¹ Pedak, pemesai kasih te dekarunia ke Ya ngau kita, sampai kita depadah anak-anak Allah, jung ke kita sik anak Allah. Empadai denia ndai ngelala kita, denia ndai ngelala Ya. ² Bala menyadik te kukasih, pituk kita anak-anak Allah, tapi pan nyata tipa kita page lusak, tapi kita ketau antik Kristus madah kedirek, kita sama ngau Ya (Allah), empadai kitak medak Ia (Allah) dalam keadaan Ya te sebenar. ³ Tiap urang te naruh aarapan ngau Ya, nyuci kedirik upa Ya suci. ⁴ Setiap urang te mulah dusa, ngelangar ugak ukum Allah, empadai dosa yak pelangaran ukum Allah. ⁵ Kitak ketau, Ya dah madah ke direk Ya, isak Ya ngapus semua dosa, ngau alam Ya ndai sik dosa. ⁶ Maka urang te tetap nugau alam Ya, ndai mulah dosa agik; setiap urang te mulah dosa, ndai medak ngau ngelala Ya. ⁷ Anak-anakku, nang kitak ngisak ke urang nyesat ke kitak. Barangsapa te mulah te benar adalah benar, upa Kristus adalah benar; ⁸ barangsapa mulah dosa, berasal re Iblis, empadai Iblis te mulah te jaik re peruba. Nyak mek nyuruh Anak Allah madah ke direk Ya, isak Ya ngemenasa pempulah-pempulah Iblis yak. ⁹ Setiap urang te lahir re Allah, ndai mulah dosa agik; empadai benih ilahi tetap bisik alam ya, ngau ya ndai tau mulah dosa, empadai ya laahir re Allah. ¹⁰ Tuk kecelik anak-anak Allah ngau anak-anak Iblis: setiap urang te ndai mulah kebenaran, ndai berasal re Allah, piyak ugak tik urang ndai ngasih menyadik ya. ¹¹ Tuk mek berita te dah kitak dinga mulai re subak, kita kalah kasih ke pangan; ¹² bukai upa Kain te berasal re utai te jaik te munuh adek ya. Nama sebab ya munuh? Empadai semua pempulah ya jaik, pempulah adek ya benar. ¹³ Nang kitak iran, bala menyadik, antik denia bencik ngau kitak. ¹⁴ Kitak ketau, kita dah pinah ralam maut kalam idup, empadai kita ngasih menyadik kita. Barangsapa ndai ngasih, ya tetap alam maut. ¹⁵ Setiap urang te bencik ngau menyadik ya, Ya pemunuh mensia. Kitak ketau, ndai sik surang pemunuh empu idup te kekal alam dirik ya. ¹⁶ Upa yak mek kita ketau kasih Kristus, Ya dah nyerah ke nyawa Ya untuk kita; jadi kita sik kalah nyerah ke nyawa kita untuk menyadik-menyadik kita. ¹⁷ Barangsapa te idup bisik tapi medak menyadik ya merinsak, nutup pintu ati teradap menyadik ya, tipa kasih Allah kak tetap nugau alam ati ya? ¹⁸ Anak-anakku, buh kita ngasih, bukai cuma ngau anai, ngau dilah na, tapi ngau pempulah alam kebenaran. ¹⁹ Upa yak mek kita ketau, kita berasal re kebenaran. Piyak ugak kita tau nenang ke ati kita dadap Allah, ²⁰ antik kita desangkak, Allah lebih besai re ati kita ngau ketau semua hal. ²¹ Bala menyadik te kukasih, antik ati kita ndai nyangkak kita, maka kita bisik pemerani pecayak untuk minik Allah, ²² ngau nama-nama te kita mintak, kita bulih re Ya, empadai kita nunak semua perintah Ya, ngau ngerja ke te bekenan demata Ya. ²³ Tuk perintah Ya: kita pecayak ke Yesus Kristus anak Ya, ngau kita kalah ngasih pangan, sesuai ngau perintah te deberik ke Kristus ngau kita. ²⁴ Barangsapa nunak semua perintah Ya, ya nugau alam Allah, ngau Allah alam ya. Piyak mek kita ketau, kalau Allah bisik alam kita, yak Roh te udah Ya karunia ke ngau kita.