¹ Yesus betutur ngusung sidak, "Aku madah te amat-amat ngusung, bisik beberapa ikuk kitak te tengah diri dituk-nadai mati sampai sidak medak kerajaan Allah datai ngau kuasa." ² Enam ari udah yak, Yesus maik Petrus, Yakobus dan Yahya, Ia maik sidak tiga ke bukit (Munguk) te tingih, sekelin yak Yesus (ngurang) berubah rupa (mua e) de pedak dirik de mua sidak. ³ Yesus ngau kelamik panyai putih lanyih, putih agik ari kapas. Nadai bisik tukang pemutih sikuk pun de dunia tuk te tau mulah baka yak. ⁴ Muncul ugak Elia ngau Musa tengah bututur ngau Yesus. ⁵ Udah yak Petrus betutur ngusung Yesus, Tuan Guru (Rabbi), Baik ke mati awak tuk, kalau kitai nugau dituk, abuh kitai mulah tiga buah langkau, sutik empu Nuan, sutik empu Musa, sutik empu Elia. ⁶ Petrus betutur munyi yak begetar-begitik medak sidak tiga takut. ^{8 7} Sidak medak awan nutup atau sidak bisik ingan tutur mensia ari awan yak baka tuk, "Tuk Anak te de kasih Aku, dinga kai pemadah Ia. ⁹ Tengah sidak turun ari bukit/munguk te tingih tadik, Yesus madah sidak anang madah ke sidak te bukai nama te kitak pedah tadik. Nama te kitak udah pedak tadik sampai Anak Manusia bangkit ari antara urang mati. ¹⁰ Udah yak sidak megai nama te de padah Yesus samil betanyak ke te bukai nama reti "kebangkitan ari lubai kubur (kematian)". ¹¹ Udah yak sidak betanyak nguai Yesus, "Ngapa sidak ahli Taurat madah Elia alah datai dulau?" ¹² Yesus madah sidak, Elia memang datai dulau nyemaik utai. Tipa ngau te de tulis tentang Anak Manusia, arus pedih tengah malam dan de hina urang-urang. ¹³ Aku madah kitak, Elia memang udah datai, sidak mulah ia senai kak ati, baka te de nubuat dalam kitab Suci. ¹⁴ Pas Yesus, Petrus, Yakobus, Yahya pulai ngusung murid te banyak, banyak mensia ngelingik sidak, sidak ahli Tuarat tengah bedebat ngau sidak. ¹⁵ Mensia banyak te ngelingik bala murid medak Yesus, sidak jadi tekejut, sidak beguai nyamut Yesus. ¹⁶ Yesus nanyak urang banyak tadik, "Nama te de pedebat kitak ngau ahli Taurat?" ¹⁷ Sikuk mensia te diak nyaut Yesus, berik AKu ngemaik sikuk nemiak laki te de sarung roh jaik, ¹⁸ Pas roh jaik nyarung ia, ia ngempas kedirik, betamah liur a keluar ari mulut ia, samil ngatup kai gigi sampai tempisan, aku mintak murid-murid Nuan ngusir roh jaik yak, sidak nadai bisik te tauk. ¹⁹ Yesus nyaut sidak pituk, "Oo kitak te nadai pecayak, sampai bila agik arus betan tamai kitak?" Baik nemiak yak kituk, ²⁰ sidak sigat-sigat maik nemiak ngusung Yesus, kemaya yak ugak roh jaik tadik medak Yesus, langsung nguncang-nguyu nemiak yak sampai begelung-gelung de tanah, begurak liur ari mulut a, ²¹ Udah yak, Yesus betanyak nguai apai nemiak yak tadik, apa pelamat udah pedih baka tuk, saut Yesus, ari jepit. ²² Roh jaik tadik pisit macing kai nemiak tadik kalam api, kalam aik kak munuh ia. Jekuk sidak antik nuan tau nolong kasih kai kami, talau kami. ²³ Jekuk kitak antik Aku tau? Semua Aku tauk, antik kitak amat-amat pecayak. ²⁴ Kemaya yak apai nemiak yak tadik, ruau-ruau, aku pecayak, ampun aku. ²⁵ Pas Yesus medak mensia banyak datai kiak, kemaya yak Yesus merak roh jaik tadik, piak jekuk Yesus, "Mih