¹ Habis inyan, aku mandinga suara homan uba gromolan bosar urang di surga bapanir, "Haleluya. kaslamatan, kamuliaan, dahan kakuasaan umpu Allah kita. ² Obai panghakipan-Nya bonar dan adil, Inya mangadilai palacur bosar nya jadi marusak bumi agan kebejatannya. Dahan inya nya jadi mambalasan darah bala hamba-Nya ka palacur nya jadi manumpahannya. ³ Akai kadua kalinya, sia bapanir, "Haleluya! asap palacur inyan jadi naik sampai salama-lamanya." ⁴ Lalu, kadua puluh ompat bala tuha dahan kaompat binatang inyan sujud marendahan diri dahan menyomah Allah, nya duduk di pucu takhta. sia bapanir, "Amin. Haleluya!" ⁵ Udahan tadinga suara dari takhta inyan, "Puji tam Tuhan kita, oy kolai samua nya malayatai-Nya, baik nya kocit atau pan nya bosar, nya manghormatai Inya." ⁶ Lalu, aku mandinga suara uba gromolan urang banyak, uba bunyi arai bah, dahan uba bunyi guruh, bapanir, "Haleluya! obai Tuhan Mahakuasa,Allah nya maatur bala jolu. ⁷ Tam kita basukacita dahan rinang tatawa, dahan mamuliaan-Nya obai hari perkawinan Anak Domba datakam dahan pangantin batinya-Nya siap am. ⁸ Pakai inya nya jadi dikonyuai pakaian darikain lenan halus nya barosih dahan kelap kelip akai dipakai" obai kain lenan inyan nan kalakuan bonar nya dilabuhan bala urang kudus-Nya. ⁹ Lalu, malaikat inyan bapanir gan aku, "Tulis tam ini: Berbahagia tam sia nya dihunak ka jamuan perkawinan Anak Domba." Dahan inya bapanir lagi gan aku, "Iniam panir nya bonar dari Allah." ¹⁰ Lalu, aku sujud di kakinya lalu manyomah, tapi inya bapanir ka aku, "Jangan labuhan inyan, obai aku ni hamba jam,uba kolai dahan bala samadikan kolai nan,nya mamigap kasaksian mangonaai Yesus. Somah tam Allah nan, obai kasaksian mangonaai Yesus inyani roh nubuat." ¹¹ Udahan aku maniat surga tabuka lalu muncul siku kuda putih. Inya manungangnya banama Nya Setia dahan Nya Bonar. Dahan Inya mahakipai agan adil dahan tulak baprang. ¹² Mata-Nya uba nyala api dahan dikapala-Nya ada mahkota. Inya tatulis nama, nya ntah dikatahuai sopapan kacuali diri-Nya siku. ¹³ Inya mamakai jubah nya duculupan dalam darah, dahan nama-Nya ni Firman Allah. ¹⁴ Samua pasukan di surga mogi'ai Inya manungang kuda putih dahan bapakaian kain lenan halus putih barosih. ¹⁵ Dari nyawanya kaluar sabilah manau nya tajam, nya mamukul samua bangsa dahan Inya pacaan manyuruh sia agan gada bosi. Inya maninyak pangilikan angur garigitan murka Allah,Panghuasa bala jolu. ¹⁶ Inya manulis nama di jubahNya dahan di pahaNya ada jubah dan paha-Nya nya tatulis ini: "Raja di atas sagala Raja dahan Tuhan di atas sagala Tuhan." ¹⁷ Lalu aku maniat siku malaikat badirin di dalam matahari. Inya bapanir maha homan ka samua bala burung tarobang di pucu, "Ayu kumpul koni tam akai jumpat dalam jamuan bosar Allah. ¹⁸ Ayu makan tam samua daging samua raja, dahan daging samua panglima dahan daging samua pahlawan dahan daging samua pahlawan dahan daging samua kuda dahan daging samua panungangnya dahan daging samua urang, baik nya merdeka ataupan hamba, baik nya kocit ataupan nya bosar," ¹⁹ Lalu, aku maniat binatang inyan dahan bala raja di bumi agan pasukan tantara bakumpul akai baprang malawan Panungang kuda dahan malawan pasukan-Nya. ²⁰ Maka, binatang inyan tatangkap am binatang inyan sasama agan inya nabi palsu, nya jadi manjawat bala tana ajaib di hadapan sia, nya ahirnya manyosatan sia nya manarima tana binatang inyan dahan sia jadi menyomah patungnya. Sia samua ditibaran hidup-hidup ka dalam lautan api nya manyala-nyala agan balerang. ²¹ Dahan, sisanya dibunuh agan manau nya kaluar dari nyawa panungang kuda inyan, dahan samua burung konyang makan daging sia tai.