¹ Siku dari katujuh malaikat nya mamigap tujuh cangkir inyan datang dahan bapanir ka aku, "Koniam, akai ku tunyuan ka kolai hukupan akai palacur bosar nya duduk di pucu tompat nya banyak arainya nan, ² agan inya bala raja di bumi bazinah dahan sia diap di bumi nyadi mabuk lanta anggur pazinahan tai." ³ Lalu malaikat inyan mambabaku di dalam roh ka padang gurun, di sian aku maniat siku batina tongahan duduk di pucu siku binatang bawarna ungu ponuh agan bala nama hujat. Binatang inyan ada tujuh kapala dahan sapuluh tanuk. ⁴ Batina inyan mamakai pakaian berwarna ungu kirmizi nya bahiasan omas, bala batu permata dahan mutiara. Inya mamigap cangkir omas nya ponuh agan sagala kekejian dahan kenajisan perzinahanya. ⁵ Di koningnya ada tatulis satu nama, nya ada arti rahasianya: "BABEL BOSAR, UMA DARI BALA BATINA PALACUR DAHAN SAGALA KAKEJAMAN BUMI." ⁶ Lalu aku maniat batina inyan mabuk obai darah bala urang kudus dahan obai darah bala saksi Yesus. sampai aku maha heran maniatnya. ⁷ Lalu, ujai malaikat agan aku, "Maapa kolai heran? Aku pacaan mamadahannya ka kolai ma rahasia batina inyan nan dahan rahasia binatang nya ditungakainya nan bakapala tujuh dahan batanuk sapuluh nan. ⁸ Adapan binatang nya kolai tiat inyan, nya kala ada,lalu mahilakan lagi, tapi inya pacan muncul dari jurang nya ntah tahu baropa dalamnya, dahan inya pacaan binasa. Sia nya diap di bumi, inyanam sia nya ntah tacatat namanya dalam kitab kehidupan dari samula dunia diciptaan sia pacaan heran amun maniat bahwa binatang inyan holuan tai ada, tapi inini mahilakan, dahan pacaan muncul lagi. ⁹ Akai jolu uba iniam perlu baakal nya manganung hikmat. Katujuh kapala inyanam tujuh gunung nya di pucunya diduduai batina inyan. ¹⁰ Tujuh kapala inyan jam tujuh raja. Lima di antaranya jadi jatuam, nya siku ija ada, dahan nya bukai bolum datang, lalu amun inya datang, inya pacaan diap satogalma. ¹¹ Binatang nya holuan kala ada, dahan inini mahilakan inyan, inya siku inyanam raja kadalapan, inyanan tamansu siku dari katujuh raja inyan tai dahan inya pacaan binasa. ¹² Kasapuluh tanuk nya jadi kolai tiat inyanan sapuluh raja nya bolum mulai mamarintah, tapi sejam lagi sia pacaan manarima kakuasaan sabagai raja, sasama agan binatang inyan. ¹³ Sia sapakat, dalam mandukung kakuatan dahan kakuasaan sia akai binatang inyan. ¹⁴ Sia pacaan baprang malawan Anak Domba, tapi Anak Domba pacaan mangalahan sia, obai Inya nan Tuhan di pucu sagala Tuhan dahan Raja di pucu sagala raja dahan sia nya sasama agan Inya inyanam sia nya ditingkau, tapilih dahan nya setia nan. ¹⁵ Lalu malaikat bapanir gan aku, "Samua arai nya jadi kolai tiat tai, pas di tompat batina palacur inyan duduk nan, inyanam umat dahan urang banyak dahan bala bangsa dahan bahasa tai. ¹⁶ Kasapuluh tanuk nya jadi kolai tiat tai dahan ongka binatang inyan pacaan mambonci si palacur inyan. Sia pacaan manjawatnya kasepian dahan talanyang, lalu pacaan mamakan dagingnya dahan mancuculnya agan api. ¹⁷ obai, Allah jadi manyimpan kahona ka dalam hati sia akai malabuhan kahona-Nya lalu sapakat sia mangonyu kakuasaan sia ka binatang inyan sampai samua firman Allah digenapai. ¹⁸ Batina nya jadi kolai tiat inyan ni inyanam kota bosar nya mamarintah bala raja dibumi."