¹ Waktu Anak Domba mambuka segel nya katujuh, lalu sunyilah di surga kira-kira satongah jam manahnya. ² Lalu aku maniat katujuh malaikat nya badiri di hadapan Allah, akai sia di konyuai tujuh tarompet. ³ lalu malaikat nya bukai datang, kaping mamigap cangkir parapetan dari omas, inya badiri damping mezbah. Ka inya di konyuai banyak dupa akai inya dapat mempersembahannya sasama agan doa samua urang kudus,di pucu mezbah omas di hadapan takhta inyan. ⁴ Lalu asap dupa sasama agan doa bala urang kudus naik ka Allah dari tangan malaikat. ⁵ Lalu malaikat manguti cangkir parapetan dahan maisinya agan api dari mezbah, lalu inya mambuakannya ka bumi ongka maledaklah uba guntur disarotaai pantar kilat dahan gempa bumi. ⁶ Udah inyan katujuh malaikat nya mamigap tarompet basiap akai maniup tarompet inyan. ⁷ Malaikat nya pertama mambunyian tarompetnya dahan bakajadian hujan es dahan api bacampur darah. Samuanya inyan di buakan ka bumi lalu loburam sepertiga dari bumi dahan sepertiga dari bala kayu dahan hangkuam saluruh bala rumput-rumputan hijau. ⁸ Lalu malaikat nya kadua mambunyian tarompetnya, dahan ada jolu uba gunung bosar nya dicucul api nya di buakan ka dalam laut. Lalu sepertiga dari laut manyadi darah, ⁹ Lalu matiam sepertiga dari sagala binatang nya ada di laut dahan hancuram sepertiga dari samua kapal. ¹⁰ Dahan malaikat nya katiga maniup tarompetnya dahan jatuam sabigi bintang bosar, manyala-nyala uba obor, maningang sepertiga bala sungai dahan sepertiga samua mata arai. ¹¹ Nama bintang inyan tai Apsintus. sepertiga dari samus arai nyadi pahit dahan banyak urang mati obai arai inyan, sobab manyadi pahit. ¹² Malaikat nya kaompat mambunyian tarompetnya dahan tapukulam sepertiga dari mataari dahan sepertiga dari bulan dahan sepertiga dari bala bintang. Uba inyanam sepertiga dari siang dahan sepertiga dari malam ntah ada lagi torang. ¹³ Dahan aku maniat lalu maninga siku burung rajawali tarobang tingi di langit, dahan mancia agan suara homan, "Calaka, calaka, calakaam sia nya diap di bumi nan obai bunyi tarompet nya ija tasisa, nya pacaan di bunyian tiga malaikat nan."