¹ Akai alasan iniam, aku, Paulus, dipanyara obai Yesus Kristus demi kolai, bala urang kafir. ² Kolai pasti jadi mandinga hal tugas panatalayatan anugerah Allah nya dikonyu ka aku akai kolai, ³ obai agan pernyataan, rahasia inyan dipadahan ka aku uba nya jadi kutulis sacara singkat sabolumnya. ⁴ Pas mambaca ini, kolai dapat mamahapai pangarotianku mangonaai rahasia Kristus, ⁵ yang ntah dipadahan ka bala urang dari generasi bukai, tapi inini dinyataan ka bala Rasul dan bala nabi-Nya nya kudus oleh Roh Kudus, ⁶ Rahasia inyan ni bahwa malaluai injil bala urang kafir nyadi sasama ahli waris, sasama anggota dari satu tubuh, dahan sasama manguti bagian dari janyi dalam Yesus Kristus. ⁷ Aku nyadi palayan Injil sasuai agan karunia dari anugerah Allah, nya dikonyu ka aku manurut pakarojaan kuasa-Nya. ⁸ Agan aku, nya paling hina di antara samua bala urang kudus, anugerah ini dikonyu akai mambritaan ka bala urang kafir kakayaan Kristus nya ntah tasolapai, ⁹ dahan mambaba torang ka satiap urang mangonaai rahasia nya ditapu'an samanah baabad-abad dalam Allah, nya manciptaan bala jolu. ¹⁰ Agan uba inyan, malaluai Jemaat, bamacam hikmat Allah inini dipadahan agan bala pamarintah dahan panguasa di tompat surgawi. ¹¹ Ini sasuai agan rancana kekal nya dinyataan dalam Yesus Kristus, Tuhan kita, ¹² yang dalam Inya, kita dapat kabranian dahan jalan mansu ka Allah dengan percaya obai kasetiaan Kristus. ¹³ Obai inyan, aku mohon agan kolai akai jangan putus asa maniat pandaritaan nya kuhadapai demi kolai. pandritaan inyan nam kamuliaan kolai. ¹⁴ Akai alasan iniam, aku tunuk di hadapan Bapa. ¹⁵ Dari Inya nam. satiap kaluarga di surga dahan di bumi manarima namanya. ¹⁶ Aku badoa akai sasuai agan kakayaan, kamuliaan-Nya, Inya berkenan mangaruniaan ka hunin kakuatan di dalam batin kolai, agan kuasa malaluai Roh-Nya, ¹⁷ Akai Kristus berkenan diap di dalam hati kolai malaluai iman akai kolai baakar dahan badasar dalam kasih, ¹⁸ dahan akai kolai sasama samua agan urang kudus dapat mangaroti maha luar, dahan panyang, dahan tingi dahan dalamnya Kasih Kristus. ¹⁹ Agan uba inyan, kolai dapat mangenal kasih Kristus nya malampauai pangatahuan sampai kolai diponuhai agan samua kaponuhan Allah. ²⁰ Bagi Inya, nya ulih malabuhan jauh lobih malimpah daripada samua nya kita minta atau pikiran, sasuai agan kuasa nya bagawi di dalam kita. ²¹ Bagi Inya am kamuliaan dalam jamaat dahan dalam Yesus Kristus akai samua generasi sampai salama-lamanya. Amin.