¹ Memang jadi dilaporan bahwa ada perzinahan di antara kolai, perzinahan nya bahkan ntah ada di antara bala bangsa bukai, inyaam ada urang manguti bini bapanya. ² Dahan , kolai somong! Tidak bi sabonarnya kolai justru sedih akai urang nya malabuhan perbuatan ini di singkiran dari tongah kolai. ³ Memang, sacara jasmani aku jauh, tapi aku hadir dalam roh. dahan, aku jadi manjatu'an hukupan ka urang nya malabuhan jolu inyan, saolah-olah aku hadir. ⁴ Dalam nama Tuhan Yesus, waktu kolai bakumpul, dahan aku sasama agan kolai dalam roh agan kuasa Tuhan kita, Yesus Kristus, ⁵ aku jadi mamutusan akai manyorahan urang ini agan iblis akai kabanasaan dagingnya akai rohnya ulih disalamatan di ari Tuhan. ⁶ Kasomokan kolai inyan tidak baik. Ntah tahu bi kolai bahwa sadikit ragi ja pacaan maragiai samua adonan? ⁷ Brosihai tam samua ragi nya manah akai kolai nyadi adonan baharu, obai memang kolai ntah baragi, Sobab, Kristus, Domba Paskah kita, jadi disamolih. ⁸ karna inyan, ayuam kita marayaan pesta inyan, bukainya agan ragi nya manah, bukainya agan ragi kaburukan dahan kajahatan, tapi agan rati ntah baragi dari kamurnian dahan kabonaran. ⁹ Aku manulis ka kolai dalam suratku: Jangan bakawal agan bala urang cabul. ¹⁰ Maksudku, bukainya agan bala urang cabul di dunia ini, bala urang serakah, bala panipu, atau agan bala panyomah berhala. Amun uba inyan, kolai harus kaluar dari dunia ini. ¹¹ Tapi, inini aku manulisan ka kolai, jangan bakawal agan bala urang nya disobut samadikan amun inya inyanan urang cabul, sarakah, panyomah berhala, tukang fitnah, pamabuk, atau panipu. Bahkan, jangan makan agan urang nya uba inyan. ¹² Sobab, apa urusanku mahakipai bala urang luar? Tapi kolai mahakipai sia nya ada dalam jemaat? ¹³ Dahan, Allah nya mahakipai sia nya di luar jemaat. Karna inyan, usir tam urang nya malabuhan kajahatan di tongah kolai.