¹ "Tulisantam ka jemaat di Sardis: Iniam firman dari Inya nya katujuh Roh Allah dahan katujuh bintang inyan. Aku tahu ma agan krojaan kolai nan. Kolai nan dikataan hidup, padahal kolai mati. ² Bankittam dahan kuat'an apa nya ija tasisa nya jadi hampir mati nan, obai ntah ada sabutipan pakarojaan kolai nan nya Kutiat sampurna di hadapan AllahKu. ³ Karna inyan, ingat tam apa nya jadi kolai trima dahan dinga. turut'aitam dahan batobattam. Tapi amun kolai ntah bangkit, Aku pacaan datang uba pangolit, dahan ntah kolai tahu samila waktunya Aku datang ka kolai. ⁴ tapi ada babaropa nama urang di Sardis nya tidak mangotorai pakaiannya. Sia pacaan bajalan sasama agan Aku dalam pakaian putih, obai sia pantas akai inyan. ⁵ Sopa nya monang, pacaan konaan pakaian pakaian putih, dahan Aku tidak akan mahapus namanya dari kitab kahidupan, dahan Aku pacaan manyobut namanya di hadapan bapaKu, dahan di hadapan para malaikatNya. ⁶ Sopa baponing, kahonanya maningaan apa nya dipaniran Roh ka bala jemaat." ⁷ "Tulisantam ka malaikay d jemaat di Filadelfia: "Iniam firman dari Inya, Nya Kudus dahan bonar---Inya nya mamigap kunci Daud. Apabila Inya mambuka ntah ada sikupan nya dapat manutupnya, dahan apabila Inya manutup, ntah ada sikupan nya dapat mambukanya. ⁸ Aku tahu ma apa nya kolai krojaan. tiattam, Aku jadi mambukaan kolai pintu nya ntah dapat ditutup sopapan. Aku tahu kakuatan kolai ntahnya bosar, tapi kolai jadi manurutai firmanKu dahan ntah manyangkal namaKu. ⁹ "Tiattam, babaropa dari jemaat Iblis, inyanam sia nya manyobut dirinya urang Yahudi, tapi sabonarnya bukai, dahan ternyata siaan pabulaan. Aku pacaan mamaksa sia sia datang dahan manyomah di hadapan kakimu, akai sia tahu bahwa Aku mangasihai kolai. ¹⁰ Obai kolai jadi nurutai printahKu akai rajin dahan sabar maka Aku pacaan manukkai kolai dari ari pancobaan nya pacaan datang ka saluruh dunia, akai mancubaai sia nya diap di bumi. Aku pacaan copat datang. ¹¹ Pigap trus apanya ada di kolai nan, akai ntah ada sikupan nya marobut mahkota dari kolai. ¹² Sopanya monang pacaan Kujadian tihang di dalam Bait Kudus AllahKu, dahan inya tidak akan kaluar lagi dari dalamnya; dahan ka inya pacaan Kutulisan nama AllahKu, dahan nama dari kota AllahKu [Yerusalem Baru, nya turun dari surga, dari AllahKu] dahan namaKu nya baharu. ¹³ Sopa nya baponing, kahonanya inya maningaan apanya dipaniran Roh ka bala jemaat. ¹⁴ "Tulisantam ka malaikat jemaat di Laodikia: Iniam firman dari Amin, Saksi nya setia dahan bonar, Panguasa dari saluruh ciptaan Allah. ¹⁵ Aku tahu ma pakarojaan kolai nan, kolai nan ntah colap dahan ntah hangat. Aku sabonarnya baharap kolai colap atau hangat! ¹⁶ Tapi obai kolai hangat-hangat kuku---ntah colap dahan ntah hangat---Aku pacaan mamutahan kolai dari nyawaKu. ¹⁷ Obai kolai bapanir: Aku kaya dahan aku ada banyak harota benda, dahan aku ntah kakurakkan apa-apa," tapi kolai ntah tahu sabonarnya maha malang, patut dikasihai,jara, buta dahan talanyang, ¹⁸ Karna inyan Aku manasihatai, akai kolai mamboli omas dariKu nya jadi dimurnian agan api,akai kolai nyadi kaya, dahan mamakai pakaian putih nya kelap-kelip jam, akai jangan katiatan katalanyakkan kolai nya mamaluan, dahan mamboli jam salap palumas mata, akai kolai dapat maniat. ¹⁹ Aku malatih samua urang nya Aku kasihai, dahan mangajar sia ubaapa saharusnya manjalatai hidup. Karna inyan bonar-bonartam dahan batobattam. ²⁰ Tiattam, Aku badiri di muka pintu dahan mangetuk. Amun ada urang nya maninga suaraKu dahan mambukaan pintu, Aku mansu ka dalam rumahnya dahan makan sasama agan inya, dahan inya agan Aku ²¹ Sopa nya monang, pacaan Kukonyuai hak akai duduk sasama agan Aku di pucu tahtaKu, uba Aku jam nya jadi monang dahan duduk sasama BapaKu di pucu tahtaNya. ²² Sopa nya baponing,kahonanya maningaan apa nya dipaniran Roh ka bala jemaat.