Udah yak, ¹ nulak ke tempat yak lalu angkat ke Yudea ke sepiak sungai Yordan. Mensia banyak ngerumun Yesus agik upa biasa Ia pulah. Ia ngajar sidak agik. ² Udah yak urang -urang Farisi ngusung Yesus kak ngelabak Ia, sidak betanyak, "Tau nai laki nyarak ke bini a?" ³ Yesus nyawab sidak, "Nama te Musa padah ngau kitak?" ⁴ Sidak nyaut, "Kalak Musa madah mulah surat sarak ngulih keh tauk sarak". ⁵ Medak bekiyak, Yesus betutur, "Medak kitak kerampak, Musa mulah perintah upa yak". ⁶ Mula dunia tuk Tuhan Allah mulah mensia, laki ngau inuk, ⁷ Yak nyuruh urang laki nudi ke apai-inai ia, udah yak sengkalik ngau bini a, ⁸ sedua jadi sutik dagin. Sidak bukai agik dua tapi sutik. ⁹ Jadi, nama te udah de pesutik kai Tuhan Allah nadai tauk de perarak ke mensia. ¹⁰ Sekelin yak sidak dalam langkau, murid-murid a betanyak agik ngau Ia upa tadik. ¹¹ Medak bekiyak, Yesus betutur, "Sapa te nyarak ke bini a, udah yak nikah agik, ia udah bekingin (berzinah) ari bini a, ¹² udah yak antik bini nyarak ke laki e, nikah agik ngau laki lain ia udah bekingin ugak." ¹³ Udah yak sidak ngemaik kebala nemiak jepit ngau Yesus, ngulih ke Ia nyamah sidak yak, tapi murid-murid ngeretak (ngerara) sidak. ¹⁴ Medak te bekiyak Yesus ringat udah yak betutur , "Isak kai nemiak jepit yak datai ngusung Aku, anang ngalang sidak, karna kerajaan Allah empu urang-urang upa yak, ¹⁵ Aku madah te amat-amat ngau kitak, sapa te nadai nyamut kerajaan Allah upa nemiak jepit tuk, ia nadai tau tamak kalam kerajaan Allah." ¹⁶ yak Yesus ngerengkuk nemiak-nemiak jepit yak, lalu Ia merik berkat samil ngeletak ke jari katau sidak ¹⁷ Udah yak, pas Yesus tengah nyiap ke pejalai Ia, bisik surang mensia rari datai ngusung Ia, samil mungkuk ke dirik (berlutut) de mua Ia udah yak betanyak, "Tuan Guru te baik nama te alah aku pulah ngulih ke bulih ke pebagi (warisan) idup de surga?" ¹⁸ Udah yak Yesus betutur ngau ia, "Ngapa mih madah ke Aku baik? Nadai bisik mensia te baik kecuali Allah kedirik" ¹⁹ Mih ketau ke bala perintah, "Anang munuh pangan, anang bekingin, anang encuri, anang bulak, anang ngakal, patuh ngau apai-inai" ²⁰ Udah yak urang yak betutur agik, "Tuan Guru, aku udah nunak yak ari aku agik senik meliak". ²¹ Medak bekiyk, Yesus medak nemiak yak, Ia nyimpan kasih ke ia samil betutur, "Tapas sutik ari mih. Angkat kin, pejual ke semua nama te bisik, berik ngau sidak te papa-ruga (Miskin), maka mih bisik bulih reta-bena de surga, udah yak datai agik tamai Aku". ²² Medah bekiyak , ia ngasa tusah ati udah yak ia angkat ngau amat-amat ridu karna ia mayu reta-bena. ²³ Udah yak, Yesus medak te bisik de sekitar lalu betutur ngau murid-murid Ia, "Amat-amat nadai mudah sidak te kaya tau tamak kerajaan Allah!" ²⁴ Murid-murid Ia tekejut ninga te de padah Ia ngau sidak, Yesus pun ngelanyut te de padah Ia"Oooo anak amat-amat nadai mudah sidak te kaya tau tamak kerajaan Allah! ²⁵ Agik mudah sikuk Unta ngelalu lubai jarum aripada mensia kaya tamak kerajaan Allah" ²⁶ Murid-murid Ia makin tekejut udah yak betutur ngau sidak te bukai, "Antik piak sapa te tauk tamak kalam kerajaan Allah?" ²⁷ Yesus medak sidak samil betutur, "Bagi mensia te upa tuk nadai mungkin, tapi bagi Tuhan Allah nadai. nadai bisik te nadai tau Tuhan Allah pulah" ²⁸ Petrus mulai madah Yesus, "Pedak kai, kami kami nudi ke nama te bisik, ngengkak ke kak tamai Nuan!" ²⁹ Yesus betutur, "Aku madah ngau pengamat, nadai