roh jaik (roh bisuk, roh tulik) Aku nyuruh mih keluar ari nemiak tuk, anak tamak ke ia agik. ²⁶ Roh jaik tadik mangkas-ngusah nguyah nguman amat, udah yak roh jaik yak rari. Nemiak yak selap de tengah mensia banyak, sidak madah "Mati nemiak yak" ²⁷ Udah yak Yesus megai jari nemiak tadik, nyuruh ia was, nemaik yak pun bediri. ²⁸ Pas Yesus tamak ke rumah murid-murid, sidak betanyak ngau Ia, "Ngapa Guru kami, kami nadai ulih ngusir roh jaik?", ²⁹ Yesus betutur ngau sidak, roh jaik te tuk, alah de usir kecuali kitak berdoa. ³⁰ Udah yak Yesus ngau muris a angkat ngelalu menua Galilea, Yesus ngai de ketauk urang tentang penatai sidak. ³¹ Pas Yesus tengah ngajar sidak ngajar murid-murid, Ia betutur piak, "Anak mensia kak de serah ke sidak te kak munuh Ia, udah Ia de bunuh, ari ke tiga Ia bangkit." ³² Murid-murid nadai paham tutur yak, sidak takut betanyak ke Ia agik. ³³ Udah yak, Yesus ngau muris e, datai ke Kapernaum, udah sidak tamak ke rumah, Ia betanyak ke sidak, "Nama utai kitak umung kai de jalai tadik?", ³⁴ sidak nugau nadai bisik te tauk nyaut, sidak tekenang nama penjantuk ke sidak de jalai tadik karna bekelai ke sapa posisi te besai kepangan. ³⁵ Yesus duduk ngumai dua belas murid, Ia betutur ngusung sidak, antik bisik te kak nyadi te de mua, ia kalah keh nyadi te de belakai ari pangan, ngelayan pangan. ³⁶ Udah yak Yesus ngamik nemiak jepit de suruh bediri de tengah sidak, samil makap-mangkuk nemiak yak, Ia betutur ngau sidak. ³⁷ Sapa na te kak nerimak nemiak jepit baka tuk, dalam nama-Ku, ia nerimak Aku,m sapa te nerimak Aku, ia udah nerimak Ia te ngutus Aku. ³⁸ Yahya betutur ngau Yesus, "Guru, kami medah urang ngusir antu ngau nama Nuan, kami alang, ia nadai tamai kitai". ³⁹ Yesus betutur ngau sidak, "Anang ngalang ia, urang yak mulah te baik/iran ngau nama Aku-nadai patut kemaya yak nulak Aku, ⁴⁰ Sapa nadai ngelawan kitai, ia kawan kitai" ⁴¹ Aku madah kitak amat-amat, sama na merik kitak aik irup, medak kitak tamai Aku, nadai nyau upah ia. Sapa te nyesat kai urang Tentang garam ⁴² Sapa te ngalang sikuk na ari nemiak jepit te kak pecayak ke Aku, ia udah mulah dusa, suruh ia ngantung lier a ngau batu besai, udah yak pacing ia ke aik laut. ⁴³ Antik jari kitak te ngemaik urang bedusa, tetak jari kitak yak, agik baik kitak tamak ke surga maik jari sepiak na. Daripada kitak ngau dua jari tamak kalam neraka, awak api te nadai tauk padam. ⁴⁴ Awak ulat nadai tauk mati, api nadai bisik pengabis. ⁴⁵ Antik kaki ngemaik kitak bedusa, tetak kaki yak, nadai ngapa kitak idup ngau kaki sutik daripada bisik dua kaki ulih tamak neraka. ⁴⁶ Awak ulat nadai tauk mati, api nadai bisik pengabis. ⁴⁷ Antik mata ngemaik kitak bedusa, keruak mata yak, lebih baik kitak tamak kerajaan Allah ngau mata sepiak na daripada bisik dua mata ulih de pacing kalam neraka. ⁴⁸ Yak awak ulat nadai tauk mati, api nadai bisik pengabis. ⁴⁹ Karna semua mensia kak de garam ngau api. ⁵⁰ Garam yak baik, antik garam yak nadai masin agik, tipa kak mulah garam yak masih agik? Simpan baik-baik garam entang ati kitak kedirik, kalah telas (berdamai) kitak ngau pangan te bukai.