¹ Pas sidak ampir datai ke Yesrusalem damping Betfage dan Betania, de Bukit Zaitun, Yesus nyuruh dua murid Ia, ² udah yak betutur ngau sidak, "Angkat kin ke desa te de mua kitak, antik kitak udah tamak kiak, kitak betemu ngau sikuk Keledai te mudak agik kenak kebat, empai kalak de taik urang. Lepas kai keledai yak udah yak de baik." ³ Antik bisik urang betanyak ngau kitak, 'Ngapa kitak pulah upa yak?, padah kai, "Tuhan perlu keledai tuk udah yak de pulai ke agik kituk." ⁴ Lalu sidak angkatngamik sikuk keledai te tengah de kebat de luar lawang, de jalai lalu sidak ngelepas kai keledai yak tadik. ⁵ Bala mensia te bediri diak betanyak ngau sidak, "Nama te kitak pulah ngelepas kai keledai yak?" ⁶ Sidak nyaut upa baka te de padah Yesus ngau sidak tadik, udah yak mensia te diak nyugai (membiarkan) ke sidak angkat ari yak. ⁷ Udah yak sidak ngemaik keledai ngusung Yesus, sidak ngeletak ke kebala kelamik panyai (Jubah) de atau keledai yak udah yak Yesus duduk de atau keledai yak. ⁸ Banyak mensia ngeletak kai kelamik panyai de tengah jalai, bisik ugak te naruh kebala dan-dan pun te udah sidak tetak ari uma. ⁹ Mensia banyak te bejalai de mua mangkas, "Hosana!" "De berkatilah Ia te datai dalam nama Tuhan" (Mazmur 118:25-26) ¹⁰ "De berkatilah penatai Kerajaan Daud, akik-inik kitai! Hosana, de tempat te Maha Tingih!" ¹¹ Udah yak, Yesus tamak ke Yerusalem lalu angkat ke Bait Allah. udah medak nama te bisik diak Ia angkat agik ke Betania bereta ngau dua belas murid Ia karna ari udah kak malam. Ari pagi e, ¹² pas sidak nudi ke Betania, Yesus ngasa lapar, ¹³ Pas yak Ia medak pun ara te bedaun ari jauh, Ia angkat medak kiak sapa ketau bisikte tau de temu ari pun yak. Pas Ia datai kiak, nadai bisik te tau de temu, angak daun gelik te bisik karna pas yak bukai rama pun ara bebuah. ¹⁴ Ngasa piak Yesus betutur ngau pun ara yak, "Anang bisik agik surang mensia pun te makai buah ari pun tuk sampai ke pagi-lusak-tulat (selama-lamanya)," Murid-murid Ia ninga jakuk Ia. ¹⁵ Udah yak, sidak datai de Yerusalem. Yesus tamak ke Baik Allah samil ngusir kebala mensia te bejual-beragih de Bait Allah. Ia numang ke kebala mija penukar duit, bangku-bangku mensia te nyual burung merpati, ¹⁶ Ia nadai nyuruh sidak ngemaik kebala barang ngelalu Bait Allah. ¹⁷ Udah yak Yesus ngajar sidak, "Bukai kah bisik te de tulis, Rumah-Ku de telah rumah doa ngau semua bansa?" ¹⁸ Kebala imam-imam kepalak ngau ahli-ahli taurat ninga udah yak ngegak tipa cara kak munuh Yesus. Sidak takut ngai Ia karna mensia banyak iran ninga nama te de ajar ke Ia. ¹⁹ Pas ari udah kak malam, Yesus ngau murid-murid e nudi ke kota yak. ²⁰ Pas lam-lam kenyung sidak lalu, sidak medak pun ara te udah kering datai keakar-akar e. ²¹ Petrus ingat nama te jekuk Yesus, "Rabi, pedak! pun ara te Nuan kutuk udah mati!" ²² Yesus nyaut ia, "Empu lah iman dalam Allah, ²³ Aku madah ngau pengamat ngau kitak, sapa na te madah ngau gunung tuk, angkat dan tepacing ke laut, dan nadai bisik ragu dalam ati e tapi pecayak amat-amat tau terjadi, maka utai yak terjadi" ²⁴ Sebab yak Aku madah ngusung kitak, nama na te kitak doa keh ngau mintak, pecayaklah bahwa kitak udah nerimak e,, maka utai yak de berik ngau kitak. ²⁵ Antik kitak bediri dan bedoa, anang kelupa ngampun urang te bisik salah, supaya Apai kitak te de surga ngampuni kesalah-kesalah kitak. ²⁶ Antik kitak nadai merik ampun, Apapi kitak te de surga ugak nadaimerik ampun ngusung kitak. ²⁷ Udah yak, sidak datai agik ke Yerusalem. Sementara Yesus bejalai de Bait Allah, Imam-imam kepalak, Ahli-ahli Taurat,Te tuai de Yahudi datai ngusung Ia, ²⁸ sidah betutur, "Ngau kuasa nama Nuan mulah te nyaruh upa yak, sapa te merik Nuan pemenau ngau mulah te upa yak?" ²⁹ Yesus nyaut sidak, "Aku kak merik sutik pertanyaan ngusung kitak, antik kitak nyawab nama te Aku tanyak baruk Aku nyawab empu kitak, ngau kuasa nama Aku mulah te tubah nyaruh yak." ³⁰ Apakah baptisan Yohanes asal ari surga atau ari mensia? Nama jekuk kitak? ³¹ Sidak beruning ngau sidak te bukai, "Antik kitai nyawab 'Ari surga,' Ia pasti madah, 'Ngapa kitak nadai pecayak ngau yak?' ³² Tapi antik kitai nyawab, 'Ari mensia?'" Kebala pemimpin yak nadai mangah ngau mensia banyak karna te sidak ketauk Yohanes yak amat-amat surang Nabi. ³³ Karna yak, sidak nyawab Yesus, "Kami nadai ketau!" Udah yak, Yesus madah sidak, "Upa yak ugak Aku, Aku nadai merik ketau kitak ngau kuasa nama Aku mulah te tubah nyaruh yak."