Trompet Kuhimih Punojih Kengerian di'k Tojih ¹ Lalu, malekat kuhimih nyipuah trompet'n, ngan ku'k ngolo nyi'k golo'k binata'kng hobu'k so'k honyia'tn no'k somu bumi, ngan nganu'ng niminyu'k kunci huba jurang maut, ² Diapm muka'k huba jurang maut, maka sima'klah asap so'k huba han, mah asap so'k tuku'k di'k daeh, ngan motih sohonuh ngan angkasa jodi piti'k karna asap hubahan. ³ Kemudian, so'k wah asap han kuluarlah balo buta'k kusomu bumi, ngan balo niminyu'k kuasa mah kuasa kalo no'k bumi. ⁴ Ngan, nganu balo nimosa'tn kai me'k balo iduh poyo'k tono'k, balo koyuh di'k timu'k, ataupun balo koyuh, melai'kka'tn hanya balo di'k kai pu'hk segel Baipunopo'k no'k dakiah balo. ⁵ Balo kai diize'tn nya'k kome'k balo, tetapi supaya ninyoho'k balo selama'k himih(5) buha'tn; ngan siksaan han samah mah siksaan kalo saat diapm nyingia'tn na'ksio. ⁶ Pada masa han, na'ksio ho'k ngogau nya'k kome'kng, tetapi balo kai dopi't ngogau. Balo ingin kobe'k, tetapi pukome'k menghindar so'k balo. ⁷ Ujud jalah buta'k han mah balo kuda ninyiapkan nya'k pora'knge; ngan no'k somu ba'k balo odiah koyuh mah mahkota omas, baka balo mah baka na'ksio. ⁸ buhuba'k balo mah buhuba'k dayua ngan jipi'tn balo mah jipi'tn singa, ⁹ ngan isua'k balo mah bojuh bosi, ngan caho ohot balo mah caho balo kereta ngan obia kuda di'k busamuat no'k aho'kng pora'kng. ¹⁰ Ngan, kui'k balo mah kalo ngan odiah nyigia'tn'e, ngan di'k wah kui'k balolah odiah kuasa nya;k konapm na'ksio sulama'k himih(5)buha'tn. ¹¹ Haja di'k hitah balo adalah malekat jurang maut, di'k no'k wah bahasa Ibrani oda'tn adalah ''Abadon //'', seda'kngka'tn wah bahasa Yunani odat'n adalah ''Apolion // ''. ¹² Bencana di'k tojih jeh lalu, tetapi bayu odiah du(2) punyoho'k biki'tn acapm moni'k. Trompet Kunimm Bucaho ¹³ Lalu, malekat di'k kunimm nyipuah trompet'n, ngan ku'k ngopi'kng caho so'k kupat tanua'k altar* omas di'k odiah no'k joi Baipunopo'k, ¹⁴ kua'tn kanu malekat kunimm di'k migi'tn trompet han, ''Lopasmaihlah kupat malekat di'k ningisiat no'k sungi Efrat di'k daeh han.'' ¹⁵ Maka, kupat malekat han, di'k jeh ninyiap o nya'k japm ngan onu, buha'tn ngan sowo'k han, nilopas nya'k kome'k sepertohuah(1/3) umat na'ksio. ¹⁶ Jumlah tentara bukuda balo adalah duhatus(200) juta kobia'ng; ku'k ngopi'kng jumlah balo. ¹⁷ Ngan, mahanlah ku'k ngolo wah puhonog* kuda-kuda han ngan balo di'k guhu'k no'k somu'nge; nyo di'k nunggang'ng nginya'k bojuh bosi buwarna sio'k jilau, biru piti'k, ngan kuning mah bi'e; ngan ba'k kuda-kuda han mah ba'k singa ngan so'k tukua'k balo kuluar opi, asap, ngan bi'e. ¹⁸ Ngan kutohuah'nglah sepertohuah(1/3)na'ksio nikome'k; ngan opi, asap, go'k bi'e di'k kuluar so'k tukua'k balo. ¹⁹ Sebab, kukuat balo kuda han nidopit no'k tukua'k ngan kui'k balo. Sebab, kui'k balo mah nyipih di'k buba'k, go'k ngan hanlah balo ngagah. ²⁰ Mahai'k, na'ksio di'k selamat, di'k kai du'kkabe'k nih bencana han, tetapi kai butobat so'k balo akuah tongan balo, bahwa balo kai buliah nyumah roh-roh di'k be'k ngan berhala-berhala* so'k omas, piha'k, mago, botuh, atau koyuh; di'k kai dopit ngolo, ngopi'kng, atau pu'tn bujala'tn, ²¹ go'k balo kai butobat so'k pukome'k, siher'k,* percabulan, ngan punoku.