¹ Dah yak, Yesus angkat ari yak datai ke kota asal ia, Murid-murid tamai ia. ² Datai kai ari sabat, Yesus mulai ngjar de Sinagoge. Banyak orang temengangak (takjub) sidak betutur reni ia bulih pemitar (hikmat) semua yak reni ia bulik eak, nama te nyaruh te di pulah ngau jari ia? ³ Ia tukang kaya gelek, anak maria, Menyadik Yakobus, Yoses, Yudas, Simon ? Pedak menyadek-menyadek ia te enduk-enduk biset diak. ⁴ Yesus betutur ngau sidak, Dini-dini orang geromat nabi-nabi di kapung ia di betugal menyadek ia sidak sebilik yak pun nadai gerumas ia. ⁵ Tuhan Yesus nadai tau Gereja ke tubah nyaruh (Mukjizat diak, kalah ia ngeletak ke jari datau orang te pedeh ek muas ke sidak. ⁶ Yesus nyaruh medak ke sidak te nadaai pecayak medak bekiak Yesus bejalai kai kapung-kapung ngajar. ⁷ Udah yak Yesus ngumbai sidak dua belas murid ia mulai nyuruh sidak dua-dua orang, Ia merik sidak kuasa ngau galah ke roh-roh jaik. ⁸ Udah yak ia nyayau ke sidak anang ngemaik nama-nama dapajalai sidak, ate tauk debaik tukat, nadai tauk ngemaik bekal, ikal ipang duit mpit dalam blulang sidak, ⁹ Ngau kasut, ngaui baju da tubuh na. ¹⁰ Yesus betutur ngau sidak, dini kita tama kerumah orang , nugau diyak sampai kita pulai riyak. ¹¹ Kalai urang mpu rumah nadai nerimak kitak, arai tepas kaki kitak, saat kitak akat ari rumah yak tepas repas di tapak kaki kitak, jadi sutik kesaksian ngau sidak. ¹² Dah yak sidak angkat madah kai semua mensia kalah bertobat. ¹³ Sidak muru bajak tah setan belis, gulai bajak urang pedih ngau miyak, ngau muas kei sidak ¹⁴ Raja Herodes udah ninga, Nama Yesus udah tekenal, Orang madah Yohanes pembaptis idup agik de tengah orang mati, yak te nyuruh ia tauk ngereja kai nama ati nadai alah orang lain kerja kai. ¹⁵ Besik timadah ia amang Elia "Ati lain madah ia amang salah sikuk ri nabi meliak. ¹⁶ Setelah Herodes ninga berita yak, Ia madah Yohanes, ati udah aku tetak kepala ia, idup agik. ¹⁷ Herodes kedirik yak nyuruh orang, ate nakap Yohanes, masung dalam panis oleh Herodias, bini menyadik laki-laki ia Filipus, medak Herodes udah nikahi Herodias. ¹⁸ Medak bekiyak Yohanes berkalik-kalik (gulik) madah Herodes nadai baik ikau ngamik bini menyadik dirik ¹⁹ Mpadai yak Herodes pedih ati ngau Yohanes, kak munuh ia, tapi nadai tauk. ²⁰ Tapi Herodes takut medak Yohanes, ia ketauk Yohanes orang baik, orang suci, Yak nyuruh Herodes gelindung ia, watu Herodes niga ke Yohanes, ia jadi ncunung (Bingung) tapi Herodes gaga niga ke Yohanes. ²¹ Waktu ulang tahun Herodes, ia keramai ia merik makai pejbat-pejabat tingi pewira-periwa ia, dan pemimpin-pemimpin Galilea. ²² Anak dara Herodias masuk, ia nari, tari ia nyuruh hati Herodes ngau orang diak gaga, raja betutu ngau nemiak daral yak, nama te kedekak ikau , nama atekau pintak aku beri ngau ikau. ²³ Herodes besumpak ngau indukk dara yak, nama ate ikau pinta ngau aku, aku berik ngau ikau sepiak kerajaan aku tuk, aku berik ngau ikau. ²⁴ Induk dara yak nanyak inday iya, aku minta nama ? indai ia madah kepada Yohanes pembaptis. ²⁵ Begesak bandak, induk dara yak datai gusung raja, ia mada. "aku kak kepalak Yohanes pembaptis datau baki" ²⁶ Medak yak. Raja amat tusah , ndai tauk ndai yak sumpah (jaji) dirik ia ngau orang ati makai tamai ia diak, rajai ndai kak nulak