¹ Udah datai de tebing danau, daerah urang Gerasa, ² pas Yesus turun ari perau, bisik urang de tamak roh antu jelu datai ngusung Yesus. ³ Ia nugau de kubur, nai sik te talah masung ia meskipun ngau kebala rantai, ⁴ udah kalak de pasung kaki jari ia ulih putus dan matah ke kayu utai ngau nyekal kaki a. ⁵ Lawas malam ia mangkas-mangkas, ia medih dirik ngau kebala batu. ⁶ Pas medah Yesus ari jauh ia beguai dan mungkuk kai dirik de kaki Yesus, ⁷ ia mangkas na ngau ingan kayah, " nama urusan aku ngau Nuan Yesus? Yesus Anak Allah te Maha Tinggih, aku mintak anang medih aku. ⁸ kerena se empai nanyak urang yak, jekuk e, " ooo, roh jaik! keluar ari urang tuk". ⁹ lalu Yesus betanyak ngau sidak, "sapa nama kitak? ia madah, " nama aku Legion, karna kami banyak. ¹⁰ ia bekalik-kalik madah Yesus anang ngusir sidak ari daerah ia. ^{13 11} Din bisik ke bala babi tengah makai damping bukit ¹² Lalu ruh jaik mintak ngau Yesus, suruh kami namak ke babi, ayu kai kami tau masuk kalam. ¹⁴ Udah piak penginang babi angkat ari yak ke kota-kota dan ke kampung-kampung nyuruh urang keluar medak ke terjadi yak. ¹⁵ Bisik urang datai ngusung Yesus dan medak te kesarung antu jelu tadik udah duduk, ngau kelamik udah puas labas, ngasa piak sidak nai sik te mangah (takut). ¹⁶ Sidak medak kejadian yak lalu madah ngau urang bukai nama te udah terjadi. ¹⁷ Sidak mintak Yesus nudi kai daerah yak. ¹⁸ Awak Yesus naik ke peerau, mensia te de sarung antu jelu mintak kak tamai Ia. ¹⁹ Yesus nadai nyuruh ia tamai tapi Yesus madah, "pulai na mih ke rumah, ngau sidak te de kampung, padah ngau sidak nama te de pulah Tuhan dan Ia amat-amat kasih ngau mih. ²⁰ Mensia yak pun mulai bepadah kin-kituk de daerah Dekapolis nama te uudah de pulah Yesus ia dan sidak ngasa nyaruh ninga yak. ²¹ Pas Yesus nyeberang agik ngau perau ke tebing sepiak, mensia banyak udah nunguk Yesus, Yesus nugau de sisi danau. ²² Pemimpin Sinagoge te nama Yairus datai medak Yesus, ia mungkuk kedirik nyemah de kaki Yesus, ²³ Ia matang amat nguai Yesus madah Ia, "anak inuk aku te agik jepit kak mati, labak datai medak ia letak kai jari datai ia ngulih ke ia puas. Lalu Yesus datai ngeletak ke jari katau nemiak yak ayu ke ia puas dan idup. ²⁴ Yesus pun tamai Yairus. Mensia banyak udah beruguk nitih kai Tuhan Yesus dan bekelingik. ²⁵ Bisik urang inuk te kenak pemedih rasa (pendarahan) udah dua belas taun. ²⁶ Ia serantau pedih udah pisit berubat, udah kin-kituk berubat nadai tau puas, reta bena udah abis nadai ugak bisik perubah malah makin parah. ²⁷ Ia udah ninga berita tentang Yesus kak datai, maka ia datai ngusung Yesus ari belakai udah yak ia nyamah jubah Yesus ²⁸ Dalam ati ia madah, "asal aku tauk megai jubah Yesus aku tau puas". ²⁹ Kemaya yak pemedih ia baduk. Ia ngasa tubuh ia udah puas ari penyakit. ³⁰ Yesus ngasa bisik bisa keluar ari tubuh a, kemaya yak Ia malik kai tubuh a nguai urang banyak, "Sapa te nyamah jubah Aku? ³¹ Murid-murid e madah, "Nuan nadai medak urang pemayuh tuk bepajak-bepijit dan Nuan betanyak, "Sapa te nyamah Aku? ³² Lalu Yesus medak kituk-kiak sapa te megai Ia. ³³ inuk yak ketau kai nama te terjadi, ia takut dan begingak dan mungkuk kai dirik e de mua Yesus madah amat-amat nama te udah terjadi. ³⁴ Yesus madah urang inuk yak, "Iman ikau udah nyelamat kai ikau, angkat ngau selamat dan puas am ari penyakit ikau! ³⁵ Pas Yesus agik betutur datai urang ari kerabat kepalak rumah ibadah yak langsung betutur, "Anak nuan udah mati, nadai usah nyusah kai Tuan Guru agik! ³⁶ Ulih Yesus nadai ibuh ke petutur sidak dan Ia madah ngau kepalak rumah ibadah yak, "Anang takut, percayak na. ³⁷ Lalu Yesus nadai nyuruh surang pun tamai kecuali Petrus, Yohanes kerabat Yakobus, ³⁸ Pas sidak datai ke rumah sinagoge banyak mensia nyabak mangkas-mangkas, ³⁹ Yesus tamak kalam rumah yak betutur, "Ngapa nyabak mangkas-mangkas, nemiak tuk nadai mati ulih agik tengah tinuk. ⁴⁰ Sidak ketawak ke Tuhan Yesus, medak baka yak Yesus ngusir sidak suruh keluar dah yak de baik Ia apai-inai nemiak yak tamak kamar. ⁴¹ De pegai Ia jari nemiak jepit yak lalu Ia madah: "Talita Kum," te bereti: "Ooo anak, Aku madah angkatlah!" ⁴² Lalu nemiak yak bediri lalu bejalai, nemiak yak agik umur dua belas taun dan semua urang nyaruh medak kejadian yak. ⁴³ Yesus bepesan ngau bunyi kayah madah apai-inai nemiak yak, dah yak nyuruh sidak merik anak e makai.