¹ Lalu aku maniat di tanganNya nya duduk di pucuk takhta ada sabuah gulukan buku nya batulisan di hadapan dahan di balikatnya, dahan di matrai agan tujuh metrai. ² Aku maniat jam ada siku malaikat nya gagah mandorah maha homan, "Sopaam nya pantas mambuka gulukan buku ini dahan mambuka bala segelnya?" V 3Ntah ada sikupan di surga ataupan di bumi dahan di babah bumi nya dapat mambuka gulukan buku ini atau mambacanya. ⁴ Lalu aku mandorah nangis obai ntah ada sikupan nya pantas akai mambuka gulukan buku inyan atau mambacanya. ⁵ Tapi salah siku dari bala tuha inyan bapanir ka aku, "Jangan managis, Tiattam! Singa dari suku Yehuda,Tunas Daud, Inya jadi monangam dahan Inya mampu mambuka gulukan buku inyan dan ka tujuh segelnya. ⁶ Di antara takhta dahan kaompat binatang dahan di tongah-tongah bala tuha inyan, kutiat ada Anak Domba tongahan badiri, nya katiatan uba jadi matiam. Inya batanuk tujuh dahan ada tujuh mata - iniam katujuh Roh Allah nya diutus ka saluruh bumi. ⁷ Anak Domba inyan hingkas manguti gulukan buku inyan dari tangan Inya nya duduk di pucu takhta. ⁸ Waktu Inya manguti gulukan buku inyan, kaompat binatang dahan kadua puluh ompat bala tuha inyan sujud manyomah di hadapan Anal Domba inyan. Tiap-tiap sia mamigap kacapi dahan cangkir omas baisi ponuh dupa; inyanam bala doa dari bala urang kudus. ⁹ Sia pan manyanyian lagu baharu, ujainya, "Kolai nam nya pantas mambuka gulungan buku inyan bala metrainya. kolai jadi di samolih dahan agan darah kolai nan, kolai jadi mamboli sia akai Allah dari tiap-tiap suku dahan bahasa dahan umat dahan bangsa. ¹⁰ Kolai sia manyadian sia krajaan dahan bala imam akai malayatai Allah kita, dahan sia pacaan mamarintah di bumi." ¹¹ Pas aku maniat dahan maninga suara banyak malaikat di sakaliling takhta dahan bala binatang dahan bala tuha-tuha. Jumlahnya baratus-ratus ribu dahan bajuta-juta. ¹² Sia mandorah agan suara homan, ujainya, "Pantastam Anak Domba nya jadi tasamolih akai manarima kuasa, kakayaan, hikmat, kakuatan, hormat, kamuliaan, dahan pujian." ¹³ Lalu aku maninga samua binatang ciptaan di surga dahan di bumi dahan di babah bumi dahan di laut---samuanya ada di dalamnya---bapanir, "Akai Inya nya duduk di pucuk takhta dahan akai Anak Domba, inyanam pujian, hormat, kamuliaan, dahan kuasa sampai salama-lamanya." ¹⁴ Lalu kaompat binatang inyan bapanir, Amin!" dahan bala tuha-tuha inyan pan sujud manyomah.