¹ Waktu salah siku dari kolai ada pasalisihan agan urang bukai, barani ntah inya hingkas akai mangoyap kaadilan di hadapan bala urang nya ntah bonar dahan bukainya di hadapan bala urang kudus? ² Tahu ntah kolai bahwa bala urang kudus pacaan mahakipai dunia? Amun dunia kolai dihakipai, layak ntah kolai akai maadilai bala pakara nya paling kocit? ³ Ntah kolai tahu bi bahwa kita pacaan mahakipai maadilai para malaikat? Apa lagi baya bala pakara biasa sari-ari! ⁴ Jadi, amun kolai mahadapai bala pakara biasa uba inyan, maapa kolai mambabanya ka sia nya ntah mamperhitukan dalam jemaat? Aku mangataan ini akai kolai malu. Ntah ada bi siku pan di antara kolai nya bijaksana, nya mampu maurus bala pakara di antara bala samadikannya? ⁶ Malahan, antara samadikan agan samadikan hingkat mangoyap kaadilan di hadapan bala urang nya tidak percaya! ⁷ Sabonarnya, manyadi kagagalan kolai obai kolai ada bala pakara hukum di tongah kolai. Maapa kolai ntah lobih sonang disalahan? Maapa kolai ntah lobih lobih sonang dirugian? ⁸ Sabaliknya, kolai siku basalah dahan marugian. Bahakan, kolai malabuhannya ka bala samadikan kolai. ⁹ Ntah kolai tahu bi bahwa urang nya ntah bonar tidak akan mawarisai krajaan Allah? Jangan sosat! Bala urang cabul, bala panyomah berhala, bala urang nya bazinah, bancir, bala homoseksual, ¹⁰ bala pangolit, bala urang nya sarakah, bala pamabuk, bala tukang fitnah, dahan bala panipu, sia samua tidak akan mawarisai krajaan Allah. ¹¹ Babaropa dari kolai pan uba inyan jam. Tapi, kolai jadi dibarosihai, jadi dikudusan, dahan jadi dibonaran dalam nama Tuhan Yesus Kristus dahan dalam Roh Allah kita. ¹² Bala jolu diizitan akai aku, tapi ntah samua baguna. memang samua jolu diizitan akai aku, tapi tapi aku ntah hona diperhamba apa pan. ¹³ Makatan akai porut, dahan porut akai makatan, tapi Allah pacaan mambanasaan kadua-daunya. Tubuh bukain nya akai perzinahan, tapi akai Tuhan, dahan Tuhan akai Tubuh. ¹⁴ Allah mambangkitan Tuhan dahan pacaan mambangkitan kita jam agan kuasaNya. ¹⁵ Bilanya kolai ntah tahu bahwa tubuh kolai inyanan bala anggota Kristus? Mungkin bi aku pacaan manguti bala anggota Kristus dahan manyadian sia bala anggota palacur? Sama sakali tidak! ¹⁶ Ntah kolai tahu bi bahwa urang nya mangobatan dirinya ka palacur nyadi satu tubuh agannya? Sobab, Inya bapanir, "Kaduanya pacaan nyadi satu daging." ¹⁷ TapiUrang nya mangobatan diri agan Tuhan manyadi satu roh aganNya. ¹⁸ Palaukan tam perzinahan! Satiap dosa bukai nya siku urang labuhan inyanan di luar tubunya, tapi urang nya bazinah, badosa agan tubuhnya siku. ¹⁹ Ntah kolai tahu bi bahwa tubuh kolai nan Bait Roh Kudus, nya ada di dalam kolai, nya kolai trima dari Allah, dahan bahwa diri kolai bilanya umpu kolai siku? ²⁰ Sobab, kolai jadi di tobus agan roga lunas. Karna inyan, muliaan tam Allah agan tubuh kolai nan!