¹ HOTBAH YESUS MANGONA'AI AHIR ZAMAN Bait Allah Paca'an Dirobahan 1Lalu, pas Yesus maningalan Bait Allah, salah siku murid-Nya bapanir ka-Inya, ''Guru, tiat ba maha sega, bala batu agan bala rumah nan!'' ² Dahan Yesus manjawab, ''Jadi kolai nan maniat bala bangunan nya sega ini?" Tidak ada sabigi batu pan nya ija tasusun di pucu batu bukainya nya tidak di robahan''. ³ Dahan, samantara Yesus duduk di pucuk Bukit Zaitun nya mahadap ka Bait Allah, Petrus, dahan Yakobus, dahan Yohanes, dahan Andreas batanya ka Yesus, ⁴ "Boritahu kami ba,samila bal hal inyan paca'an bakajadian,dahan apa nya paca'an jadi tana amun samua inyan paca'an tonga?" ⁵ Lalu Yesus mulai bapanir ka sia, "Mamaik'an tam akai ntah ada urang nya manyosat'an kolai. ⁶ Banyak urang nya paca'an datang dalam nama-Ku, dahan bapanir, 'Akulah Inya. Lalu, sia paca'an manyosat'an banyak urang. ⁷ Waktu kolai maninga mangonaai batompur agan bala brita tompur, jangan gola. Hal ini harus bakajadian,tapi akhir dari samua inyan bolum bakajadian. ⁸ sobab, bangsa pacaan angkat malawan bangsa dahan krajaan malawan krajaan. Paca'an bakajadian gempa bumi di muna-muna; Paca'an ada kalaparan, Ini am asal dari asa podih malahiran. ⁹ Tapi, jaga tam diri kolai. Sobab, siak paca'an manyorahan kolai ka pangadilan, dahan kolai paca'an di pukulai di bala sinagoge dahan kolai paca'an badiri di hadapan Sanhedrin dahan bala raja karna Aku, akai kasaksian bagi sia. ¹⁰ Dahan, Injil harus lobih holu di brita'an ka samua bangsa. ¹¹ Dahan, waktu sia mambaba dahan manyorahan kolai jangan kuatir holu agan apa nya harus kolai paniran, tapi paniran ja apapan nya di karuniaan ka kolai waktu inyan obai bilanya kolai nya bapanir tapi roh kudus. ¹² Dahan, samadikan paca'an manyorahan samadikannya ka kamatian dahan bapa ka anaknya. Bala biak paca'an angkat malawan urang tuhanya dahan mambunuh sia. ¹³ Dahan, kolai paca'an dibonci samua urang lobai nama-Ku. Tapi, urang nya totap batahan sampai akhir paca'an disalamat'an.'' ¹⁴ "Tapi, pas sia maniat pambinasa kejam, badiri di tompat nya tidak saharusnya (bala pambaca kahonanya mangarorti), sia nya ada di Yudea harus lari ka pagunungan. ¹⁵ Urang nya ada di bubukan rumah jangan turun atau mansu ka dalam rumah akai mangaluaran apapan dalam rumahnya. ¹⁶ Dahan,urang nya ada di huma jangan babalik akai mangutik jubahnya. ¹⁷ Calakatiam sia nya tongahan buntikan dahan sia nya tongahan manyusu'ai bala bayinya hari inyan. ¹⁸ Badoa ja akai bala hal ini ntah bakajadian pas musim colap. ¹⁹ Sobab, di hari inyan paca'an bakajadian waktu pandritaan nya bosar nya bolum kala bakajadian dari awal penciptaan, nya Tuhan ciptaan sampai iniam, dahan ntah kala bakajadian udi. ²⁰ Dahan, amun Tuhan ntah mampasingkat bala hari inyan, bila ada siku pan urang nya disalamat'an. Tapi, demi nya di pilih, nya jadi Inya pilih, Inya mampasingkat bala hari inyan. ²¹ Lalu, amun ada urang nya bapanir ka kolai, 'Tiat, Kristus ada di sini! Atau, 'Tiat, Inya ada di sian!' Jangan percaya. ²² Sobab, bala mesias palsu dahan bala nabi palsu paca'an bangkit dahan manunyu'an bala tana dahan bala kaajaiban akai manyosat'an, ongka ulih, bahkan bala urang pilihan, ²³ siap-siap tam! Aku udah mamaniran samua ini ka kolay sabolumnya. ²⁴ Tapi, di bala hari inyan, habis kajadian masa pandritaan bosar, 'Matahari paca'an nyadi potang, dahan bulan ntahnya basinar. ²⁵ Bala bintang paca'an jatu dari langit, dahan bala kuasa di langit, paca'an di guncang.'" Kadatakan Anak Mansia ²⁶ ''Jadi inyan, sia paca'an maniat Anak Mansia datang dalam bala awan dengan kuasa dahan kamuliaan nya bosar. ²⁷ Lalu, Inya paca'an mautus bala malaikat dahan mangumpulan nya di pilih dari kaompat arah mata angin, dari hujung bumi sampai ka hujung langit. ²⁸ ''Balajar tam dari parumpamaan buah ara: Pas bala dahannya batunas am dahan bala daunnya kaluar, maka kolai tahu am musim kamarau dampikam. ²⁹ Uba inyan jam agan kolai, amun kolai maniat bala hal ini bakajadian, katahu'ai tam bahwa Inya dampikam, di samang pintu am. ³⁰ Aku mangataan nya sabonarnya ka hunin, generasi ini tidak akan kalalu'an berlalu sampai samua ini bakajadian. ³¹ Langit agan bumi paca'an kalalu'an, tapi Firman-Ku tidak akan pernah kalalu'an.'' Waspada dahan Bajaga-Jaga Tam ³² ''Tapi, mangona'ai hari atau jam nya,tidak ada siku pan nya tahu,ntah jam bala malaikat di surga, bahkan ntah jam Anak, ongkah Bapa am. ³³ Siap-siap tam, bajaga-jaga tam. Obai, kolai ntah tahu samila waktunya datang. ³⁴ Hal ini uba urang dalam pajalatan. Pas, inya maningalan rumah dahan bamanat ka bala palayannya, agan gawiannya masing-masing, dahan manyuruh panjaga pintu akai totap bajaga-jaga. ³⁵ Sobab inyan, bajaga-jaga tam obai kolai ntah tahu samila urang umpu rumah datang, babah hari, tongah malam, atau, dinihari atau sunsung kabut, ³⁶ Jangan sampai inya mandadak datang dahan nomuai kolai tongahan tiu. ³⁷ Apa nya Ku paniran ka kolai ini, Aku paniran ka samua urang: 'Bajaga-jaga tam!'''