peminta induk dara yak. ²⁷ Raja nyuruh sikuk orang natak kepala Yohanes, Nyuruh ngemaik kepalak Yohanes, lalu penetak kepala Yohanes, natak kepalak Yohanes darumah tutup (penjara). ²⁸ Dah yak, ia gemaik kepala Yohanes dalam baki, merik ngau induk penetak dara yak, induk dara ia merik gusung indai ia. ²⁹ Murid-murid Yohanes ninga, Sidak datai ngemaik tubuh Yohanes, dah yak gengkah ke ia da gupung. ³⁰ Sidak Rasul-rasul bekumpul ngau Yesus, Madah ngau ia nama-nama tepulah, nama te sidak padah kai ³¹ Yesus madah sidak, abuh kita ketempat atinadai bisit orang, betapa sekejap. ilak bajak orang datai pulai, Sidak nadai sepat makai. ³² Yesus ngau murid-murid ia atinadai ngau perau gegak atinadai bisit orang (Sunyik-Sempin) ³³ Orang bejak nadak sidak angkat ngau gelala sidak, orang banyak sigat-sigatna nitih ke sidak, gelalu jalai darat datai aribanyak kata, Orang banyak dulau rai Yesus ngau murid ia ³⁴ Yesus bejalai kai tebing danau, ia medak banyak orang, Ia kasih medak sidak maka domba atinadai bisit atigurus ek, medak piak Yesus ngajar sidak bajak necan. ³⁵ Ari dah kak malam, Murid-murid Yesus datai ngusung-ngusung ia, sidak madah, dituk nadai bisik orang ari udah malam. ³⁶ Suruh sidak banyak tuk gegak kampung-kampung ati bisik damping tuk ngau sidak gegak pemakai dirik ia ³⁷ Yesus madah, kitak atimerik sidak makai, jekuk sidak nganuk Yesus, Kalah meh kami meli roti ngau rega 200 dinar ngau merik orang banyak makai? ³⁸ Yesus nanyak sidak, mesak banyak roti atibisit ntakitak? akat pedak kai dulau; Udah sidak medak, sidak madah, Lima roti dua ikan. ³⁹ Udah yak Yesus nyuruh orang banyak duduk, bakalumpuk-kelumpuk datau ruput. ⁴⁰ Orang banyak duduk bekalapak, bisik setus orang, dah yak bisik lima puluh orang. ⁴¹ Udah yak, Yesus gamit lima roti dua ikan yak, ia gadap kelangit, ia gucap syukur dah yak, Yesus gerupis-gerupis roti, udah yak ia merik gusung murid-murid ia sidak merik gusung orang banyak Yesus meduak dua ikan ngau orang banyak ⁴² Orang banyak makai sampai kenyang. ⁴³ Dah yak sidak gupul ke sidak roti ngau ikan dua belas bakul. ⁴⁴ Bisit lima ribu bakas (laki-laki) atimakai. ⁴⁵ Udah yak, Yesus nyuruh Murid-murid ia naik keperuk, dulau nyemerang, kai Betsaida, dah yak nyuruh orang banyak pulai ⁴⁶ Dah Yesus betemu ngau orang banyak, Yesus akat munguk berdoa dia. ⁴⁷ Udah ari malam, perauk udah dategah danau, Yesus kedirik antadarat ⁴⁸ Udah medak Murid-murid ia ngau pemedih gayuh keperau mpadai ribut deras ngelawan perau sidak. ⁴⁹ Tengah sidak medak Yesus bajalai datau aik, sidak ngira ia antu sidak mangkas. ⁵⁰ Sidak takut medak Yesus, Yesus ngumbai sidak, anang takut tuk aku. ⁵¹ Udah yak Yesus naik ke perau ribut baduk, Murid-murid ia temagagak (takjub) ⁵² Sidak mpai gelala mukjizat lima roti, ati sidak agik tetutup (Keras). ⁵³ Udah Yesus ngau murid-murid ia datai ke seberang sepiak da Genesaret. ⁵⁴ Udah sidak naik kedarat, Orang lasung gelala Yesus. ⁵⁵ Orang sigat-sigat nta darah yak, orang sibuk gemaik orang-orang pedih desan datau tilam gusung Tuhan Yesus, dini-dini orang ninga berita Yesus datai ⁵⁶ Kini-kini Yesus bejalai kai desa-desa, kai kota-kota atau kai kapung-kapung, Orang gengkah kai orang pedih de pasar minta ngau Yesus, nyamah ujung kelamit ia, sapati nyamah puas.