenaap ika' maam tuto ha' naang Tipang. ²² Jadi, betubat nah man jaa' alaang au ika' na' ani' dahin te nah sebayaang ta' Tenangan sebe, ha' hamaan, niat kenaap ka' hamaan ga' ampon ta' ika'. ²³ Kenaan, akui nginaang bahwa ika' ha' halaam empedu alaang pai' dahin halaam jeratan kejahatan." ²⁴ Tapi, Simon nyue dahin duaan, "Sebayaang nah man akui ta' Tipang sebe nun alaang au ika' megi' jaan nuduun akui." ²⁵ Lalo, au Petrus dahin Yohanes ne bersaksi dahin laan-laan dahin duaan firman Tenangan, daha' nekulaah ta' Yerusalem sambel mai daho' ta' ngahum dusun kelunaan Samaria ²⁶ Au anaan, malekat Tenangan duaan ta' Filipus, kuriin hia' "Maur nah dahin te nah ha' Selatan, ta' alaan alaang ngileh man Yerusalem te Gaza. Alaan anaan alaan alaang lengio." ²⁷ Filipus pun biti' dahin leka'. Dahin, Tulaa' nah kelunaan Etiopia man kelunaan pejabat pengadilan Sri Kandake, Ratu Kerajaan Etiopia. Hia' betanggung jawab man paah harta ratu. Hia' au ataang ha' Yerusalem juung sebayaang, ²⁸ dahin tengaah ne laap, sambel melo' ha' halaam kereta na' dahin ngebasa kitab Nabi Yesaya ²⁹ Lalo, Ta'na' duaan ta' Filipus, "Leka dahin ne nim dahin kereta anaan." ³⁰ Lalo, Filipus liung ta' kereta anaan dahin ngering kelunaan anaan tengaah ngebasa kitab Nabi Yesaya. Filipus metaang ta' hia', "Jaamkah tuan nuun alaang tengaah tuan basa?" ³¹ Dahin, kelunaan anaan nyue, "Nuno' akui hamaan, kecuali ji' kelunaan ngebimbing kui?" Lalo, hia' muvi' Filipus juung mu'un dahin melo' dahin hia. ³² Teguu' anaan, bagian man Kitab Suci alaang tengaah hia' basa ani', "Hia' ga' geri' keluung ji' ekor ana' dumba ha' ngayaan penyembelihan, dahin keluung ji' ekor ana' dumba sebelom ga' mutin bulun na' ngeraam ataang hia' maam ma'ap ba'-Na'. ³³ Halaam kehinaan-Na, ketidakadilan ga' api' man-Hia'. Hi alaang hamaan mai daho' keturunan-Na? Kenaan, urip-Na au ga' api' man bumi." ³⁴ Au anaan, sida-sida anaan nyue dahin duaan ta' Filipus, "Akui mohon ta' ika', tentang hi' nabi alaang megi' ani'. tentang hia' daap atau tentang kelunaan bale?" ³⁵ Lalo, Filipus ma'ap ba' hia', dahin nahari' man Kitab Suci ani', hia' bekhotbah tentang Jisus ta' hia'. ³⁶ Dahin, teguu' daha' te nempuh alaan, daha' ataang ha' ngayaan alaang ata' dahin sida-sida anaan duaan, "Nginaang nah, te' ata'! Nun alaang ngalang akui juung ga' baptes?" ³⁷ [Lalo, Filipus duaan, "Ha' tuan pesaya' dahin paah kenap tuan, tuan hamaan." Lalo, hia nyue dahin duaan, "Akui pesaya' bahwa Kristus Jisus ti' Ana' Tipaang."] ³⁸ Au anaan, sida-sida anaan nyuhu' kereta anaan juung berhenti. Dahin, dawa' ngileh ta' ata', Filipus dahin sida-sida anaan, lalo Fillipus ngebaptes na. ³⁹ Au dawa' musaang man ata' Ta'na' Paraan geri' Filipus te, dahin sida-sida anaan jaan nginaang ngua', lalo ngelanjot alaan na dahin bersukacita. ⁴⁰ Tapi, Filipus havuung hia' te' ha' Asdod, dahin teguu' hia' lawat kawasan anaan, hia' mai daho' Injil ta lim kuta ataang hia ataang ha' Kaisare.