Malekat ngan golua kitab ci'k ¹ Lalu, ku'k ngolo nyi'k malekat kuat lai'kng mono'k so'k surga, bu aduah awa'tn ngan dawah odiah no'k somu ba''kng, ngan baka'ng mah motih sohonuh, ngan kojo'kng mah tia opi. ² Malekat han migi'tn nyi'k buah kitab ci'k di'k tubuka'k. Ngan, diapm nginyia'k kojo'k touh'ng no'k lawuat ngan kojo'k monyiat'nno'k doyih, ³ lalu makas ngan caho hogs, mah singa di'k bungaong; ngan setelah diapm makas, ju'k gugut dinia do'k kapi'kng caho balo. ⁴ Ketika kuju'k dinia han jeh bucaho, ku'k ingin nulis'nge, tetapi, '' Segellah oniah di'k jeh ninyono'k so'k kuju'k dinia han! Inyo'k nulis'ng!'' ⁵ Kemudian, malekat di'k ku'khonong tokit no'k lawuat ngan no'k doyih han ngokat tongan touh'ng kuhonyia'tn, ⁶ ngan busupah demi Diapm di'k midiap selama'k-lama'khan, di'k menciptakan honyia'tn ngan sugolah bih'ng, bahwa kadiah penundaan agi'k, ⁷ tetapi pada masa caho malekat kuju'k, ketika diapm ingin nyipuah trompet'n, maka tergenapila rasia Baipunopo'k, mah di'k diapm nyono'k kanu balo hamba-ng: balo nabi*.'' ⁸ kemudian, caho di'k atui ku'k ngopi'kng so'k surga bukata agi'k kanuku'k, kua'tn, ''Obu ngan tanulah golua kitab tubuka'k so'k tongan malekat di'k tokit no'k somu lawuat ngan doyih han. '' ⁹ Maka, ku'k obu kanu malekat han ngan mito'kng nyilu'k golua kitab ci'k han nganu ku'k. Ngan, malekat han nyono'k nganu ku'k, ''Tanumaih kitab tia ngan naslah, han ho'k moki tonimu'k poyiat, tetapi no'k tukua'k mu'k, han acapm bu asa sido'k mah madu. '' ¹⁰ Lalu, ku'k monu kitab ci'k no'k tongan malekat han ngan ngudap'm, ngan no'k tukua'kku'k han bu asa sido'k mah madu; ngan mahai'k ku'k jeh ngudap'm, toniku'k jodi poyiat. ¹¹ Lalu, diapm nyia'tn kanu ku'k, ''Mu'k harus bernubuat* gi'k no'k joi obia bangsa ngan kau'pm ngan bahasa ngan haja-haja.''