bisik surang pun te nudi ke rumah ia, menyadik laki ia, menyadik inuk ia, inai, apai, kebala anak, kebala uma karna Aku ngau Injil, ³⁰ te masa tuk nadai nerimak seratus kalik lipat -- kebala rumah, menyadik laki, menyadik inuk, kebala inai, kebala apai, kebala anak, kebala uma, ngau kebala pemedih (aniaya); pagi lusak ia pun pasti ngasa te nama surga. ³¹ Mayuh mensia te de luan jadi de kemudi, te de kemudi jadi de luan (Yang pertama menjadi terakhir, terakhir menjadi pertama)" ³² Sidak agik tengah bejalai nikik ke Yesrusalem, Yesus bejalai de mua sidak. Sidak ngasa iran ulih sidak kedak te tamai Ia ngasa takut. Udah yak Yesus ngemaik kedua belas murid a, Ia mulai madah kai nama te kak terjadi, ³³ Jekuk Ia, "Pedak, kita agik ketengah nikik ke Yerusalem dan Anak Mensia kak de serah ke ngau imam-imam kepalak dan ahli-ahli Taurat. Sidak kak ngukum Ia sampai mati udah yak sidak kak nyerah ke Ia ngau urang-urang bukai Yahudi." ³⁴ Sidak bejaik Ia, ngelecui Ia, maluk-melasah Ia, udah yak Ia de bunuh. Tapi, tiga ari udah yak Ia bangkit agik. ³⁵ Udah yak, Yakobus ngau Yohanes, kebala anak Zebedeus, datai ngusung Yesus, samil betutur, "Tuan Guru, penai kak kami Nuan mulah nama te kami mintak" ³⁶ Udah Yesus betutur ngau sidak, "Nama te mitak kak, Aku pulah untuk kitak?" ³⁷ Sidak madah Ia, "Tau nai antara kami duduk de sepiak kanan Nuan udah yak surang de sepiak kibak Nuan dalam kemuliaan Nuan." ³⁸ Tapi Yesus madah sidak, "Kitak nadai ketau nama te kitak mintak, kitak talah nadai ngirup ari cawan te Aku minum atau de panik ngau ngau baptisan te de baptis ngau Aku?" ³⁹ Sidak betutur ngau Ia, "Kami talah!" Lalu, Yesus madah sidak, "Cawan te de ngau Aku minum, kitak ugak minum, kitak pun de panis ngau baptisan te de berik ngau Aku, ⁴⁰ tapi untuk duduk de sepiak kanan atau kibak bukai Aku te merik ngau kitak, tapi tempat yak de berik ngau sidak te udah de siap kai." ⁴¹ Ninga yak, sepuluh murid te lain ringat ngau Yakobus dan Yohanes. ⁴² Lalu, Yesus ngumai madah sidak, "Kitak ketau sidak de anggap sebagai pemerintah urang-urang bukai Yahudi mulah upa urang te bekuasa atas sidak, petingih-petingih sidak nguna ke kuasa atas sidak." ⁴³ Bisik pun upa yak, nadai tau piak kitak. Sebalik e, sapa te bisik kak nyadi te besai alah nyadi pelayan, ngelayan pangan te bukai, ⁴⁴ Sapa te bisik kak de luan (jadi yang pertama) alah nyadi pelayan pangan te bukai. ⁴⁵ Anak Mensia pun datai bukai kak de layani tapi datai kak melayani, udah yak merik ke nyawa dirik e sebagai penebus banyak mensia. ⁴⁶ Udah yak, sidak datai de Yerikho. Pas Yesus bereta murid-murid e ngau mensia banyak nudi ke Yerikho, bisik surang te butak nama e Bartimeus, anak Timeus tengah duduk de sisi jalai. ⁴⁷ Pas ia ninga berita Yesus datai ke Nazaret, ia betutur, "Yesus, anak Daud kasih ke aku tuk!" ⁴⁸ Mensia banyak ngeretak ia nyuruh sunyik. Medak bekiyak, ia makin mangkas-mangkas, "Yesus, anak Daud kasih ke aku tuk!" ⁴⁹ Udah yak Yesus betegak samil madah, "Kumai ia yak." Sidak pun ngumai ia udah yak madah, "Kuat ke ati mih!, Bediri, Ia ngumai mih." ⁵⁰ Samil ngelepas ke kelamik e, urang butak yak bediri ngusung Yesus. ⁵¹ Udah yak Yesus betutur, "Nama te kedekak ngulih ke Aku pulah?" Urang butak yak nyawab, "Tuan Guru, aku kak medak." ⁵² Udah yak, Yesus betutur, "Angkat. Iman mih udah muas ke mih." Sekelin yak ugak, ia puas ari pemedak ia, udah yak tamai Yesus sepanyai jalai.